داعدارىسقا قارسى دۇنيەجۇزىلىك جوسپار

بۇدان بۇرىن گازەتىمىزدە حابا­ر­لاعانىمىزداي, الەمدىك داعدارىسقا قارسى دۇنيەجۇزىلىك جوسپار ازىرلەۋ ماقساتىندا  بۇۇ قولداۋىمەن 2014 جىلعى 20-23 مامىر ارالىعىندا  ءVىى استانا ەكونوميكالىق فورۋمى شەڭ­بەرىندە ءىى داعدارىسقا قارسى دۇنيە­جۇزىلىك كونفەرەنتسيا وتكىزىلەدى. جاقىندا G-Global اقپاراتتىق-كوممۋنيكاتيۆتىك الاڭىندا «بۇۇ مۇشە مەملەكەتتەرىنە ارنالعان الەمدىك قارجىلىق-ەكونوميكالىق داعدارىستىڭ ۇزاق مەرزىمدى سالدارىنىڭ الدىن الۋ جوسپارىنىڭ جوباسى» اتتى تاقىرىپتا ونلاين-كونفەرەنتسيا وتكىزىلىپ, مودەراتور رەتىندە برەتتون-ۆۋدستى جاڭارتۋ جونىندەگى كوميتەتتىڭ اتقارۋشى ديرەكتورى مارك ۋزان قاتىستى. ونلاين-كونفەرەنتسيا بارىسىندا بۇۇ مۇشە مەملەكەتتەرىنە ارنالعان الەمدىك قارجىلىق-ەكونوميكالىق داعدارىستىڭ ۇزاق مەرزىمدى سالدارىنىڭ الدىن الۋ جوسپارىنىڭ جوباسىن تالقىلاۋعا حالىقارالىق جانە قازاقستاندىق ساراپشىلار قاتىستى. دەموكراتيالىق ۇستانىمدارعا نەگىزدەلگەن جوسپار قارجىلىق-ەكو­نوميكالىق داعدارىستان شى­عۋ­دىڭ ءتيىمدى جولدارىن تابۋعا, سونىمەن قاتار, بولاشاق ەكونو­مي­كالىق قۇلدىراۋلاردىڭ الدىن الۋعا, ۇزاق مەرزىمدى تەڭ­گەرىم­دەلگەن ەكونوميكالىق ءوسۋدى قامتاماسىز ەتۋگە باعىت­تال­عان. بۇگىنگى كۇنى G-Global اقپا­رات­تىق-كوممۋنيكاتيۆتىك الا­ڭى بۇۇ-نىڭ الەمدىك داع­دارىسقا قارسى جوسپارىنىڭ جوباسى ءۇشىن داعدارىسقا قارسى ۇسىنىستاردى وڭدەيتىن ناقتى قۇرالعا اينالدى, 2013 جىلدىڭ 1 شىلدەسىنەن باستاپ جوسپار بەلسەندى تۇردە تالقىلانۋدا. وسى ۋاقىت ارالىعىندا G-Global پورتالىن پايدالانۋشىلار, ولاردىڭ ىشىندە, حالىقارالىق ۇيىمدار مەن قارجى ينستيتۋتتارىنىڭ ساراپشىلارى, ۇەۇ, ىسكەر جانە عىلىمي ورتالىقتاردىڭ وكىلدەرى, ساياسي جانە قوعام قايراتكەرلەرى 13 000-نان استام بايانداما مەن زەرتتەۋ جۇمىستارىن, 45 000 ساراپتامالىق شولۋ مەن تۇسىنىكتەمەلەر, سونداي-اق, جوسپار جوباسىن ءتيىمدى قالىپ­تاستىرۋ ءۇشىن 300 بەينە-كونفەرەنتسيا وتكىزدى. 2014 جىلدىڭ 19 ناۋ­رىزى كۇنى وتكىزىلگەن ونلاين-كونفەرەنتسيادا جوسپار جوباسىن تالقىلاۋدىڭ ماڭىزدى ءىس-شارالارىنىڭ ءبىرى بولىپ تابىلدى. الەمدىك ساراپشىلار قو­عام­داستىعىنىڭ بەلسەندى كو­مەك كورسەتۋىنىڭ ارقاسىندا 2014 جىلدىڭ 19 ناۋرىزى كۇنى جوس­پار­دىڭ العاشقى جوباسىنىڭ جانە الەمدىك ساراپشىلار قوعامداس­تىعىنىڭ پىكىر سايىسىنىڭ نەگى­زىندە اقپاراتتىق-كوم­مۋ­نيكا­تيۆتىك تۇعىرنامادا جوس­پار­دىڭ شوعىرلاندىرىلعان جو­با­سى ازىرلەندى. بۇل جەتەكشى ساراپ­شىلاردىڭ ءتيىمدى جانە جاھاندىق ۇيلەستىرىلگەن ساياسات پەن الەمدىك قارجى-ەكونوميكالىق ارحيتەكتۋرانى رەفورمالاۋعا باعىتتالعان ۇيلەسىمدى, بىرىككەن جۇمىستارىنىڭ ناتيجەسى بولدى. G-Global اقپاراتتىق-كوم­مۋ­نيكاتيۆتىك الاڭىندا ونلاين رەجىمدە جوسپاردىڭ جوباسىن ازىرلەۋدىڭ بەلسەندى ۇدەرىسى ءجۇ­رىپ جاتىر. وعان كۇن سايىن حا­لىق­ارالىق ۇيىمداردىڭ, عىلىمي-زەرتتەۋ ورتالىقتارى مەن ينستي­تۋت­تاردىڭ وكىلدەرى, سونىمەن قا­تار, بۇۇ مۇشە مەملەكەتتەرىنىڭ وكىل­دەرى, بەدەلدى ساياساتكەرلەر, ساراپ­شىلار جانە ۇكىمەتتىك ەمەس ۇيىم­داردىڭ وكىلدەرى قاتىسادى. جوبانى قالىپتاستىرۋعا قوماقتى ۇلەس قوسقانداردىڭ ءبىرى – برەتتون-ۆۋدس­تى جاڭعىرتۋ كوميتەتىنىڭ جە­تەك­شىسى مارك ۋزان بولىپ تابى­لادى. بۇۇ مۇشە مەملەكەتتەرىنە ارنالعان جوسپاردىڭ جوباسىن استانا قالاسىندا 2014 جىلدىڭ 21-23 مامىر ارالىعىندا بۇۇ باس اسسامبلەياسىنىڭ قولداۋىمەن وتكىزىلەتىن ءىى داعدارىسقا قارسى دۇنيەجۇزىلىك كونفەرەنتسيا قورى­تىندىسى بويىنشا قابىلداۋ جوس­پارلانۋدا. جىلقىباي جاعىپار ۇلى, «ەگەمەن قازاقستان».