حالىقتى جىگەرلەندىرەتىن جولداۋ

مۇنى وتكەنىمىزدىڭ ساباعىن سارالاعان, دامۋدىڭ جاڭا بەلەسىنە ءوتۋدىڭ جولىن كورسەتكەن تاريحي جولداۋ دەۋىمىز قاجەت. پرەزيدەنت ەل دامۋىنىڭ حالىق كوڭىلىنەن شىعاتىن باعىت-باعدارىن قاداۋ-قاداۋ شارالاردى اتاپ, ونى ساياسي تۇرعىدان سەنىمدى تۇردە ناقتىلاپ بەردى. قوعامدى باسقارۋدىڭ دەمو­كراتيالىق جاڭاشىل ۇردىسىنە باتىل قادام باسۋدى جەدەل جۇزەگە اسىرۋ­دىڭ ماڭىزدىلىعىنا دەن قويدى. جوعارى وكىلدىك بيلىككە, سايلاۋ جۇيە­سىنە حالىق سەنىمىنەن شىعىپ, بەدە­لىن ارتتىراتىن مىندەتتەردى جۇك­تەدى. ەل پرەزيدەنتىنىڭ جوعا­رى بيلىكتى ساياسي جاعىنان رەفور­ما­لاۋ­دىڭ قاجەتتىگى ءپىسىپ جەتىلگەن­دىگى جونىندەگى پايىمى حالىق قولداۋىن تاباتىنى ءسوزسىز. اۆتوريتارلىق جۇيەنىڭ قوعامدى رۋحاني, الەۋمەت­تىك جانە ەكونوميكالىق جاعىنان توقىراتقان كەلەڭسىزدىكتەرىنىڭ سالدارىنان تۇبەگەيلى ارىلمايىنشا, قازاق ەلىنىڭ سىندارلى بولاشاعى بولمايتىنىن مەملەكەت باسشىسى ءوزىنىڭ جولداۋىندا بۇلتارىسسىز ايتتى. بۇل – حالىق ساناسىن وياتاتىن, جىگەرلەندىرەتىن ءسوز.

ەلدىڭ جان-جاقتى دامۋىنىڭ نەگىزى تۇتقاسى بيلىكتىڭ قانا ەمەس, اركىمنىڭ ءوز ىسىندەگى, ار-ۇجدانى الدىنداعى بيىك جاۋاپكەرشىلىگىندە دەگەن وي وسى جولداۋدىڭ وزەگىن­دە ۇتىمدى ءورىلدى. مەملەكەتتى باس­­قارۋدا قازاق قوعامىنىڭ الاتىن ءرولى ايرىقشا ايتىلدى. بۇعان پرە­زي­دەنتتىڭ قوعامدىق وي-سانانىڭ الەۋەتىن ۇلتتىق قۇرىلتاي قۇرۋ ماسە­لەسىن العا تارتۋى دالەل.

قازاق ەلىنىڭ اكىمشىلىك-اۋماقتىق قۇرى­لىمىن جەتىلدىرۋگە قاتىستى جول­داۋدا ايتىلعان مەملەكەت باس­شىسىنىڭ ۇسىنىستارى بۇگىنگى كۇننىڭ تالابىنا ساي ادىلەتتىلىكتىڭ سالتانات قۇرعانى دەۋىمىز كەرەك! اتاپ ايتقاندا, الاش رۋحىن العاش جاريا ەتكەن, حالىقتىڭ ادەبيەتى مەن مادەنيەتىنىڭ قاسيەتتى باس ورداسى سەمەي جەرىن اباي وبلىسى, ەل تاريحىنىڭ التىن بەسىگى, بۇرىنعى جەزقازعان ءوڭىرىن ۇلىتاۋ وبلىسى, بايتاق قويناۋىن ايتۋلى جەتى وزەن ورنەكتەگەن وڭىردەن جەتىسۋ وبلىسىنىڭ بوي كوتەرەتىنى – تاريحي جاڭالىق ەكەنى داۋسىز! حالىقتان ۇسىنىس بولسا, الماتى وبلىسىنىڭ ورتالىعى بولاتىن قاپشاعاي قالا­سىنىڭ قوناەۆ اتىمەن اتالۋى دا ابدەن مۇمكىن ەكەندىگىن دە قاسىم-جومارت كەمەل ۇلى بۇكپەسىز ايتتى. ەلىمىز­دىڭ اسا كۇردەلى كەزەڭدە, گەوسايا­سي قيىندىقتار انتالاعان مەزگىلدە دامۋ تۇراقتىلىعىن, بىرلىكتى ساقتاۋ جولىنداعى تەگەۋرىندى ۇستانىمى دا جولداۋ مازمۇنىندا ايتىلعان اقيقات. پرەزيدەنت تاۋەلسىزدىك ماعان بارىنەن دە قىمبات دەگەن ءسوزىن بۇگىن دە قايتالاپ ايتتى! تاۋەلسىزدىكتى بەكەمدەي ءتۇسۋ جولىنداعى جاڭا باعىتىمىزدان اداسپايىق, ەل تىرەگى حالقىمىزدىڭ بولاشاعى ىرگەلى ىس­تەرى­مىزدەن, ىزگىلىكتى ويلارىمىزدان كورىنىس تاپسىن دەگىم كەلەدى.

ءمادي ايىمبەتوۆ,

جازۋشى, حالىقارالىق «الاش» سىيلىعىنىڭ لاۋرەاتى