«25 ناۋرىزدا ستەپنوگورسك جەو بۋ قىزدىرعىشىندا تەسىك ساڭىلاۋ پايدا بولعاندىقتان كا-3 اۆاريالىق جاعدايدا توقتاتىلدى. 26 ناۋرىزدا بۋ قىزدىرعىشتىڭ توبەسىندە تەسىك ساڭىلاۋ تابىلىپ, كا-5 اۆاريالىق جاعدايدا توقتاتىلدى. اۋا رايىنىڭ قولايسىزدىعىنا بايلانىستى, جىلۋ تاسىعىشتىڭ تەمپەراتۋراسىنىڭ كۇرت تومەندەۋىنە جول بەرمەۋ ماقساتىندا 25 ناۋرىزدا رەزەرۆتەگى №4 سۋ جىلىتۋ قازاندىعى ىسكە قوسىلدى», دەلىنگەن حابارلامادا.
مينيسترلىكتىڭ مالىمەتىنشە, قازىر 3 ەنەرگەتيكالىق قازاندىق اگرەگات جانە 1 سۋ جىلىتۋ قازاندىعى جۇمىس ىستەپ تۇر.
«ستانتسيانىڭ سىرتىنداعى تەمپەراتۋرا 93-95 س, قالاعا كىرە بەرىستەگى تەمپەراتۋرا 71 س. قازىرگى ۋاقىتتا اپاتتىق سوندىرۋلەردى جويۋ بويىنشا تاۋلىك بويى جۇمىس ىستەيتىن بريگادالار ۇيىمداستىرىلدى. جاقىن ارادا اپاتتى قالپىنا كەلتىرۋ جۇمىستارى اياقتالادى», دەيدى ۆەدومستۆودان.
