2022 جىلعى 4 ناۋرىزداعى جاعداي بويىنشا مىندەتتەمەلەردى ورىنداۋ دەڭگەيى تومەن 148 كەلىسىمشارت انىقتالىپ, 31 كەلىسىمشارتتى جانە 3 ليتسەنزيانى بۇزۋ بويىنشا شارالار قابىلداندى.
بۇزىلعان كەلىسىمشارتتار مەن ليتسەنزيالار بويىنشا كەن ورىندارى اۋكتسيونعا شىعارىلادى. ءتيىستى اقپارات قر يدم ينتەرنەت رەسۋرسىندا, سونداي-اق رەسپۋبليكالىق باق-تاردا جاريالانادى.
تەكسەرۋ بارىسىندا جاڭا وندىرىستەر قۇرۋ بويىنشا قوسىمشا مىندەتتەمەلەر قابىلداۋعا قاتىستى جۇيەلى تۇردە تولىق قارجىلاندىرىلماعان كەلىسىمشارتتاردىڭ قۇقىقتىق ميراسقورلارىنا-ينۆەستورلارعا ەرەكشە نازار اۋدارىلادى.
كەلىسىمشارت بويىنشا مىندەتتەمەلەردى تيىسىنشە ورىنداۋدىڭ مىسالى رەتىندە «KAZSILICON «مك» جشس كەلتىرۋگە بولادى. بۇل كاسىپورىن وسى ايدا جىلدىق قۋاتى 6 مىڭ توننا بولاتىن جوعارى ساپالى تەحنيكالىق كرەمني وندىرەتىن زاۋىتتى ىسكە قوسۋدى جوسپارلاپ وتىر. ينۆەستيتسيالاردىڭ جالپى كولەمى 3,9 ملرد تەڭگەنى قۇراپ, زاۋىتتا 200 جۇمىس ورنى اشىلادى. ءونىم الەمنىڭ 20-دان استام ەلىنە ەكسپورتقا شىعارىلىپ, جوعارى ساپالى تەحنيكالىق كرەمنيدىڭ الەمدىك نارىعىندا جەتەكشى ورىن الۋعا مۇمكىندىك بەرەدى. جوبانى ىسكە اسىرۋ كەزىندە قازاقستاندىق قامتۋ كولەمى 80%-دان اسادى.
قاتتى پايدالى قازبالاردىڭ كەن ورىندارىن تەكسەرۋ بارىسى قر ۇكىمەتىنىڭ ەرەكشە باقىلاۋىندا تۇر.
