قازاقستاننىڭ دەپوزيتتەرگە كەپىلدىك بەرۋ قورى (قور) «ۆاليۋت-ترانزيت بانك» اق, «قازينۆەستبانك» اق, «Delta Bank» اق, «ەكسيمبانك قازاقستان» اق, «Qazaq Banki» اق, «استانا بانكى» اق, «Tengri Bank» اق جانە «AsiaCredit Bank (ازياكرەديت بانك)» اق سالىمشىلارىنان كەپىلدىك بەرىلگەن وتەمدى تولەۋگە ءوتىنىش قابىلداۋ 2022 جىلدىڭ 1 مامىرىندا اياقتالاتىندىعىن حابارلايدى.
اتالعان بانكتەردىڭ دەپوزيتورلارىنىڭ (سوڭعى كۇندى قوسا العاندا) 2022 جىلدىڭ 1 مامىرىنا دەيىن تالاپ ەتپەگەن وتەم سومالارى ولاردىڭ «بىرىڭعاي جيناقتاۋشى زەينەتاقى قورى» اق-تاعى (بجزق) جەكە زەينەتاقى شوتتارىنا اۋدارىلادى. ەگەر بجزق-دا سالىمشىنىڭ ەرىكتى زەينەتاقى جارنالارىن ەسەپكە الۋعا ارنالعان جەكە زەينەتاقى شوتى جوق بولسا, ول اۆتوماتتى تۇردە اشىلادى. سوندىقتان قور سالىمشىلارعا كەپىلدىك بەرىلگەن وتەمدى الۋ ءۇشىن 2022 جىلدىڭ 1 مامىرىنا دەيىن وتەم الۋعا ءوتىنىش بەرۋگە كەڭەس بەرەدى.
كەپىلدىك بەرىلگەن وتەمدى الۋعا ءوتىنىشتى تولەمدەردىڭ ەلەكتروندى پورتالى: https://clients.kdif.kz/ ارقىلى ونلاين تۇرىندە بەرۋگە بولادى (پورتالعا ءوتۋ سونداي-اق قور سايتىنىڭ نەگىزگى بەتىندە قامتاماسىز ەتىلگەن). تولەمدى وسىلاي الۋ ءتاسىلى تەك شوتتاردىڭ, تولەم كارتوچكالارى مەن سالىمداردىڭ يەلەرىنە عانا قولجەتىمدى جانە تولىعىمەن قاشىقتىق فورماتىندا جۇزەگە اسىرىلادى. بۇل رەتتە قور كەپىلدىك بەرىلگەن وتەمدى ءوتىنىش كەلىپ تۇسكەن كۇننەن باستاپ 5 جۇمىس كۇنى ىشىندە سالىمشىنىڭ وتىنىشىندە كورسەتىلگەن قولدانىستاعى بانك شوتىنا اۋدارادى. نازار اۋدارىڭىزدار, ءداستۇرلى بانكتىك قىزمەت كورسەتۋ ءتاسىلىن قالايتىن سالىمشىلار, سونداي-اق ولاردىڭ اتىنان وتەم الاتىن ءۇشىنشى تۇلعالار (مۇراگەرلەر, سەنىمحات بويىنشا وكىلدەر جانە باسقا دا قۇقىق يەلەنۋشىلەر) ءۇشىن ءوتىنىشتى جازباشا تۇردە اگەنت بانككە بەرۋ ارقىلى وتەم الۋ ءتارتىبى ساقتالادى. اگەنت بانكتەر جانە ولاردىڭ بايلانىس دەرەكتەرى تۋرالى اقپارات قور سايتىندا كورسەتىلگەن. «ۆاليۋت-ترانزيت بانك» اق سالىمشىلارى كەپىلدىك بەرىلگەن وتەمدى الۋ ءۇشىن قورعا نەمەسە بانكتىڭ تاراتۋ كوميسسياسىنا مىنا مەكەنجاي بويىنشا جۇگىنە الادى: قاراعاندى ق., بۇقار جىراۋ داڭعىلى, 51/4.
تولەم مەرزىمى ىشىندە دالەلدى سەبەپتەرمەن وتەم الىپ ۇلگەرمەگەن سالىمشىلار ءۇشىن كەپىلدىك بەرىلگەن وتەمدى تولەم مەرزىمى اياقتالاتىن مەرزىم – 2022 جىلدىڭ 1 مامىرىنان كەيىن دە الۋ قۇقىعى ساقتالاتىندىعىن قوسىمشا حابارلايمىز. كەپىلدىك بەرىلگەن وتەمدى الۋعا ءوتىنىش دالەلدى سەبەپتەردى راستايتىن قۇجاتتارمەن بىرگە جازباشا تۇردە بەرىلەدى. دالەلدى سەبەپتەردىڭ ءتىزىمى «قازاقستان رەسپۋبليكاسىنىڭ ەكiنشi دەڭگەيدەگى بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» زاڭدا بەلگىلەنگەن.
بۇل رەتتە ءوتىنىش قورعا بانكتi ماجبۇرلەپ تاراتۋ تۋرالى مالىمەتتەر بيزنەس-سايكەستەندىرۋ نومىرلەرىنىڭ ۇلتتىق تiزiلiمiنە ەنگiزiلگەن كۇنگە دەيىن نەمەسە وتەم سوماسى بجزق-عا اۋدارىلعان جاعدايدا, ەرىكتى زەينەتاقى جارنالارى ەسەبىنەن زەينەتاقى الۋ قۇقىعى تۋىنداعان ساتكە دەيىن بەرىلەدى.
