«ورىن العان جاعداي بەيبىت جولمەن, كەلىسسوزدەر جۇرگىزۋ ارقىلى شەشىلۋى ءتيىس. ازاماتتاردىڭ قۇقىعىنا تىكەلەي بايلانىستى بولعاندىقتان, بۇل ماسەلە بۇۇ-نىڭ كۇن تارتىبىندە تۇر.
رەسەي مەن ۋكراينا بىزگە وتە جاقىن ەلدەر. رەسەي - ءبىزدىڭ ەڭ ءىرى ەكونوميكالىق سەرىكتەسىمىز. ۋكراينا دا ءبىزدىڭ جاقىن سەرىكتەسىمىزدىڭ ءبىرى. سوندىقتان بۇل جاعداي بەيبىت جولمەن شەشىلەدى دەپ سەنەمىز. كەلىسسوزدەر بارلىق تارتىلعان تاراپتاردىڭ مۇددەلەرىن ەسكەرۋى ءتيىس», دەپ ايتتى سەنات توراعاسى.
ول كەلىسسوزدەر ۇستەلىنە وتىرۋعا جانە ماسەلەنى ديپلوماتيالىق جولمەن شەشۋگە ءالى دە كەش ەمەس دەپ سانايدى.
ء«بىزدىڭ ۇستانىمىمىزدى سىرتقى ىستەر ءمينيسترى مۇحتار تىلەۋبەردى جەتكىزدى. بۇگىن جاعدايدىڭ وزگەرۋىنە بايلانىستى ءسىم مالىمدەمەسى بولادى دەپ ويلايمىن. كەلىسسوزدەر بارلىق تارتىلعان تاراپتاردىڭ مۇددەلەرىن ەسكەرۋى ءتيىس جانە بۇۇ شەڭبەرىندەگى كەلىسسوزدەر ءتيىمدى بولار ەدى», دەپ اتاپ ءوتتى سەنات توراعاسى.
ايانا توعانبەك,
ەۇۋ ستۋدەنتى
