ەكى ساعاتتان استام ۋاقىتقا سوزىلعان قابىلداۋدا پرەمەر-ءمينيستردىڭ ورىنباسارى 6 ازاماتتىڭ ماسەلەسىن قارادى. استانا, الماتى, قىزىلوردا جانە پەتروپاۆل قالالارىنىڭ, شىعىس قازاقستان جانە اقتوبە وبلىستارىنىڭ تۇرعىندارى وزدەرىن تولعاندىراتىن ماسەلەلەرىن جەتكىزدى. كەزدەسۋدە قوسىلعان قۇن سالىعى بويىنشا تىركەۋ شەگىن تومەندەتۋدى ەسكەرە وتىرىپ, قوعامدىق تاماقتانۋ سالاسىنداعى سالىق ساياساتى, كوكشەتاۋ قالاسى مەن وبلىستى گازداندىرۋ جوباسىن جۇزەگە اسىرۋ جانە قارجىلاندىرۋ تەتىگىن انىقتاۋ, سونداي-اق الماتىدا قىتايدان كەلەتىن تەحنيكا مەن قوسالقى بولشەكتەردىڭ كورمەسىن وتكىزۋ جانە ت.ب. ماسەلەلەر تالقىلاندى.
شىعىس قازاقستان وبلىسى اكىمدىگىنە باقىت سۇلتانوۆ وسكەمەن قالاسى تۇرعىندارىنا ارنالعان, جەكە بيزنەس سالىپ جاتقان قىسقى ويىن-ساۋىق كەشەنىنە وندىرىستىك ينفراقۇرىلىم جۇرگىزۋ جانە ەلەكتر بەرۋ جەلىسىن مونتاجداۋ ماسەلەسىن قاراۋ مەرزىمىن سوزباۋدى تاپسىردى. قارجى مينيسترلىگىنە Amanat پارتياسىنىڭ ۇسىنىلعان قوعامدىق قابىلداۋ بولمەلەرىندە قوعامدىق تاماقتانۋ كاسىپورىندارى (مكك) ءۇشىن سالىق سالۋ (ارنايى سالىق رەجىمى جانە ققس بويىنشا ەسەپكە قويۋ) ماسەلەلەرى بويىنشا اۋقىمدى ءتۇسىندىرۋ جۇمىستارىن جۇرگىزۋدى تاپسىردى. سونداي-اق ول جۇمىسقا «اتامەكەن» ۇكپ-نى تارتۋ قاجەتتىگى ايتىلدى.
ء«بىزدىڭ كاسىپكەرلەر ققس رەجىمى قوعامدىق تاماقتانۋ سالاسىنىڭ بارلىق قاتىسۋشىسىنا اسەر ەتەدى دەپ قاۋىپتەنەدى. بۇگىن قارجى مينيسترلىگىنەن بىرنەشە كاسىپكەر ققس-قا كوشۋ شارتتارى بويىنشا تولىق تۇسىنىكتەمە الدى. ەندى مۇنى نارىقتىڭ بارلىق قاتىسۋشىسىنا مىندەتتى تۇردە ءتۇسىندىرۋ قاجەت. وعان سالالىق قاۋىمداستىقتاردى, ءبىرىنشى كەزەكتە مەيرامحانا بيزنەسى قاۋىمداستىعىن تارتۋ قاجەت», دەدى ب.سۇلتانوۆ.
سونداي-اق ۆيتسە-پرەمەر اقتوبە اكىمدىگىنە قالا تۇرعىنى كوتەرگەن ماسەلەنى شەشۋ بويىنشا (ورىندالعان جۇمىستىڭ اكتىلەرىنە قول قويۋ بيۋروكراتيا سالدارىنان ۇزاپ جاتىر دەپ شاعىمداندى) بەرگەن تاپسىرماسىن پارتيالىق باقىلاۋعا الۋعا شاقىردى. باقىت سۇلتانوۆ بارلىق وتىنىشكە تولىق جاۋاپ بەردى. Amanat پارتياسىنىڭ قابىلداۋ بولمەسىندە كوتەرىلگەن بارلىق ماسەلە پرەمەر-مينيستر ورىنباسارىنىڭ جەكە باقىلاۋىنا الىندى. جاۋاپتى تۇلعالارعا ءتيىستى تاپسىرمالار بەرىلدى.
