ءىس-شاراعا پرەمەر-ءمينيستردىڭ ورىنباسارى ەرالى توعجانوۆ, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى رۋسلان ساكەەۆ, نۇر-سۇلتان قالاسى اكىمىنىڭ ورىنباسارى بەرىك جاكەنوۆ, جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا قاتىستى.
فەستيۆالدە ءسوز سويلەگەن ۆيتسە-پرەمەر ايەلدەردىڭ قولونەرگە دەگەن قىزىعۋشىلىعىنا جوعارى باعا بەردى.
ۆيتسە-پرەمەر سونداي-اق ۇكىمەتتە حالىقتىڭ تابىسىن ارتتىرۋ بويىنشا باعدارلاما ازىرلەنىپ جاتقانىن حابارلادى. فەستيۆال اياسىندا كوپبالالى انالارعا تىگىن جانە قولدانبالى ونەر بويىنشا تەگىن وقىتۋ ساباقتارى ءوتتى. شەبەرلىك ساباقتارىن ۇلتتىق قولونەر بۇيىمدارىن شىعاراتىن ەتنو-ديزاينەر, «التىن ساپا» پرەزيدەنتتىك سىيلىعىنىڭ لاۋرەاتى, «قۇرمەت» وردەنىنىڭ يەگەرى ىرزا تۇرسىنزادا وتكىزدى. ماستەر-كلاسس قاتىسۋشىلارىنا قولدانبالى ونەردىڭ نەگىزدەرى مەن قۇپيالارى, ءوز بيزنەسىن اشۋ تاسىلدەرى, ونى تابىس تابۋ ءۇشىن الەۋمەتتىك جەلىلەردە جۇرگىزۋ ءادىسى وقىتىلدى. فەستيۆال اياسىندا اتىراۋلىق كاسىپكەرلەر اتىنان ءىس-شاراعا قاتىسقان ءجاسوسپىرىم قىزدار مەن انالارعا 15 تىگىن ماشيناسى سىيعا تارتىلدى.
سونداي-اق, ەلوردانىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بىرقاتار قاتىسۋشىلارعا ەلوردا اكىمى التاي كولگىنوۆتىڭ اتىنان العىس حاتتار تابىس ەتتى.
«باقىتتى وتباسى» جوباسىنا 6 جاستان 78 جاسقا دەيىنگى نازىك جاندىلار قاتىسا الادى. ءوز كەزەگىندە قاتىسۋشىلار ەلىمىزدىڭ تابىستى ايەلدەرىمەن ءبىر قاتاردا بولۋعا ۇمتىلۋى ءتيىس», دەپ اتاپ ءوتتى فەستيۆال ۇيىمداستىرۋشىلارى.
