تۇركسوي اتاۋى قازىرگى تاڭدا بارشامىزعا ءمالىم. بۇل – تۇركى حالقىنىڭ مادەنيەتى مەن ونەرىن بىرلەسىپ دامىتۋدى كوزدەيتىن حالىقارالىق ۇيىم. قازاقستان - بۇل ۇيىمدى قۇرۋشى مەملەكەتتەردىڭ ءبىرى.
اتالمىش ارت-البوم اقىننىڭ 85 جىلدىعىنا وراي شىعارىلىپ وتىر. بىلتىر باسىلعان كىتاپ پاندەمياعا بايلانىستى بيىل عانا تانىستىرىلدى. البومبا ولجاس سۇلەيمەنوۆتىڭ ولەڭدەرىنەن اسەر العان تۇركى الەمى سۋرەتشىلەرىنىڭ تۋىندىلارى بەينەلەنگەن. بۇعان دەيىن تۇركسوي ۇيىمى ءدال وسىنداي اباي, ءۇش ارىس, شىڭعىس ايتماتوۆ, نيزامي گياندجەۆي كىتاپتاتارىنىڭ دا تۇساۋىن كەسكەن بولاتىن.
تۇركسوي ۇيىمىنىڭ باستى ماقساتى - ءتۇبى ءبىر تۇركى ەلىنىڭ تاريحىنا تەرەڭىرەك ءۇڭىلۋ. حالىقارالىق ۇيىم بۇل مىندەتتى ابىرويمەن ورىنداپ كەلەدى. ۇيىم وتكىزىپ كەلە جاتقان ايتۋلى شارالاردىڭ بارىندە تۇركى ەلىنىڭ بىرلىگى بايقالىپ تۇرادى. سوڭعى كەزدەرى تۇركسوي دەگەن اتاۋ مەن تۇركى بىرلىگى دەگەن ۇعىم ەگىز تىركەسكە اينالعانداي. سونىمەن قاتار, تۇركسوي ۇيىمى رۋحتى كوتەرەتىن, ونەردى ىنتالاندىراتىن شارالاردى ءجيى وتكىزىپ تۇرادى.
ايانا توعانبەك
