2014 جىلعى 3 اقپان استانا, ۇكىمەت ءۇيى
قازاقستان رەسپۋبليكاسىنىڭ ۇلتتىق بانكى باسقارماسىنىڭ «باعالى مەتالدارداعى اكتيۆتەردى تولىقتىرۋ ءۇشىن تازارتىلعان التىندى ساتىپ الۋعا مەملەكەتتىڭ باسىم قۇقىعىن ىسكە اسىرۋ قاعيدالارىن بەكىتۋ تۋرالى» 2012 جىلعى 24 تامىزداعى № 241 قاۋلىسىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, باعالى مەتالدارداعى اكتيۆتەردى تولىقتىرۋ ءۇشىن تازارتىلعان التىندى ساتىپ الۋعا مەملەكەتتىڭ باسىم قۇقىعىن قازاقستان رەسپۋبليكاسى ۇلتتىق بانكىنىڭ ىسكە اسىرۋ ءتارتىبىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «باعالى مەتالدارداعى اكتيۆتەردى تولىقتىرۋ ءۇشىن تازارتىلعان التىندى ساتىپ الۋعا مەملەكەتتىڭ باسىم قۇقىعىن ىسكە اسىرۋ قاعيدالارىن بەكىتۋ تۋرالى» 2012 جىلعى 24 تامىزداعى № 241 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7955 تىركەلگەن, 2012 جىلعى 14 قاراشادا «ەگەمەن قازاقستان» گازەتىندە № 746-751 (27823) جاريالانعان) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن باعالى مەتالدارداعى اكتيۆتەردى تولىقتىرۋ ءۇشىن تازارتىلعان التىندى ساتىپ الۋعا مەملەكەتتىڭ باسىم قۇقىعىن ىسكە اسىرۋ قاعيدالارىندا: 3-تارماقتىڭ 6) تارماقشاسىنىڭ ءتورتىنشى ابزاتسى مىناداي رەداكتسيادا جازىلسىن: «تاريفتىك ەمەس رەتتەۋ سالاسىنداعى نورماتيۆتىك قۇقىقتىق اكتىلەر تۋرالى» ەۋرازيالىق ەكونوميكالىق كوميسسيا القاسىنىڭ 2012 جىلعى 16 تامىزداعى № 134 شەشىمىمەن بەكىتىلگەن باعالى مەتالداردى, اسىل تاستاردى جانە باعالى مەتالدارى بار شيكىزات تاۋارلارىن كەدەن وداعىنىڭ كەدەن اۋماعىنا اكەلۋ جانە كەدەن وداعىنىڭ كەدەن اۋماعىنان اكەتۋ ءتارتىبى تۋرالى ەرەجەنىڭ 2-قوسىمشاسىندا كورسەتىلگەن بۇيىمداردى قوسپاعاندا, قۇرامىندا 1000-عا 995 بولىكتەن كەم ەمەس حيميالىق تازا التىن بار ولشەۋىش قۇيمالار, پلاستينالار, تۇيىرشىكتەر, ۇنتاق جانە باسقا نىساندار تۇرىندە بەرىلگەن باعالى مەتالل;»; 6-تارماق مىناداي رەداكتسيادا جازىلسىن: «6. بەكىتىلگەن ساتىپ الۋ ءليميتى شەڭبەرىندە ۇلتتىق بانك تازارتىلعان التىندى ءوندىرۋ جانە ساتۋ بولجامىنىڭ كەستەسىن ۇسىنعان ناقتى كليەنتتەن الداعى جارتىجىلدىقتا ساتىپ الىناتىن تازارتىلعان التىننىڭ كولەمىن ايقىندايدى. ساتىپ الۋ كولەمدەرى كليەنتتەرگە الداعى جىلدىڭ ءبىرىنشى جارتىجىلدىعىنا – اعىمداعى جىلدىڭ 1 جەلتوقسانىنا دەيىن, اعىمداعى جىلدىڭ ەكىنشى جارتىجىلدىعىنا – اعىمداعى جىلدىڭ 1 ماۋسىمىنا دەيىن جەتكىزىلەدى.»; 14-تارماق مىناداي رەداكتسيادا جازىلسىن: «14. تازارتىلعان التىننىڭ باعاسى مامىلە كۇنىنىڭ الدىنداعى كۇنگى تەڭگەنىڭ اقش دوللارىنا قاتىستى ورتاشا الىنعان بيرجالىق باعامىنا جانە لوندون باعالى مەتالدار نارىعى قاۋىمداستىعىنىڭ التىنعا ارنالعان تاڭەرتەڭگى جانە كەشكى فيكسينگىنىڭ بۇكىل جەتكىزىلىم ايىنداعى ورتاشا مانىنە جانە: التىندى حالىقارالىق نارىقتارعا ەكسپورتتاۋ جونىندەگى كولىك شىعىستارىنان; بيد-اسك (bid-ask) سپرەدتەن تۇراتىن ىسكە اسىرۋعا جۇمسالاتىن شىعىنداردان; لوندون باعالى مەتالدار نارىعى قاۋىمداستىعى قابىلداعان جانە وسى قاۋىمداستىقتىڭ قۇجاتتارىندا «لوندون ساپالى جەتكىزىلىمى» («London good delivery») ستاندارتى رەتىندە بەلگىلەنگەن حالىقارالىق ساپا ستاندارتتارىنا جاۋاپ بەرمەيتىن تازارتىلعان التىن ساتىپ الىنعان جاعدايدا قولدانىلاتىن ساپا ءۇشىن جەڭىلدىكتەن تۇراتىن ديسكونتقا قاراي تەڭگەمەن ايقىندالادى. ديسكونت مولشەرلەمەلەرىن ايقىنداۋ ماقساتتارى ءۇشىن بيد-اسك (bid-ask) سپرەدتەن تۇراتىن ىسكە اسىرۋعا جۇمسالاتىن شىعىندار تەك ۇلتتىق بانك باسقارماسىنىڭ شەشىمى نەگىزىندە نولگە تەڭ دەپ قابىلدانادى. ديسكونتتىڭ الداعى جارتىجىلدىققا ارنالعان مولشەرلەمەلەرىن ۇلتتىق بانكتىڭ توراعاسى بەكىتەدى. ءبىر كەزەڭدە ساتىپ الىناتىن ساپاسى ءبىر بۇكىل تازارتىلعان التىنعا بىرىڭعاي ديسكونت مولشەرلەمەسى قولدانىلادى.». 1. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلدى.ۇلتتىق بانك توراعاسى ق.كەلىمبەتوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 27 اقپاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9178 بولىپ ەنگىزىلدى.
