قازاقستان رەسپۋبليكاسى ۇكىمەتىنىڭ قاۋلىسى №271

2014 جىلعى 27 ناۋرىز استانا, ۇكىمەت ءۇيى تىركەلگەن تاريفتەردى ايقىنداۋ قاعيدالارىن بەكىتۋ تۋرالى «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 7-1) تار­ماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تىركەلگەن تاريفتەردى ايقىنداۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى    س.احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 27 ناۋرىزداعى №271 قاۋلىسىمەن بەكىتىلگەن تىركەلگەن تاريفتەردى ايقىنداۋ قاعيدالارى 1. جالپى ەرەجەلەر 1. وسى تىركەلگەن تاريفتەردى ايقىنداۋ قاعيدالارى (بۇدان ءارى - قاعيدالار) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭى (بۋدان ءارى - زاڭ) 5-بابىنىڭ 7-1) تارماقشاسىنا سايكەس ازىرلەندى جانە جاڭارتىلاتىن ەنەرگيا كوزدەرىن پايدالانۋ وبەكتىلەرى ەندىرەتىن ەلەكتر ەنەرگياسىنا تىركەلگەن تاريفتەردى ايقىنداۋ ءتارتىبىن بەلگىلەيدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) تىركەلگەن تاريف – جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىن زاڭدا بەلگىلەنگەن تارتىپپەن ەسەپ ايىرىسۋ-قارجى ورتالىعىنىڭ ساتىل الۋىنا ارنالعان تاريف; 2) ۋاكىلەتتى ورگان - جاڭارتىلاتىن ەنەرگيا كوزدەرىن پايدالانۋدى قولداۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 3) جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ- قارجى ورتالىعىنىڭ ەلەكتر ەنەرگياسىن ساتىپ الۋ شارتى (بۇدان ءارى - ساتىل الۋ شارتى) - ساتىپ الۋشى رەتىندەگى’ ەسەپ ايىرىسۋ-قارجى ورتالىعى مەن ساتۋشى رەتىندەگى ەنەرگيا ءوندىرۋشى ۇيىم اراسىندا جاسالاتىن جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىن ساتىپ الۋ-ساتۋ شارتى. 4) جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ- قارجى ورتالىعى (بۇدان ءارى – ەسەپ ايىرىسۋ-قارجى ورتالىعى) – جۇيەلىك وپەراتور قۇراتىن جانە قازاقستان رەسپۋبليكاسىنىڭ ۇكىمەتى ايقىندايتىن, جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن جانە قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىنىڭ ەلەكتر جەلىلەرىنە بەرىلگەن ەلەكتر ەنەرگياسىن زاڭدا كوزدەلگەن تارتىپپەن ورتالىقتاندىرىلعان ساتىپ الۋدى جانە ساتۋدى جۇزەگە اسىراتىن زاڭدى تۇلعا; 5) بيوماسسا - بيولوگيالىق ورگانيكالىق قازبالى ەمەس ماتەريالدار; 6) بيوگاز - بيوماسسانىڭ اشۋى ناتيجەسىندە الىناتىن مەتان, كومىرتەك مونووكسيدى جانە (نەمەسە) سۋتەگى; 7) مەملەكەتتىك ستاتيستيكا سالاسىنداعى ۋاكىلەتتى ورگان – ءوز قۇزىرەتى شەگىندە مەملەكەتتىك ستاتيستيكا سالاسىنداعى باسشىلىقتى, سونداي-اق سالاارالىق ۇيلەستىرۋدى جۇزەگە اسىراتىن مەملەكەتتىك ورگان. وسى قاعيدالاردا پايدالانىلاتىن وزگە دە ۇعىمدار مەن انىقتامالار قازاقستان رەسپۋبليكاسىنىڭ قولدانىستاعى زاڭناماسىنا سايكەس قولدانىلادى. 3. تىركەلگەن تاريفتەردى ۋاكىلەتتى ورگاننىڭ ۇسىنىسى بويىنشا قازاقستان رەسپۋبليكاسىنىڭ ۇكىمەتى جاڭارتىلاتىن ەنەرگيا كوزدەرىنىڭ مىناداي تۇرلەرىنىڭ ارقايسىسى ءۇشىن بەكىتەدى: 1) كۇن ساۋلەسىنىڭ ەنەرگياسى; 2) جەل ەنەرگياسى; 3) سۋدىڭ گيدروديناميكالىق ەنەرگياسى; 4) بيوگازدى پايدالانۋ ارقىلى الىنعان ەنەرگيا. 4. قازاقستان رەسپۋبليكاسىنىڭ ۇكىمەتى بۇرىن بەكىتىلگەن تىركەلگەن تاريفتەردىڭ دەڭگەيلەرىن ءۇش جىلدا ءبىر رەت تۇزەتۋگە قۇقىلى. 5. قازاقستان رەسپۋبليكاسى ۇكىمەتىنىڭ بەكىتىلگەن تىركەلگەن تاريفتەردى تۇزەتۋ تۋرالى اكتىسى قازاقستان رەسپۋبليكاسىنىڭ بۇكىل اۋماعىندا تاراتىلاتىن مەرزىمدى ءباسپاسوز باسىلىمدارىندا مەملەكەتتىك جانە ورىس تىلدەرىندە العاشقى رەسمي جاريالانعانىنان كەيىن ءبىر جىلدان سوڭ قولدانىسقا ەنگىزىلەدى. 6. قازاقستان رەسپۋبليكاسى ۇكىمەتىنىڭ بەكىتىلگەن تىركەلگەن تاريفتەردى تۇزەتۋ تۋرالى اكتىسى قولدانىسقا ەنگىزىلگەن ساتكە دەيىن ەسەپ ايىرىسۋ-قارجى ورتالىعىمەن جاسالعان قولدانىستاعى ساتىپ الۋ شارتتارىنا قولدانىلمايدى. 2. تىركەلگەن ءتاريفتى ايقىنداۋ ءتارتىبى 7. ۋاكىلەتتى ورگان الەمنىڭ باسقا مەملەكەتتەرىندە قولدانىلاتىن جاڭارتىلاتىن ەنەرگيا كوزدەرىن پايدالانۋ ەسەبىنەن وندىرىلەتىن ەلەكتر ەنەرگياسىنا تاريفتەردى سالىستىرىپ تالداۋ جولىمەن تىركەلگەن تاريفتەردى بەكىتۋ بويىنشا ۇسىنىستاردى قالىپتاستىرادى. مەملەكەتتەر تىزبەسىن ۋاكىلەتتى ورگان جاڭارتىلاتىن ەنەرگيا كوزدەرىن پايدالانۋ سالاسىندا قىزمەتىن جۇزەگە اسىراتىن جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىمەن جانە قازاقستاننىڭ ۇلتتىق كاسىپكەرلەر پالاتاسىمەن كەلىسىم بويىنشا ايقىندايدى. 8. ۋاكىلەتتى ورگان تىركەلگەن تاريفتەردى بەكىتۋ بويىنشا ۇسىنىستاردى قالىپتاستىرۋ كەزىندە مىناداي فاكتورلاردى دا ەسەپكە الادى: 1) قازاقستان رەسپۋبليكاسىندا ەلەكتر ەنەرگياسىن ءوندىرۋ جانە ونى قازاقستان رەسپۋبليكاسىنان تىس جەرلەردەن ساتىپ الۋ كورسەتكىشتەرى; 2) قازاقستان رەسپۋبليكاسىندا ەلەكتر ەنەرگياسىن تۇتىنۋ جانە ونى قازاقستان رەسپۋبليكاسىنان تىس جەرلەردە  ساتۋ كورسەتكىشتەرى; 3) قازاقستان رەسپۋبليكاسىندا جاڭارتىلاتىن ەنەرگيا كوزدەرىن پايدالانۋ وبەكتىلەرىنىڭ ەلەكتر ەنەرگياسىن ەندىرۋ كورسەتكىشتەرى; 4) پارنيكتىك گازداردىڭ شىعارىندىلارىن تومەندەتۋ بويىنشا قازاقستان رەسپۋبليكاسىنىڭ حالىقارالىق مىندەتتەمەلەرى; 5) قازاقستان رەسپۋبليكاسىنىڭ مەملەكەتتىك جوسپارلاۋ جۇيەسىنىڭ قۇجاتتارىندا كوزدەلگەن نىسانالى كورسەتكىشتەر; 6) تىركەلگەن تاريفتەردى جىل سايىن كەزەكتى يندەكساتسيالاۋدىڭ بولۋى. 9. تىركەلگەن تاريفتەر تەڭگەمەن بەكىتىلەدى. 10. ۋاكىلەتتى ورگاننىڭ تىركەلگەن ءتاريفتى بەكىتۋ بويىنشا ۇسىنىسىن قازاقستان رەسپۋبليكاسىنىڭ ۇكىمەتىنە ەنگىزگەنگە دەيىن ۋاكىلەتتى ورگان, جاڭارتىلاتىن ەنەرگيا كەزدەرىن پايدالانۋدى قولداۋ سالاسىنداعى مەملەكەتتىك ساياساتتى ىسكە اسىرۋ جونىندەگى ۋاكىلەتتى ورگان, تابيعي مونوپوليالار سالاسىنداعى ۋاكىلەتتى ورگان, ستراتەگيالىق جانە بيۋدجەتتىك جوسپارلاۋ سالاسىنداعى ۋاكىلەتتى ورگان, قازاقستاننىڭ ۇلتتىق كاسىپكەرلەر پالاتاسى, سونداي-اق ءداستۇرلى جانە جاڭارتىلاتىن› ەنەرگەتيكا سالاسىندا قىزمەتتى جۇزەگە اسىراتىن  جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى وكىلدەرىنىڭ قاتىسۋىمەن قوعامدىق تىڭداۋلاردا تالقىلاۋ قاجەت. 11.تىركەلگەن تاريفتەر ينفلياتسيانى ەسكەرە وتىرىپ, جىلىنا ءبىر رەت 1 قازانعا مىناداي فورمۋلا بويىنشا يندەكستەلەدى: ت1+1 – ت1  * تبي, مۇنداعى: ت1+1 – جوعارىدا كورسەتىلگەن فورمۋلا بويىنشا ەسەپتەلگەن تومەندەۋ جاعىنا قاراي تولىق تيىنعا دەيىن دوڭگەلەكتەلگەن يندەكستەلگەن تىركەلگەن تاريف; ت1  – ەگەر بۇرىن يندەكستەۋ جۇرگىزىلگەن بولسا, سولاردى ەسكەرە وتىرىپ, قازاقستان رەسپۋبليكاسىنىڭ ۇكىمەتى بەكىتكەن قولدانىستاعى تىركەلگەن تاريف; تبي - مەملەكەتتىك ستاتيستيكا سالاسىنداعى ۋاكىلەتتى ورگاننىڭ دەرەكتەرى بويىنشا ايقىندالاتىن يندەكستەۋ جۇرگىزىلگەن جىلدىڭ 1 قازانىنىڭ الدىنداعى ون ەكى ايعا جيناقتالعان تۇتىنۋ باعاسىنىڭ يندەكسى. 12. تىركەلگەن تاريفتەردى يندەكستەۋ ەسەبىن ەسەپ ايىرىسۋ-قارجى ورتالىعى جىل سايىن 10 قازانعا دەيىن جۇزەگە اسىرادى. 13. تىركەلگەن تاريفتەردى يندەكستەۋ ەسەبىن جانە يندەكستەلگەن تىركەلگەن تاريفتەردى ەسەپ ايىرىسۋ-قارجى ورتالىعى ءوزىنىڭ رەسمي ينتەرنەت-سايتىندا ءتيىستى جىلعى 15 قازاننان كەشىكتىرمەي جاريالايدى. 14. يندەكستەلگەن تىركەلگەن تاريفتەردى ەسەپ ايىرىسۋ-قارجى ورتالىعى يندەكستەۋ جۇرگىزىلگەن جىلدان كەيىنگى جىلدىڭ 1 قاڭتارىنان باستاپ پايدالانۋعا ءتيىس. 15. وسى قاعيدالاردا كوزدەلگەن تىركەلگەن تاريفتەردى يندەكستەۋ ءتارتىبى وزگەرگەن جاعدايدا, ەسەپ-ايىرىسۋ قارجى ورتالىعىمەن جاسالعان قولدانىستاعى ساتىپ الۋ شارتىنىڭ تاراپى بولىپ تابىلاتىن ەنەرگيا ءوندىرۋشى ۇيىم مىناداي نۇسقالاردىڭ بىرەۋىن تاڭداۋعا قۇقىلى; 1) ءوزىنىڭ ەسەپ ايىرىسۋ-قارجى ورتالىعىمەن قاتىناستارىڭدا تىركەلگەن تاريفتەردىڭ جاڭا يندەكستەۋ ءتارتىبىن پايدالانۋعا كەلىسۋ, بۇل تۋرالى ەنەرگيا ءوندىرۋشى ۇيىم قازاقستان رەسپۋبليكاسىنىڭ ءتيىستى اكتىسى قولدانىسقا ەنگىزىلگەن كۇننەن باستاپ كۇنتىزبەلىك ءبىر اي ىشىندە ۋاكىلەتتى ورگاندى حاباردار ەتۋگە مىندەتتى. بۇل رەتتە تىركەلگەن تاريفتەردىڭ جاڭا يندەكستەۋ ءتارتىبى قازاقستان رەسپۋبليكاسى ۇكىمەتىنىڭ ءتيىستى اكتىسى قولدانىسقا ەنگىزىلگەن كۇننەن باستاپ ءتيىستى ساتىپ الۋ شارتى بويىنشا ەنەرگيا ءوندىرۋشى ۇيىم مەن ەسەپ ايىرىسۋ-قارجى ورتالىعىنىڭ قاتىناستارىنا پايدالانىلادى; 2) ءتيىستى ساتىپ الۋ شارتى بويىنشا ەنەرگيا ءوندىرۋشى ۇيىم مەن ەسەپ ايىرىسۋ-قارجى ورتالىعىنىڭ قاتىناستارىنا قولدانىلاتىن تىركەلگەن تاريفتەردى يندەكستەۋ ءتارتىبىن وزگەرىسسىز قالدىرۋ تۋرالى شەشىم قابىلداۋ. ەنەرگيا ءوندىرۋشى ۇيىمنان قاعيدالاردىڭ وسى تارماعىنا سايكەس تاڭداعان نۇسقا تۋرالى حابارلاما بولماعان جاعدايدا نە قاعيدالاردىڭ وسى تارماعىنىڭ 1) تارماقشاسىندا كوزدەلگەن حابارلاما بەرۋ مەرزىمى بۇزىلعان جاعدايدا, قاعيدالاردىڭ وسى تارماعىنىڭ 2) تارماقشاسى پايدالانىلادى.