پاتسيەنتتىڭ قانداي دا ءبىر تەكسەرۋلەردەن ءوتۋ كەزىندە قوردىڭ مەديتسينالىق قىزمەت جەتكىزۋشىلەرى تىزبەسىنەن مەديتسينالىق ۇيىمدى تاڭداۋعا قۇقىعى بار. ول ءۇشىن ۋچاسكەلىك دارىگەردىڭ نەمەسە ءوز ەمحاناسىنىڭ تار بەيىندى مامانىنىڭ جولداماسى بولۋى قاجەت.
«قاجەتتى مەديتسينالىق قىزمەتتى الۋ ءۇشىن قورمەن وسى قىزمەتتەردى كورسەتۋگە شارت جاساسقان كلينيكالاردىڭ كەز كەلگەنىن تاڭداۋعا بولادى. قوردىڭ مەديتسينالىق قىزمەت جەتكىزۋشىلەرى اراسىندا جەكە كلينيكالار ۇلەسى باسىم ەكەنىن اتاپ وتكىمىز كەلەدى – 717 مەديتسينالىق ۇيىم. بۇل – قوردىڭ بارلىق قىزمەت جەتكىزۋشىسىنىڭ 50%-دان استامى. ازاماتتار مامانداردىڭ كونسۋلتاتسيالارىن الۋعا, دياگنوستيكالىق پروتسەدۋرالاردان, ونىڭ ىشىندە جەكە مەديتسينالىق ۇيىمداردا اقىسىز, مەديتسينالىق ساقتاندىرۋ شەڭبەرىندە ۋچاسكەلىك دارىگەردىڭ جولداماسى بويىنشا وتۋگە مۇمكىندىگى بار. ناۋقاستاردىڭ العان قىزمەتتەرى ءۇشىن تولەمدى قور جۇرگىزەدى», دەدى قوردىڭ باسقارما توراعاسىنىڭ ورىنباسارى ءىلياس مۇحامەدجان.
سونداي-اق قوردا تىركەلگەن جەرى بويىنشا ەمحانادا قىزمەت كورسەتۋ مۇمكىندىگى بولماعان جاعدايدا دارىگەر وسى قىزمەتتەردى كورسەتۋگە بىرلەسىپ ورىنداۋ شارتى جاسالعان باسقا مەديتسينالىق ۇيىمعا جولداما بەرۋگە ءتيىس ەكەنىن ءتۇسىندىردى. نەمەسە پاتسيەنت وسى قىزمەتتى كورسەتەتىن قوردىڭ جەتكىزۋشىلەرى ىشىنەن مەديتسينالىق ۇيىمدى ءوزى تاڭداي الادى. وندا ۋچاسكەلىك دارىگەردەن جولداما دەنساۋلىق ساقتاۋ مينيسترلىگىنىڭ اقپاراتتىق جۇيەلەرىندە اۆتوماتتى تۇردە بىرلەسىپ ورىنداۋ شارتىن قالىپتاستىرۋ ءۇشىن نەگىز بولىپ تابىلادى.
قازىرگى ۋاقىتتا 1 389 مەديتسينالىق ۇيىم تمككك جانە ءمامس بويىنشا مەديتسينالىق قىزمەتتەر كورسەتۋگە قوردىڭ تىكەلەي جەتكىزۋشىلەرى بولىپ وتىر.
ەڭ كوپ تىركەلگەن مەديتسينالىق قىزمەت جەتكىزۋشىلەرى امبۋلاتوريالىق جاعدايدا كونسۋلتاتسيالىق-دياگنوستيكالىق كومەك, مەديتسينالىق وڭالتۋ, مامانداندىرىلعان ستاتسيوناردى الماستىراتىن كومەك, العاشقى مەديتسينالىق-سانيتاريالىق كومەك كورسەتۋ بويىنشا ەكەندىگىن اتاپ وتكەن ءجون.
قور سايتىندا مەديتسينالىق قىزمەت جەتكىزۋشىلەر ءتىزىمىن قالاي پايدالانۋعا بولادى؟ قوردىڭ fms.kz سايتىندا «پاتسيەنت ءۇشىن» دەگەن بولىمدە «ەمحانانى تاڭداۋ» دەگەن كىشى بولىمدە تمككك جانە ءمامس مەديتسينالىق كومەك كورسەتۋشىلەرىنىڭ تىزبەسى. ءتى-
زىمدەردە ءوزىڭىزدىڭ تۇراتىن وبلىسىڭىزدى نەمەسە ايماعىڭىزدى, سودان كەيىن مەديتسينالىق كومەك ءتۇرىن تاڭداۋىڭىز كەرەك. سونداي-اق مۇندا ەكۇ, مەديتسينالىق وڭالتۋ قىزمەتتەرىنە جەتكىزۋشىلەر تىزبەلەرى, قاجەتتى ۋاقىتتا جاڭارتىلىپ وتىراتىن بىرلەسكەن ورىنداۋشىلاردىڭ تىزبەلەرى جاريالانادى.
كونسۋلتاتسيالىق-دياگنوستيكالىق قىزمەتتەرگە ءونىم بەرۋشىلەردىڭ تىزبەسى-ستوماتولوگيا, رەنتگەنوگرافيا, پتر-تەستىلەۋ, كت جانە مرت كورسەتىلگەن.
ەگەر سىزدە مەديتسينالىق كومەكتىڭ ساپاسى مەن ۋاقتىلى كورسەتۋ بويىنشا سۇراقتار تۋىنداسا, ەمحانانىڭ پاتسيەنتتەردى قولداۋ جانە ىشكى اۋديت قىزمەتىنە نەمەسە وزىڭىزگە ىڭعايلى كەلەسى بايلانىس ارناسى بويىنشا الەۋمەتتىك مەديتسينالىق ساقتاندىرۋ قورىنا جۇگىنە الاسىز: fms.kz رەسمي سايتى, 1406 بايلانىس ورتالىعى, Qoldau 24/7 ءموبيلدى قوسىمشاسى جانە Telegram-داعى SaqtandyryBot.
