پرەزيدەنت • 02 ناۋرىز، 2022

پرەزيدەنت قازاقستاندا زاڭسىز ماينينگ ماسەلەسىن تۇبەگەيلى شەشۋدى تاپسىردى

155 رەت كورسەتىلدى

مەملەكەت باسشىسى قاسىم-جومارت توقاەۆتىڭ توراعالىعىمەن ەنەرگەتيكا جانە ينجەنەرلىك ينفراقۇرىلىمدى دامىتۋ ماسەلەلەرى جونىندە كەڭەس ءوتتى، دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.

جيىنعا پرەمەر-مينيستر ءاليحان سمايىلوۆ، ۇكىمەت مۇشەلەرى، مەملەكەتتىك ورگاندار مەن ۇلتتىق كومپانيالاردىڭ باسشىلارى، ءوڭىر اكىمدەرى قاتىستى.  

كەڭەس قاتىسۋشىلارى قازاقستانداعى ەلەكتر ەنەرگەتيكاسى سالاسى مەن اتوم ونەركاسىبىن دامىتۋدىڭ پەرسپەكتيۆالارىن، ەنەرگيا تيىمدىلىگىن ارتتىرۋ جانە ەلەكتر ەنەرگياسى تاپشىلىعىن شەشۋ ماسەلەلەرىن جان-جاقتى قاراستىردى.

جيىندا تەڭگەرىمدى تاريف ساياساتىن ەنگىزۋدىڭ ناقتى اسپەكتىلەرى مەن ەلەكتر ەنەرگەتيكاسى جانە تۇرعىن-ءۇي كوممۋنالدىق شارۋاشىلىعى سالالارىنداعى ءىرى جوبالاردى ىسكە اسىرۋ بارىسى تالقىلاندى.

قاسىم-جومارت توقاەۆ تۇرعىن-ءۇي كوممۋنالدىق شارۋاشىلىعىن جانە قۋات ءوندىرۋشى ستانتسيالاردى جاڭعىرتۋ، جاڭا تەحنولوگيالاردى ەنگىزۋ جانە سالانى تسيفرلاندىرۋ، ەلەكتر جەلىلەرىندەگى اپاتتاردى ازايتۋ جونىندە بىرقاتار تاپسىرما بەردى.

پ

مەملەكەت باسشىسى ەنەرگەتيكا مينيسترلىگى مەن قارجى مونيتورينگى اگەنتتىگىنە قازاقستانداعى زاڭسىز ماينينگ ماسەلەسىن تۇبەگەيلى شەشۋدى تاپسىردى.

جيىن بارىسىندا ەنەرگەتيكا ءمينيسترى بولات اقشولاقوۆ، «سامۇرىق-قازىنا» اكتسيونەرلىك قوعامىنىڭ باسقارما توراعاسى الماسادام ساتقاليەۆ، يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ، ۇلتتىق ەكونوميكا ءمينيسترى الىبەك قۋانتىروۆ، باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين جانە باسقالار بايانداما جاسادى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار