«پرەزيدەنت ءبىرىنشى جارتىجىلدىقتىڭ اياعىنا دەيىن ورىنداۋ ءۇشىن ايقىن تاپىرما بەردى. قازىر ۇيىمداستىرۋ شارالارى ءجۇرىپ جاتىر. ارەكەتتەر الگوريتمى پىسىقتالدى. قايتا قۇرۋعا تۇسەتىن وبلىستاردىڭ وكىلدەرى قازىر ۇلتتىق ەكونوميكا مينيسترلىگىندە ءجۇر. ولاردىڭ توپتارى ءبىزدىڭ توپتارمەن بىرگە جۇمىس ىستەۋدە. اۋماقتىق ءبولىنىس ماسەلەسىن شەشىپ جاتىرمىز. بۇل ماسەلە قوسىمشا تالقىلانىپ, پرەزيدەنتتىڭ ءتيىستى جارلىعى ازىرلەنەدى. نەگىزگى ۇيىمداستىرۋ جۇمىستارىن جىلدىڭ ءبىرىنشى جارتىسىنا دەيىن اياقتاۋ جوسپارلانىپ وتىر, جالپى العاندا, وسى مەرزىمدە جارلىقتاردىڭ جوباسى ازىرلەنىپ, پرەزيدەنتتىڭ شەشىمى شىعارىلادى», دەدى مينيستر ۇكىمەت وتىرىسىنان كەيىن باق وكىلدەرىنە بەرگەن سۇحباتىندا.
ۆەدومستۆو باسشىسىنىڭ ايتۋىنشا, قازىر جاڭا وبلىستاردى قۇرۋعا قاجەت قاراجات ەسەپتەلىپ جاتىر.
«قاجەتتى اقشا كولەمى قازىر ەسەپتەلىپ جاتىر. بىزدە وعان قاجەتتى رەزەرۆ بار. قازىرگى بيۋدجەتتىڭ كولەمىنە سىيعىزۋعا تىرىسامىز. بىراق قاجەت بولسا, قوسىمشا اقشا بولىنەدى. ويتكەنى جاڭا اكىمشىلىك-اۋماقتىق بىرلىكتەر پايدا بولادى. اكىمدىكتەر, اۋداندار قۇرىلىپ, شتاتتار سانى بەكىتىلەدى. ونىڭ بارىنە رەزەرۆىمىز بار. ورتالىقتىڭ, ناقتى ايتقاندا مەملەكەت باسشىسىنىڭ باستاماسى بولعاندىقتان, قاجەت بولسا رەسپۋبليكالىق بيۋدجەتتەن قوسىمشا اقشا بولىنەدى», دەدى الىبەك قۋانتىروۆ.
