مىسالعا, ايەل كوشباسشىنى تاڭداپ, ليبەرالدى يدەيالاردى ەنگىزگەن كونسەرۆاتورلاردىڭ وزگەرىسىن كەلتىرۋگە بولادى. سونداي-اق لەيبوريست توني بلەر بۇرىنعى «Rule, Britain!» – «باسقار, بريتانيا!» ۇرانى ءتيىمسىز بولىپ قالعاندا «Cool Britannia», ياعني «كەرەمەت بريتانيا» دەپ وزگەرتتى. وسىدان كەيىن, 90-جىلداردىڭ ەكىنشى جارتىسىندا بريتاندىق بولۋ كەرەمەت بولىپ كورىندى. بۇل دەگەنىمىز جىگەرلى, شىعارماشىل بولۋدى جانە بريتانيالىق مۋزىكانى تىڭداۋدى ءبىلدىردى. سول سياقتى قازاقستاندا دا وتكەن ءۇش ونجىلدىققا كوز جۇگىرتسەك, ەندىگى جەردە Nur Otan پارتياسىنىڭ اتاۋىن Amanat دەپ وزگەرتۋ ارقىلى ترانسفورماتسيالاناتىن كەزى كەلدى. پارتيانىڭ جاڭا اتاۋى جاڭا برەند رەتىندە «جاڭا قازاقستاننىڭ» باعدارىنا اينالۋى كەرەك.
ساياساتتاعى رەبرەندينگ بىرنەشە جاعدايدا جۇزەگە اسىرىلۋى مۇمكىن. پارتيانىڭ باعىتى نەمەسە حالىقتىڭ سۇرانىسى وزگەرگەن كەزدە باتىل شەشىمدەر قابىلداۋ قاجەت بولادى. سونداي-اق يدەياسى ۇقساس ساياسي پارتيالار اراسىنان ەرەكشەلەنۋ ماقساتى پايدا بولۋى مۇمكىن. ودان بولەك حالىقتىڭ پارتيانى قابىلداۋىن, قوعامداعى كوزقاراستى وزگەرتۋدى ماقسات ەتۋى مۇمكىن.
حالىق كەز كەلگەن ساياسي ينستيتۋتتىڭ اتاۋى مەن بەلگىسىنە قاراپ, بەلگىلى ءبىر كوزقاراس قالىپتاستىرادى. سول ارقىلى قابىلدايدى. سوندىقتان كوپشىلىكتىڭ ويىن, قابىلداۋىن وزگەرتىپ, سەنىمىنە يە بولۋ ءۇشىن وسىنداي ماڭىزدى قادام جاسالادى. پارتيانىڭ تەك اتاۋى مەن بەلگىسى وزگەرىپ قانا قويماي, ساپالىق قۇرامى دا جاڭارتىلۋى كەرەك.
قاڭتار ايىنداعى وقيعالاردان كەيىن حالىق پارتيا اتاۋىن وزگەرتۋدى كۇتتى, ءتىپتى تالاپ ەتتى دەۋگە بولادى. ويتكەنى Nur Otan-نىڭ جىلدار بويى اتقارعان اۋقىمدى جۇمىسىنا قاراماستان, جاڭا ماقساتتار مەن جاڭا ادامدار قاجەت. وزگەرىس كوپ كۇتتىرگەن جوق. مىسالى, پارتيانىڭ اتقارۋشى حاتشىسى بولىپ اسحات ورالوۆتىڭ تاعايىندالۋىندا ۇلكەن ءمان بار. ونىڭ جاسى قازاقستاندىقتىڭ ورتاشا جاسىنا سايكەس كەلەدى. بۇل قادام پرەزيدەنتتىڭ قۇرامدى جاڭارتۋ مەن ساياسي ينستيتۋتتا جىلدار بويى بەلەڭ العان بيۋروكراتياسىز جاڭا جولدى قالىپتاستىرۋدى كوزدەيتىنىنەن حابار بەرەدى.
سونىمەن قاتار 1 ناۋرىزدا Amanat پارتياسىنىڭ كەزەكتەن تىس سەزىندە ايتىلعان Talqylau, «ورلەۋ», «قايسار», «الەۋمەت», «پارتيالىق كونتەنت-فابريكا», تازاLike سەكىلدى جوبالاردىڭ كوپشىلىگى جاستارعا باعىتتالعانىن, ولارعا مۇمكىندىك اشاتىنىن كورۋگە بولادى. بۇل جوبالاردىڭ تارتىمدى تۇجىرىمداماسىنا قاراماستان, ولاردىڭ وڭىرلەردە قالاي جۇزەگە اساتىنى الدەقايدا ماڭىزدى.
پارتيا قۇرىلىمىندا دا كوپ نارسە وزگەرەدى. مىسالى, سەزدە ايتىلعان شەشىمدەرگە ساي, باستاۋىش پارتيا ۇيىمداردىڭ جالپى سانى 4500-دەن تومەندەيتىنى بەلگىلى بولدى.
قوعام مەن ساراپشىلار بۇل جاڭالىقتى, پارتيانىڭ جاڭعىرۋىن جاقسى قابىلداعانىن ايتا كەتۋ كەرەك. وزگەرىس پارتيانىڭ اتاۋى مەن بەلگىسىنە عانا ەمەس, ساياسي ۇيىمنىڭ قۇرىلىمىنا قاتىستى بولاتىنىن اڭعاردىق. «اشىق پارتيا» تۇجىرىمداماسى مەن Jas Otan جاستار قاناتىنىڭ جاڭا باعدارلاماسىن كۇتەمىز.
بۇل جاعدايدا ەڭ ماڭىزدى ماسەلە, پارتيا جۇمىسىن, ناقتى تەتىكتەرىن وزگەرتۋ بولىپ وتىر. قوعام سونى كۇتەدى. سونداي-اق سايلاۋ الدىندا بەرىلگەن ۋادەلەردى ساپالى ءارى ۋاقتىلى ورىنداۋعا ەرەكشە نازار اۋدارىلۋعا ءتيىس.
دينا ايكەنوۆا,
PhD, ساياسي كەڭەسشى
