كوكتەم ورنەگى

وقۋشىلاردى ۇلتجاندىلىققا, يماندىلىققا تاربيەلەۋ كەز كەلگەن مەكتەپتىڭ كۇندەلىكتى شارۋاسى بولعانىمەن, ناۋرىز مەيرامى قارساڭىندا بۇل يگى ىستەردىڭ ءرولى ءتىپتى ارتادى. اتادان بالاعا مۇرا ەتىپ قالدىرىلعان رۋحاني قۇندىلىقتاردىڭ ءبىرى ءارى سالت-ءداستۇرىمىزدىڭ ەرەكشە جاڭعىراتىن تۇسى ناۋرىز مەيرامى بولسا, ونىڭ ءوز دەڭگەيىندە تويلانۋىنا ءبىلىم وردالارى ايرىقشا ءمان بەرەدى. بيىل رايىمبەك باتىر اتىن­داعى №50 مەكتەپ-ليتسەيدە «نۇر سەبەلەر, ۇلىستىڭ ۇلى كۇنى» مەرەكەلىك كەشى وتكىزىلدى. قالا كولەمىندە وتكەن مەرەكەلىك كەشكە استا­نا قالاسى ءبىلىم باسقار­ماسى­نان, تىلدەردى دامىتۋ باسقارماسىنان, «زەردە» يننو­ۆاتسيالىق ورتالىعىنان, سون­داي-اق, ق.قۋانىشباەۆ اتىن­داعى قازاق دراما تەاترىنان قو­نا­قتار مەن اتا-انالار قاۋى­مى قاتىستى. قازاق حالقىنىڭ سالت-داستۇرىنەن, ادەت-عۇرپىنان حا­باردار ەتەتىن بەسىككە سالۋ, سەلت ەتكىزەر, ۇيقى اشار, بەتاشار, سىرعا سالۋ, باتا-تىلەك سىندى ءتۇرلى يگى شارالاردان ءتالىمدى كورسەتىلىمدەر كورەرمەندەرگە ناسيحاتتالدى. وسى كەشتە وقۋشىلاردىڭ ءبىر بولىگى ناۋرىز كوجەنىڭ قۇرامى مەن وزىندىك ەرەكشەلىگى تۋرالى ايتسا, تاعى ءبىر توپ وقۋشىلار اسەمدىك ءۇشىن وسىرىلەتىن, قازاقستاننىڭ «قىزىل كىتابىنا» ەنگەن, سيرەك كەزدەسەتىن باعالى وسىمدىك «ناۋرىز شەشەك» وسىمدىگى جايلى اڭگىمەلەپ بەردى. كەشتىڭ ءبىر ەرەكشەلىگى, وقۋ­شىلار اراسىندا «ناۋرىز-ەكسپو-2017» ۇلتتىق تاعامدار بايقا­ۋىنىڭ وتكىزىلۋى ەدى. بايقاۋدىڭ ماقساتى – قازاق حالقىنىڭ سالت-ءداستۇرىن, ۇلت­تىق تاعامدارىن كورسەتۋ, ناسيحاتتاۋ ءارى ەكسپو-2017 ءىس-شاراسىنا قازاقستان قانداي ۇلتتىق تاعامدارىن ۇسىنا الادى دەگەن ساۋالعا جاۋاپ تابۋ بولاتىن. مۇندا ۇلتتىق تاعامداردىڭ ۇستەلدەرگە قويىلۋ مانەرىنە دە, ونىڭ دا­يىندالۋ تەحنولوگياسىنا دا ەرەكشە كوڭىل ءبولىنىپ, ءار تاعامنىڭ پايداسى تۋرالى ۇلت­تىق كيىم كيگەن وقۋشىلار تۇسىنىكتەمە بەردى. كەلگەن قوناقتارعا تويباس­تار تاراتىلىپ, ناۋرىز كوجە ۇسىنىلدى. اتا-انالاردىڭ ۇلت­تىق كيىم كيىپ, ونەر كورسەتۋى دە وقۋشىلارعا ۇلتتىق , پاتريوتتىق تاربيە بەرۋدە ماڭىزى زور بولدى. «ەگەمەن-اقپارات».