تارقاتا ايتساق, تاماق ونەركاسىبىندە – 20 جوبا, قۇرىلىس يندۋسترياسىندا – 13 جوبا, حيميا ونەركاسىبىندە – 7 جوبا, مەتاللۋرگيادا – 11 جوبا, مۇناي وڭدەۋ سالاسىندا – 5 جوبا, فارماتسەۆتيكادا – 5 جوبا, ماشينا جاساۋ سالاسىندا – 15 جوبا, جەڭىل ونەركاسىپتە – 7 جوبا, اعاش وڭدەۋ سالاسىندا – 4 جوبا, باسقا سالالاردا 3 جوبا جۇزەگە اسىرىلماق.
جوبالاردىڭ باسىم بولىگى اقمولا, قوستاناي جانە جامبىل وبلىستارىندا, سونداي-اق شىمكەنت جانە نۇر-سۇلتان قالالارىندا ىسكە قوسىلماق.
نەگىزگى جوبالاردىڭ قاتارىندا اتىراۋ وبلىسىنداعى گاز-حيميا كەشەنى بار. ينتەگراتسيالانعان گاز-حيميا كەشەنى جىلىنا 629 مىڭ توننا پروپان وڭدەپ, 500 مىڭ توننا پوليپروپيلەن شىعارادى.
ءىرى جوبالاردىڭ قاتارىنا شىمكەنتتەگى اليۋميني بانكىلەرىن وندىرەتىن زاۋىتىن قوسۋعا بولادى. جوبا «قاراپايىم زاتتار ەكونوميكاسى» باعدارلاماسى اياسىندا جۇزەگە اسىرىلۋدا. ونىڭ نەگىزگى ماقساتى – ىشكى نارىقتى جەرگىلىكتى ءوندىرىس تاۋارلارىمەن قامتاماسىز ەتۋ. جاڭا زاۋىت سۋسىنداردى قۇيۋعا ارنالعان ءارتۇرلى كولەمدەگى وڭاي جابىلاتىن قاقپاقتارى بار اليۋميني قۇتىلاردى شىعارادى. كاسىپورىننىڭ وندىرىستىك قۋاتى جىلىنا 500 ملن قۇتىنى قۇراماق.
ساران قالاسىندا ورنالاسقان شينا ءوندىرۋ زاۋىتىن دا اتاپ وتۋگە ءتيىسپىز. زاۋىت جەڭىل, جەڭىل جۇك جانە جۇك شينالارىن شىعارادى. زاۋىتتىڭ وندىرىستىك قۋاتى جىلىنا 3,5 ملن شينانى قۇرايدى. كاسىپورىن زاماناۋي جابدىقتارمەن جابدىقتالعان.
بۇدان بولەك, تۇركىستان وبلىسىندا مۇناي وڭدەۋ زاۋىتى سالىنباق. زاۋىتتىڭ قۋاتتىلىعى جىلىنا 1 ملن توننا ءونىمدى قۇرايدى.
سونىمەن قاتار شىعىس قازاقستان وبلىسىندا ماي ەكستراكتسيالىق زاۋىتىن سالۋ جوسپارلانعان. كومبينات وڭىردەگى اۋقىمدى ينۆەستيتسيالىق جوبالاردىڭ ءبىرى. زاۋىت جىلىنا 300 مىڭ توننا دايىن ءونىم شىعارماق. جوبانىڭ قۇنى – 28 ملرد تەڭگە.
