جاڭا كيىم ۇلگىسى جازعى جانە قىسقى مەرزىمگە ارنالعان.
سوتتالعانداردىڭ جازعى كيىم نىسانى: شالبارىنىڭ بالاقتارى مەن كۇرتەشەنىڭ جەڭدەرىنە, سونداي-اق بۇكىل ارقا تۇسى مەن كەۋدە تۇسىن بويلاي تىگىلگەن, ەنى 2,5 سانتيمەتر بولاتىن جارىق شاعىلىستىرعىش ءبىر جولاعى بار كۇرتەشە جانە شالبار:
سوتتالعان ەرلەر مەن كامەلەتكە تولماعان ۇلدار ءۇشىن - سۇر ءتۇستى;
سوتتالعان ايەلدەر مەن كامەلەتكە تولماعان قىزدار ءۇشىن - جاسىل ءتۇستى;
تارتىپتىك يزولياتورلارداعى جانە جالعىز ادامدىق كامەرالارداعى سوتتالعاندار ءۇشىن - قىزعىلت سارى ءتۇستى.
ءومىر بويىنا باس بوستاندىعىنان ايىرۋعا سوتتالعاندار ءۇشىن شالبارىنىڭ بالاقتارى مەن كۇرتەشەنىڭ جەڭدەرىنە, سونداي-اق بۇكىل ارقا تۇسى مەن كەۋدە تۇسىن بويلاي كولدەنەڭىنەن اراسىنان 2 سانتيمەتر قالدىرىپ تىگىلگەن, ارقايسىسىنىڭ ەنى 2,5 سانتيمەتر جارىق شاعىلىستىرعىش ەكى جولاعى بار كۇرتەشە مەن شالبار - قوڭىر ءتۇستى. باس كيىم - سۋ وتكىزبەيتىن ماتادان تىگىلگەن كەپكا (ايەلدەر ءۇشىن - ۇشكىل ورامال).
سوتتالعانداردىڭ قىسقى كيىم نىسانى: شالبارىنىڭ بالاقتارى مەن كۇرتەشەنىڭ جەڭدەرىنە, سونداي-اق بۇكىل ارقا تۇسى مەن كەۋدە تۇسىن بويلاي تىگىلگەن, ەنى 2,5 سانتيمەتر بولاتىن جارىق شاعىلىستىرعىش ءبىر جولاعى بار كۇرتەشە جانە شالبار:
سوتتالعان ەرلەر مەن كامەلەتكە تولماعان ۇلدار ءۇشىن - سۇر ءتۇستى;
سوتتالعان ايەلدەر مەن كامەلەتكە تولماعان قىزدار ءۇشىن - جاسىل ءتۇستى.
ءومىر بويىنا باس بوستاندىعىنان ايىرۋعا سوتتالعاندار ءۇشىن شالبارىنىڭ بالاقتارى مەن كۇرتەشەنىڭ جەڭدەرىنە, سونداي-اق بۇكىل ارقا تۇسى مەن كەۋدە تۇسىن بويلاي كولدەنەڭىنەن اراسىنان 2 سانتيمەتر قالدىرىپ تىگىلگەن, ارقايسىنىڭ ەنى 2,5 سانتيمەتر جارىق شاعىلىستىرعىش ەكى جولاعى بار جىلى كۇرتەشە مەن شالبار - قوڭىر ءتۇستى. باس كيىم - يىرىلگەن 2 نەمەسە 3 جىپتەن توقىلعان بورىك.
