پارتيا پرەزيدەنتتىڭ ساياساتىن جۇزەگە اسىرۋدا جاقسى كومەكشى بولاتىنىنا سەنىمدىمىن. ەڭ باستى ماسەلە – گەوساياسي تۇراقسىزدىق پەن سانكتسيالىق تەكەتىرەس جاعدايىندا پارتيانىڭ الەۋەتىن مەملەكەتىمىزدىڭ قاۋىپسىزدىگى مەن ونىڭ ازاماتتارىنىڭ ءال-اۋقاتىن قامتاماسىز ەتۋگە باعىتتاۋ.
سەزدەن بۇرىن بۇعان دەيىن جىبەرىلگەن كەمشىلىكتەردى جويۋعا جانە جۇمىستىڭ جاڭا ءستيلىن جاساۋعا باعىتتالعان بايىپتى اناليتيكالىق جۇمىس جۇرگىزىلگەنى سەزىلەدى. پارتيا توراعاسىنىڭ سويلەگەن سوزىندە بۇل ماسەلەلەر ناقتى ايتىلدى. پارتيا بارلىق رەفورمانىڭ كاتاليزاتورىنا اينالۋعا ءتيىس. بۇل ءىس بويىنشا ەرەكشە مىندەتتەر پارتيانىڭ ماجىلىستەگى جانە ماسليحاتتارداعى فراكتسيالارىنا جۇكتەلەدى.
دەپۋتاتتار اتقارۋشى بيلىكپەن تىعىز قارىم-قاتىناستا بولۋعا, پارلامەنتتىك تىڭداۋلاردى, كوشپەلى وتىرىستاردى, ازاماتتارمەن كەزدەسۋلەردى كەڭىنەن وتكىزۋى قاجەت. سونىمەن قاتار پارتيانىڭ ءاربىر مۇشەسىن تىڭداۋ ماڭىزدى. وسىعان بايلانىستى يدەيالار مەن ۇسىنىستار جينالادى.
وسى قادامداردىڭ بارلىعى شامادان تىس ورتالىقتاندىرۋدان, بيۋروكراتيادان, كوزبوياۋشىلىقتان ارىلۋعا مۇمكىندىك بەرەدى دەپ سانايمىن. ءبىز العاش رەت پارتيانىڭ اتقارۋشى حاتشىسى اسحات ورالوۆتىڭ ءسوزىن تىڭدادىق. مەنىڭشە, ول پارتيا اپپاراتىنىڭ كۇندەلىكتى ۇيلەسىمدى جانە بەلسەندى جۇمىسىن قامتاماسىز ەتە الادى.
سونىمەن قوسا, ەرتەڭ دەپۋتاتتىق كورپۋسقا قوسىلاتىن ساياسات نۇربەك ەستە قالارلىقتاي سوزدەر ايتتى. ونىڭ ازاماتتارمەن ءوزارا قارىم-قاتىناستا بولۋ ءۇشىن تسيفرلاندىرۋدى بەلسەندى پايدالانۋ تۋرالى ۇندەۋى ماعان ۇنادى. پاندەميا بىزگە ونلاين تۇردە قارىم-قاتىناس جاساۋدى ۇيرەتتى. سول سەبەپتى حالىققا جەدەل ساۋالناما جۇرگىزۋ, ازاماتتىق قوعاممەن, جەرگىلىكتى اتقارۋشى ورگاندارمەن قارىم-قاتىناس جاساۋ ءۇشىن ونى كەڭىنەن پايدالانۋ كەرەك.
ايگۇل قۇسپان,
ءماجىلىس دەپۋتاتى
