ءدۇبىرلى دودا نۇر-سۇلتان ۋاقىتىمەن ساعات 18:00-دە باستالادى.
ايتۋلى الاماندا قازاقستان اتىنان ەربول حاميتوۆ, الەكساندر گەرليتس, دەنيس پەترەنكو, يۋري بەرەزين جانە سەرگەي ۋسولتسەۆ پارا شاڭعى جانە پارا بياتلون سپورت تۇرلەرىنەن ەل نامىسىن قورعايدى.
سالتاناتتى شارادا ەلىمىزدىڭ تۋىن پارا شاڭعىشى ەربول حاميتوۆ ۇستاپ شىعادى. ول اتالعان سپورت تۇرىنەن الەم كۋبوگىنىڭ قولا جۇلدەگەرى بولعان. سونداي-اق, ول - حالىقارالىق دارەجەدەگى سپورت شەبەرى.
قازاقستان سپورتشىلارى پاراليمپيادا ويىندارىنا 1994 جىلدان بەرى تۇراقتى تۇردە قاتىسىپ كەلەدى. بۇگىنگى كۇنگە دەيىن ەل قورجىنىنا 1 التىن, 1 كۇمىس مەدال ءتۇستى. 1994 جىلى ليللەحاممەر قالاسىندا 10 شاقىرىمعا كلاسسيكالىق مانەردە شاڭعى جارىسىندا قازاقستاندىق ليۋبوۆ ۆوروبەۆا كۇمىس جۇلدەگەر اتاندى. 2018 جىلى شاڭعىمەن جارىستا الەكساندر كوليادين 1,5 شاقىرىمعا كلاسسيكالىق مانەردە سپرينت جارىسىندا مارە سىزىعىن ءبىرىنشى بولىپ قيدى.
