اراب جانە مۇسىلمان الەمى ءۇشىن ەرەكشە ءمانى بار باعدارلاما

مەملەكەت باسشىسىنىڭ اتىنا ليۆان پارلامەنتى «مۋستاكبال» پارتياسى پارلامەنتتىك بلوگىنىڭ كوشباسشىسى, ەكس-پرەمەر-مينيستر فۋاد سينيورادان حات كەلدى, دەپ حابارلادى پرەزيدەنتتىڭ ءباسپاسوز قىزمەتى. اۆتور ءوزىنىڭ حاتىندا مەملەكەت باسشىسىنىڭ قا­زاقستان حالقىنا بيىل­عى جولداۋىمەن زور قىزى­عۋ­شىلىق بىلدىرە وتىرىپ تانىسىپ شىققانىن, وندا ەلدىڭ بولاشاعى  كورىنىس تاپ­قانىن جانە باستى ماق­ساتقا – قازاقستاننىڭ 2050 جىل­عا دەيىن الەمدەگى ەڭ دا­مىعان 30 ەلدىڭ قاتارىنا قو­سىلۋعا  قول جەتكىزۋ جولدارى ايقىندالعانىن ايتادى. ف.سينيورا جولداۋدا اتالعان دامۋ باعىتتارىنىڭ اراب جانە مۇسىلمان الەمى ءۇشىن ەرەكشە ءمانى بار ەكەنىن اتاپ وتكەن. «ءسىز ءبىزدىڭ يسلام الە­مىن­دەگى تال­قى­­لاۋ­لارىمىزدا ايتىلا بەر­مەيتىن اسا ماڭىزدى تاقى­رىپ – ءوسىم, جاڭعىرتۋ جانە ەكو­نو­ميكالىق دامۋدىڭ ماڭىز­دى ءارى ءتيىمدى بىرىكتى­رۋشىلىك قاعيداتتار بولىپ سانالاتىنى تۋرالى ايت­تىڭىز», دەلىنگەن حاتتا. اۆتور قازاقستاننىڭ دامۋ جولىندا العا قوي­عان ماقساتتارعا قاراي قا­دام باسا وتىرىپ, وزگە مۇ­سىلمان جانە اراب ەلدەرى ءۇشىن ۇلگى بولاتىنىنا سەنىم ءبىلدىرىپ, حات سوڭىندا نۇرسۇلتان نازارباەۆقا زور دەنساۋلىق جانە بارلىق ويعا العان جوسپارلارىن ىسكە اسىرۋ جولىندا تاباندىلىق تىلەگەن.