اقساقالدار اقىلداستى

جيىندا قازاق تاريحىنداعى قاريا­لار­دىڭ ءرولى جونىندە تۇشىمدى ويلار ايتىلىپ، تاربيەنىڭ تىرەگىنە بالانعان اتالار مەكتەبىن قالىپتاستىرۋ ماسەلەسى ءسوز بولعان فورۋمدا حالىقتى ىزگىلىككە شا­قىرعان ۇندەۋى قابىلداندى.

«قازاق – ادامنىڭ رۋحاني بولمىسىن جوعارى باعالاي بىلگەن حالىق. جاس بۋىن وكىلدەرىن تاربيەلەۋدە ءجۇرىس-تۇرىسىنان دانالىقتىڭ كوركەم ۇلگىسى ەسىپ تۇراتىن دۋالى اۋىز اقساقالدارىمىزدىڭ ورنى ەرەكشە ەكەنى امبەگە ايان. ءومىر مەك­تە­بىنىڭ سان ءتۇرلى ساتىسىنان وتكەن، كوپ­تى كورگەن، كورگەنىن كوكەيگە تۇيگەن اقساقالداردىڭ كەڭەسى كەرەك. كەشەگى قاڭتار قاسىرەتى كەزىندە ەلگە توقتاۋ ايتىپ، جالاڭ ۇرانمەن كوشەگە شىققان جاستاردى جونگە شاقىراتىن ۇلكەننىڭ ءپاتۋالى ءسوزى قوعام ءۇشىن اۋاداي قاجەت بولعانى ايقىن سەزىلدى. مەن جىل باسىندا ەلىمىزدەگى بارشا ءدىن قىزمەتكەرلەرىنە باعدارلىق باياندامامدى جولدادىم. باعدارلىق باياندامادا قازاقستان مۇ­سىل­ماندارى ءدىني باسقارماسى جانىنان اقساقالدار كەڭەسىن قۇرۋ تۋرالى باستاما كوتەردىم.

اللاعا شۇكىر، يگى باستامانىڭ اياسىندا ءدىني باسقارما جانىنان اقسا­قال­دار كەڭەسى قۇرىلدى. جۋىردا وسى كەڭەستىڭ العاشقى باسقوسۋىن وتكىزدىك. كەڭەسكە مۇشە بولعان مەملەكەت جانە قوعام قايراتكەرلەرى، زيالى قاۋىم وكىل­دەرى، ارداگەر يمام-ۇستازدار پاراساتتى پىكىرلەرىن ورتاعا سالىپ، ورتاق كەلىسىمگە كەلدىك»، دەدى فورۋم اشىلۋىن­دا ءسوز العان باس ءمۇفتي ناۋرىزباي قاجى تاعان ۇلى.

باس ءمۇفتي كەڭەس جۇمىستارىنا توقتالىپ ءوتىپ، ىسىراپ پەن شاريعاتىمىز تالاپ ەتپەگەن ءىس-ارەكەتتەردى بولدىرماۋ ماقساتىندا يمامداردىڭ كەزەكتى فورۋ­مى­ندا «اس بەرۋ مادەنيەتى»، «زيرات جانە زيارات مادەنيەتى» قۇجاتتارى قابىلدانعانىن ايتتى.

جىل باسىندا قمدب جانىنان قۇ­رىل­عان اقساقالدار كەڭەسىنە جاسى 60-تان اسقان جانە ەل الدىندا ابىرويلى-سىيلى قاريالار شاقىرىلعان. فورۋمعا دا دەلەگات رەتىندە وڭىرلەردەن 80-گە جۋىق اقساقال كەلگەن. ء«بىز، اللا قالاسا، وسى جىلى رەسپۋبليكالىق دەڭ­گەي­دە «اق باتا» باتا بەرۋ بايقاۋىن وتكىزەمىز. توردە وتىرىپ تورەلىك ايتىپ، حالىقتىڭ اۋىزبىرشىلىگىن ساقتاپ كەلە جاتقان ابىز اقساقالدارىمىز، الاتاۋداي اقىلشىلارىمىز، باتاگوي قاريالارىمىز، اللاعا شۇكىر، بۇگىن دە بار. سىزدەردى وسىناۋ يگى ءىس-شارا­مىز­عا بەلسەندى تۇردە قاتىسۋعا، قازاق حال­قى­نىڭ باتا بەرۋ ءداستۇرىن جاڭ­عىر­تۋ­عا شاقىرامىز»، دەدى باس ءمۇفتي.

ناۋرىزباي قاجىنىڭ ايتۋىنشا، اتا مەن بالانىڭ اراسى الشاقتاي باس­تاعان مىنا زاماندا تاربيەنىڭ تاسىل­دە­رىن ۇتىمدى قولدانۋىمىز قاجەت. باس ءمۇفتي سمارتفون بالانىڭ التىن ۋا­ق­ىتىن ۇرلاپ جاتقانىن، وسىنداي ماسەلەگە ءۇيدىڭ ۇلكەندەرى ءمان بەرۋگە ءتيىس دەپ ەسەپتەيتىنىن ورتاعا سالدى. «سونىمەن قوسا قازىر الەمدەگى وزەكتى ماسەلەلەردىڭ ءبىرى – ءتۇرلى ءدىني اعىمدار. قازاق حالقىنىڭ سالت-ءداستۇرى ءاردايىم يسلام دىنىمەن ساباقتاسىپ كەلەدى. سول قازاقتىڭ سالت-ءداستۇرىن ناسيحاتتاۋدا، ءدىني جات اعىمداردىڭ الدىن الۋدا اقسا­قال­دارمەن بىرىگىپ جۇمىس ىستەيمىز دەگەن ويىمىز بار»، دەدى ول.

«قازىرگى ەل اقساقالدارى، جالپى، قا­زاق اقساقالىنىڭ تۇلعالىق كەلبە­تى قانداي؟» دەگەن تاقىرىپتا بىر­ن­ە­­شە بايانداما وقىلدى. «وسى فو­رۋم­نان كەيىن باتا بەرۋ ۇلگىلەرى جو­نىن­دە اقسا­قال­دارمەن جيىندار وتكى­زىپ، رەس­پۋب­ليكالىق باتا بەرۋ سايى­سىن وتكىزۋ جوس­پاردا بار. قازىر اقسا­قال­دار­دىڭ دۇرىس باتا بەرۋى، ءپاتۋالى ءسوز ايتۋى وتە قاجەت بولىپ وتىر. بۇگىنگى فورۋمدا بار­لىق ۇسىنىس-پىكىر جيناقتالىپ، كە­لەسى فورۋمداردا ناقتى قۇجاتتار قا­بىل­دايمىز دەگەن نيەتىمىز بار»، دەپ تۇيىندەدى باس ءمۇفتي ن.تاعان ۇلى.