ول پارتيالىق باقىلاۋدى كۇشەيتۋ قاجەتتىگىن اتاپ ءوتتى. ورالوۆتىڭ ايتۋىنشا, جاۋاپكەرشىلىك - پارتيانىڭ باستى ستراتەگيالىق باسىمدىقتارىنىڭ ءبىرى بولىپ قالا بەرەدى. سايلاۋ الدىنداعى ۋادەلەردى ساپالى ءارى ۋاقتىلى ورىنداۋعا ەرەكشە نازار اۋدارىلۋعا ءتيىس.
ء«ساۋىر ايىندا رەسپۋبليكالىق سايلاۋالدى باعدارلامانىڭ ورىندالۋىن تەكسەرۋ قورىتىندىسى بويىنشا ماجىلىستەگى فراكتسيانىڭ كەڭەيتىلگەن وتىرىسىن وتكىزۋ ۇسىنىلادى, وندا پرەمەر-ءمينيستردىڭ ەسەبى تىڭدالادى. بۇدان ءارى وسىنداي جۇمىستى وڭىرلەردە جۇرگىزۋدى ۇسىنامىز. مۇنى پراكتيكاعا جۇيەلى نەگىزدە ەنگىزۋ قاجەت دەپ سانايمىن», دەدى Nur Otan پارتياسىنىڭ اتقارۋشى حاتشىسى.
سونىمەن قاتار, جول كارتاسىنىڭ الەۋمەتتىك سەزىمتال بولىمدەرىن بيۋرونىڭ ءاربىر مۇشەسىنە, ال ناقتى ينديكاتورلاردى - پارتيانىڭ بارلىق دەڭگەيدەگى ساياسي كەڭەستەرىنىڭ مۇشەلەرىنە بەكىتۋ ۇسىنىلادى. كەشەندە بۇل شارالار پارتيا باسشىلىعىنىڭ بارلىق دەڭگەيدەگى جەكە جاۋاپكەرشىلىگىن ارتتىرادى.
ايتا كەتسەك, نۇر-سۇلتاندا پرەزيدەنتتىڭ توراعالىعىمەن Nur Otan پارتياسىنىڭ كەزەكتەن تىس XXII سەزى وتۋدە. سەزد جۇمىسىنا قازاقستاننىڭ ءاربىر وڭىرىنەن 399 دەلەگات قاتىسۋدا.
كۇن تارتىبىندە ەكى ماسەلە قارالۋدا:
- پارتيانىڭ ساياسي كەڭەسىنىڭ قۇرامىنا وزگەرىستەر ەنگىزۋ.
- Nur Otan پارتياسىن جاڭعىرتۋ.
