حالىققا پايدالى يگىلىكتى ىستەردىڭ باسى-قاسىندا قاشاندا قاريالاردىڭ ءجۇرۋى, ارينە, قۋانتارلىق جايت. قانداي دا ءبىر ءىستى باستار الدىندا اۋزى دۋالى, ءسوزى ءوتىمدى اقساقالداردىڭ باتاسىن الۋ – ءار قازاققا ءتان قاسيەت. سوندا تىرلىك – تياناقتى, ەڭبەك – جەمىستى, ءىس ناتيجەلى بولادى. قازىر ارداگەرلەر ۇيىمدارىندا وسى جاقسى ءداستۇر جالعاسىن تاۋىپ جاتىر.
بايزاق اۋداندىق ارداگەرلەر كەڭەسىنىڭ باستاماسىمەن اشىلعان الەۋمەتتىك قىزمەت كورسەتۋ ورتالىعى سەرىك بالابەكوۆتىڭ بەلسەندىلىگىنىڭ ارقاسىندا بىرقاتار يگى ءىس اسقارىپ وتىر. ورتالىققا تۇرعىنداردىڭ بۇرىن پايدالانعان بۇيىمدارى مەن جاڭالارى دا قابىلدانىپ, الەۋمەتتىك قولداۋعا مۇقتاج جاندارعا تەگىن تاراتىلادى. تاراتۋعا قابىلداناتىن زاتتاردىڭ ىشىندە كيىم-كەشەك, قۇرال-سايمان, تۇرمىستىق تەحنيكا, جيھاز, ءتۇرلى توسەنىشتەر, ىدىس-اياق, ءتىپتى ويىنشىقتار دا بار.
سەرىك بالابەكوۆتىڭ قوعامدىق جۇمىستارداعى بەلسەندىلىگى مەن ءىس-تاجىريبەسى وزگەلەرگە ۇلگى ەتۋگە, ناسيحاتتاۋعا لايىق. ونىڭ بىتىمگەرشىلىگىنىڭ ارقاسىندا تالاي شاڭىراقتىڭ شايقالماۋىنا, سىيلاستىققا سىزات تۇسپەۋىنە, داۋلى ماسەلەلەردىڭ وڭدى شەشىلۋىنە قول جەتكىزىلدى. ولاي بولسا, ارداگەر اعانىڭ ارداگەرلەر ۇيىمىنداعى بەلسەندى قىزمەتى دە ەسكەرۋسىز ەمەس. ول – «جامبىل وبلىسىنىڭ قۇرمەتتى ارداگەرى» توسبەلگىسىنىڭ يەگەرى. پرەزيدەنتتىك سايلاۋلاردا سەنىم بىلدىرىلگەن ادام. پارلامەنتتىك, وبلىستىق جانە اۋداندىق ءماسليحاتتار سايلاۋلارىندا كوميسسيا مۇشەسى بولعانى ءۇشىن رەسپۋبليكالىق بيلىك پارتياسىنىڭ العىس حاتىمەن, پارتيا وبلىستىق فيليالىنىڭ ماقتاۋ قاعازىمەن ماراپاتتالعان. سونداي-اق ەڭبەگى III دارەجەلى «ۇزدىك مەدياتور» ديپلومىمەن اتاپ وتىلگەن.
تولە نارجانوۆ,
اۋداندىق تاريحي-ولكەتانۋ مۋزەيىنىڭ قىزمەتكەرى
جامبىل وبلىسى,
بايزاق اۋدانى
