«قازاقستان رەسپۋبليكاسى پرەزيدەنتىنىڭ رەفورمالارى: جاستاردىڭ ءرولى مەن ۇلەسى» تاقىرىبىنداعى كەزدەسۋ بارىسىندا مەملەكەت باسشىسىنىڭ ەلدى جاڭعىرتۋ جونىندەگى باستامالارى مەن پارتيالىق جاڭارۋ ماسەلەلەرى تالقىلاندى. سەناتورلار پرەزيدەنت قاسىم-جومارت توقاەۆتىڭ قازاقستاندىقتاردىڭ تابىسى مەن ءومىر ءسۇرۋ دەڭگەيىن ارتتىرۋ جونىندەگى «جاڭا قازاقستان» رەفورماسىندا كوزدەلگەن باعىتتار تۋرالى ەگجەي-تەگجەيلى ايتىپ بەردى.
ستۋدەنتتەر بولاشاق مامان رەتىندە ەلىمىزدەگى جۇمىسسىزدىق ماسەلەلەرىنىڭ شەشىلۋىنە نازار اۋداردى. سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى ب.يساباەۆ پرەزيدەنتتىڭ تاپسىرماسى بويىنشا حالىقتى جۇمىسپەن قامتۋ جانە جۇمىس ورىندارىن كوبەيتۋ ءۇشىن قازىردىڭ وزىندە 10 ۇلتتىق جوبا ىسكە اسىپ جاتقانىن, ول 2025 جىلعا دەيىن جۇزدەگەن مىڭ جاڭا جۇمىس ورىندارىن اشۋعا ىقپال ەتەتىنىن اتاپ ءوتتى. سەناتور الەۋمەتتىك سالاداعى جاستارعا تىكەلەي اسەر ەتەتىن رەفورمالارعا دا توقتالدى. ء«ىرى قالالاردا ساتىپ الىنبايتىن, جاستارعا جالعا بەرىلەتىن تۇرعىن ءۇي بەرۋ باعدارلاماسى ىسكە قوسىلدى. قازىردىڭ وزىندە اسا ماڭىزدى قۇجات – الەۋمەتتىك كودەكس ازىرلەنىپ جاتىر. كودەكس اياسىندا ازاماتتاردىڭ الەۋمەتتىك قۇقىقتارى جۇيەلەنىپ, ەڭ تومەنگى الەۋمەتتىك ستاندارتتار جۇزەگە اساتىن بولادى. «جاستار تاجىريبەسى» جانە «العاشقى جۇمىس ورنى» جوبالارىنا قاتىسۋ كەزەڭىنىڭ مەرزىمى مەن ەڭبەكاقى مولشەرى ۇلعايتىلدى», دەدى سەناتور.
ا.كۇرىشباەۆ جوعارى وقۋ ورىندارىندا جاستاردى تاربيەلەۋدىڭ ۇلتتىق قۇندىلىقتارعا نەگىزدەلگەن تۇراقتى جۇيەسىن قۇرۋدىڭ ماڭىزدىلىعىن ايتتى. «مەملەكەت باسشىسى جاڭا سىن-تەگەۋرىندەرگە قارسى تۇرۋ ءۇشىن ۇلتتىق قۇندىلىقتاردى قورعاي ءبىلۋ كەرەكتىگىن اتاپ وتكەن بولاتىن. ءبىز جوعارى ءبىلىم الىپ جاتقان جاستارىمىزعا زور ۇمىتپەن قارايمىز, ول پرەزيدەنت ايتقان ەلدىڭ ەكونوميكالىق جاڭعىرۋىنىڭ العى لەگىندە بولىپ, اعا بۋىننىڭ جاسامپاز ىستەر ەستافەتاسىن جالعاستىرۋعا ءتيىس. ول ءبىزدىڭ قوعامنىڭ تۇراقتى دامۋىنىڭ نەگىزى – حالىقتىڭ بىرلىگى, ونىڭ مادەنيەتى, ءتىلى مەن داستۇرلەرى سياقتى باستى قۇندىلىقتارىمىزدى قورعاپ, كوبەيتۋى كەرەك», دەدى سەناتور.
كەزدەسۋدە پارتيالىق جاڭارۋلار ماسەلەسى دە تالقىلاندى. ب.يساباەۆ Amanat پارتياسىنىڭ قىزمەتىن جاڭعىرتۋعا باعىتتالعان مەملەكەت باسشىسى العا قويعان باسىم مىندەتتەر تۋرالى ايتتى. «ساياسي كادرلار دايارلاۋ – Amanat پارتياسىنىڭ ماڭىزدى باسىمدىعى. سىزدەرگە جاس بۋىن وكىلدەرى رەتىندە ويىمدى جەتكىزگىم كەلەدى. بەلسەندى بولىپ, ءوز جولدارىڭىزدى تاۋىپ, تاعدىردىڭ كىرپىشى بولىپ قالانساڭىزدار دەيمىن. سونداي-اق ساياسي پارتيالاردىڭ جۇمىسىنا قاتىسۋ دا ماڭىزدى. ەلدىڭ بولاشاعى وسىعان تىكەلەي بايلانىستى. ءبىزدىڭ Amanat پارتياسى جاس ۇرپاققا سەنىم ارتاتىن بولادى», دەدى سەناتور.
ستۋدەنتتەر كەزدەسۋ بارىسىندا الەۋمەتتىك ءادىل ءليفتى بولۋىن قامتاماسىز ەتۋ, تەحنيكالىق كادر دايارلاۋ, كوپبالالى وتباسىلاردىڭ پروبلەمالارىن شەشۋ, اۋىلداردى دامىتۋ جانە باسقا دا ماسەلەلەر بويىنشا وزدەرىن تولعاندىرعان ساۋالدارىن قويدى.
