ءومىر ءسۇرۋ ساپاسىن جاقسارتۋعا باعىتتالعان الەۋمەتتىك جانە ينفراقۇرىلىمدىق جوبالاردى ىسكە اسىرۋ ءونىمدى ءبولۋ تۋرالى تۇپكىلىكتى كەلىسىمدە بەكىتىلگەن مىندەتتەمەلەرگە ەنگىزىلگەن. قپو 1998 جىلدان بەرى ورال ءوڭىرىنىڭ الەۋمەتتىك دامۋىنا ەلەۋلى ۇلەس قوسىپ كەلەدى. ناقتى نەنى, قاشان جانە قايدا سالۋ كەرەكتىگى وبلىس باسشىلىعىمەن بىرلەسىپ, باتىس قازاقستان وبلىستىق ءماسليحاتىنىڭ بەكىتۋىمەن شەشىلەدى. بۇل بىزگە ەڭ سۇرانىسقا يە جوبالاردى بىرلەسىپ تاڭداۋعا مۇمكىندىك بەرەدى. ياعني سۇرانىس ۇسىنىستى تۋدىرادى.
وزەكتى باعىتتاعى بۇل جۇمىستار بيىل دا جۇرگىزىلۋدە. ورال – ەلىمىزدىڭ «باتىس قاقپاسى» ەكەنىن جۇرتشىلىق مويىنداعان. سوندىقتان ءوڭىر ءۇشىن كولىك-لوگيستيكانى دامىتۋ ەرەكشە ماڭىزعا يە. ءدال وسى ۇستانىمدارعا وراي «ورال» حالىقارالىق اۋەجايىن قايتا جاڭعىرتۋ ماسەلەسى قارالدى. وتكەن عاسىردىڭ جەتپىسىنشى جىلدارى سالىنعان عيمارات بارلىق جاعىنان ەسكىرگەن. سونىمەن قاتار 2014-2015 جىلدارى ۇشۋ-قونۋ جولاعى بارلىق ۇلگىدەگى زاماناۋي ۇشاقتاردى قابىلداۋ ءۇشىن قايتا جاڭعىرتىلدى. اۋەجاي تەرمينالىن قايتا قۇرۋ – كەشەندى جوبانىڭ جالعاسى. وعان قاراجاتتى قۇرىلىس-مونتاج جۇمىستارىنا تاپسىرىس بەرۋشى «قاراشىعاناق پەترولەۋم وپەرەيتينگ ب.ۆ.» كومپانياسى ءبولدى. عيماراتتىڭ اۋدانى ۇلعايىپ, تەرمينالدىڭ ءوزى زاماناۋي ديزايندا جاسالدى. تەحنيكالىق جابدىقتار حالىقارالىق ستاندارتتارعا ساي. اۆياتسيالىق قاۋىپسىزدىك ماسەلەلەرىنە كوپ كوڭىل بولىنەدى. سونداي-اق كەدەندىك, شەكارالىق, سانيتارلىق-كارانتيندىك قىزمەتتەر, اقپاراتتىق ورتالىق پەن مەديتسينالىق پۋنكت, ىشكى جانە حالىقارالىق رەيستەرگە ارنالعان جەكە زالدار بار. قازىر نىسان پايدالانۋعا بەرۋگە دايىن دەۋگە بولادى. جاڭا اۋەجايدىڭ وتكىزۋ قابىلەتى ساعاتىنا 200 جولاۋشىعا ەسەپتەلگەن, ال اۋە تاسىمالىنىڭ جىلدىق كولەمى 400 مىڭ جولاۋشىنى قۇرايدى.
قپو-نىڭ كولىك-لوگيستيكا سالاسىنا تىكەلەي قاتىسى بار تاعى ءبىر ءىرى الەۋمەتتىك نىسان – ورال قالاسىنىڭ جاڭا اقجايىق شاعىن اۋدانىنا شاعان وزەنى ارقىلى وتەتىن كوپىرى بار جولدىڭ قۇرىلىسى. بۇعان دەيىن كومپانيانىڭ تاپسىرىسى بويىنشا وبلىس ورتالىعىنداعى تەمىر جول ارقىلى وتەتىن كوپىر قۇرىلىسى مەن ورال قالاسى ماڭىنداعى «دەركۋل» شاعىن اۋدانىمەن بايلانىستىراتىن كوپىر قايتا جاڭعىرتىلىپ ۇلگەرىلگەن بولاتىن. ياعني قپو-نىڭ كوپىرلەردى قايتا قالپىنا كەلتىرۋ جانە سالۋ تاجىريبەسى بار, بۇل, ارينە, جاڭا ستراتەگيالىق ماڭىزدى نىساننىڭ قۇرىلىسىنا پايداسىن تيگىزەدى.
جالپى ءبىلىم بەرەتىن مەكتەپتەردىڭ قۇرىلىسى تۋرالى دا وسىنى ايتۋعا بولادى. ءبىلىم بەرۋ نىساندارى دا – الەۋمەتتىك ارىپتەستىك باعدارلاماسىنىڭ نەگىزگى باسىمدىقتارى. كومپانيا وبلىس اۋماعىندا بىرقاتار شاعىن جيناقتى مەكتەپتەردىڭ قۇرىلىسىنا اتسالىسپاق. ياعني شەت اۋماقتاردا بالالاردى وقىتۋعا ساپالى ءارى قولايلى جاعداي جاسالادى. قپو كومپانياسى سالعان مەكتەپتەردە ساپالى ءبىلىم الۋعا جانە بوس ۋاقىتتى وتكىزۋگە بارلىق جاعداي جاسالعانى ءىس جۇزىندە دالەلدەندى. «پارىز» بيزنەستىڭ الەۋمەتتىك جاۋاپكەرشىلىگى بايقاۋىندا كومپانيا «ۇزدىك الەۋمەتتىك جوبا» نوميناتسياسىندا كۇمىس جۇلدەمەن ماراپاتتالدى. ورالدا سالىنعان مەكتەپ وسىنداي جوعارى باعاعا يە بولدى.
اۋرۋدى ەمدەۋدەن گورى الدىن الۋ وڭاي ەكەنى بەلگىلى. سوندىقتان قپو الەۋمەتتىك جوسپارىندا سپورتتىق-ساۋىقتىرۋ كەشەندەرىن (سسك) سالۋعا ۇلكەن كوڭىل بولەدى. ورالدا, وبلىستىڭ بارلىق اۋدانىندا سپورتتىق-ساۋىقتىرۋ كەشەندەرىن قۇرۋ مىندەتى العا قويىلدى. بۇل اۋقىمدى دا جاۋاپتى ىسكە قاراشىعاناقتىق ينۆەستورلار بەلسەنە قاتىسۋدا. قازىرگى تاڭدا باتىس قازاقستان وبلىسىنىڭ ءار اۋدانىندا – وسىنداي 6 نىساننىڭ, ال ورال قالاسىندا ءبىر بالالار مەن جاسوسپىرىمدەر سپورت مەكتەبىنىڭ قۇرىلىسى اياقتالدى. بۇل باعىتتاعى جۇمىستار جالعاسۋدا. سپورت عيماراتتارىنىڭ بارلىعىندا كوماندالىق سپورت تۇرلەرىنە ارنالعان زالدان باسقا, ترەناجەرلاردا جاتتىعۋلار جاساۋعا, سپورتتىڭ كۇشتى تۇرلەرى بويىنشا جاتتىعۋلار جاساۋعا ارنالعان بولمەلەر, ال سپورتتىق-ساۋىقتىرۋ ورتالىقتارىندا تۋرنيكەتتەر مەن جۇگىرۋ جولدارى بار ويىن الاڭدارى بولادى.
قپو باسپانامەن قامتاماسىز ەتۋ سياقتى ماڭىزدى ماسەلەنى شەشۋدەن دە شەت قالمايدى. الەۋمەتتىك جوبالار جوسپارىندا ورال قالاسىندا سالىناتىن كوپقاباتتى تۇرعىن ۇيلەردىڭ قۇرىلىسى بار. سەرىكتەستىك سالىنىپ جاتقان شاعىن اۋدانداردا اباتتاندىرۋ جۇمىستارىنا دا اتسالىسۋدا.
كوپشىلىگى وبلىستا تىركەلگەن الەۋمەتتىك جوبالاردى جۇزەگە اسىرۋعا تەك قازاقستاندىق قۇرىلىس كومپانيالارىنىڭ قاتىسۋى ماڭىزدى. مەردىگەرلەردى تاڭداۋ كەزىندە قپو جەرگىلىكتى وندىرۋشىلەردى قولداۋ جانە جەرگىلىكتى قامتۋدى ارتتىرۋ قاعيداتتارىن ۇستانادى. قۇرىلىس كومپانيالارىمەن ءوزارا تۇسىنىستىك رۋحىندا دامىپ كەلە جاتقان ارىپتەستىك بايلانىستار ساقتالادى. جوعارى ساپا مىندەتتى بولىپ تابىلادى. ول جوبالاۋ پروتسەسىندە دە, جۇمىستاردى وندىرۋدە دە ساقتالۋى كەرەك. قولدانىلاتىن ماتەريالداردىڭ ساپاسى دا باقىلانادى. ونىڭ ۇستىنە تاعى دا قازاقستاندىق ونىمدەرگە باسىمدىق بەرىلگەن. ال قۇرىلىسشىلار قپو-مەن ىنتىماقتاستىقتى ناعىز شەبەرلىك مەكتەبى دەپ سانايدى. مۇندا تۇتىنۋشىنىڭ باقىلاۋى تۇراقتى تۇردە جۇزەگە اسىرىلادى. ونىڭ وكىلدەرى ساۋلەت-تەحنيكالىق قاداعالاۋ ۇيىمىنىڭ ماماندارىمەن بىرگە قۇرىلىس الاڭدارىندا جۇمىس ىستەيدى, بۇل بارلىق تۋىنداعان ماسەلەلەردى دەر كەزىندە جانە جەدەل شەشۋگە مۇمكىندىك بەرەدى.
ساپا پارامەترلەرى مەن قاۋىپسىزدىككە قاتىستى جوعارى تالاپتاردى ورىنداۋ ءۇشىن قوسىمشا وقىتۋ قاجەت. ناعىز شەبەرلىك تابيعي تۇردە باسەكەگە قابىلەتتىلىكتى ارتتىرادى جانە قازاقستاندىق قۇرىلىسشىلارعا قيىندىقسىز جۇمىس ىستەۋگە مۇمكىندىك بەرەدى. سوندىقتان قپو-مەن ىنتىماقتاستىق وتە بەدەلدى جانە پەرسپەكتيۆالى بولىپ سانالادى.
«قاراشىعاناق پەترولەۋم وپەرەيتينگ ب.ۆ.» كومپانياسى قازاقستان رەسپۋبليكاسىنىڭ ەڭ بەدەلدى ماراپاتتارىنىڭ ءبىرى – بيزنەستىڭ الەۋمەتتىك جاۋاپكەرشىلىگى ءۇشىن بەرىلەتىن «پارىز» سىيلىعىمەن ءتۇرلى نوميناتسيالار بويىنشا بىرنەشە رەت ماراپاتتالعان. ال وتكەن جىلى العاش رەت بايقاۋدىڭ گران-پري يەگەرى اتاندى, بۇل – قاراشىعاناق جوباسىنا قاتىسۋشىلاردىڭ جوعارى جەتىستىكتەرىن مويىنداۋ. قپو-نىڭ وبلىستىڭ الەۋمەتتىك ينفراقۇرىلىمىن دامىتۋعا سالعان ينۆەستيتسياسىنىڭ جالپى سوماسى 454 ملن دوللاردان اسادى دەپ باعالانىپ وتىر. وسى قارجىلاندىرۋ اياسىندا باتىس قازاقستان وبلىسىنىڭ بارلىق اۋدانىندا 220-دەن استام الەۋمەتتىك جانە ينفراقۇرىلىمدىق جوبا جۇزەگە اسىرىلدى.
