پرەزيدەنت نۇرسۇلتان نازارباەۆتىڭ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى» جارلىعىنا سايكەس قۇرىلعان بايلانىس جانە اقپارات اگەنتتىگىنە بۇرىنعى مادەنيەت جانە اقپارات مينيسترلىگىنەن اقپارات, مۇراعات ءىسى جانە قۇجاتتاما سالاسىنداعى فۋنكتسيالار مەن وكىلەتتىكتەر بەرىلگەنى بەلگىلى. كەشە سالا باسشىسى اسقار جۇماعاليەۆ اگەنتتىككە قاراستى مەكەمەلەر جۇمىسىمەن جاقىنىراق تانىسۋدى قازاق ءباسپاسوزىنىڭ قاراشاڭىراعىنان – جارىق كورگەنىنە بيىل 95 جىل تولاتىن «ەگەمەن قازاقستان» گازەتىنىڭ رەداكتسياسىنان باستادى.
– پرەزيدەنت «وتانىمىزدىڭ باس گازەتى» دەپ باعالاعان «ەگەمەن قازاقستاننىڭ» ءبىزدىڭ بارشامىز ءۇشىن, جالپى حالقىمىز ءۇشىن ورنى بولەك. گازەتتىڭ 90 جىلدىق تورقالى تويىنا ەلباسىمىزدىڭ ءوزى كەلىپ قاتىسقانى, ءوزىنىڭ تىكەلەي قامقورلىعىمەن تۇرعىزىلعان وسى تاماشا عيماراتتى اشىپ بەرگەنى كوپ جايدى اڭعارتادى, – دەدى اگەنتتىك توراعاسى كەزدەسۋدىڭ باسىندا.
«ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ سالا باسشىسىنا ۇجىمنىڭ تىنىس-تىرشىلىگى, گازەتتىڭ قازىرگى دەڭگەي-دارەجەسى, الداعى مىندەتتەر, شەشۋىن كۇتكەن ماسەلەلەر تۋرالى بايانداپ بەردى. «قازىر قاي سالاعا دا قويىلار باستى تالاپ – باسەكەگە قابىلەتتىلىك. اقپارات سالاسىنداعى باسەكەگە قابىلەتتىلىك – ۇلتتىڭ باسەكەگە قابىلەتتىلىگىنىڭ ماڭىزدى شارتتارىنىڭ ءبىرى. گازەت ەلدىڭ باسەكەگە قابىلەتتىلىگى ءاربىر ادامنىڭ مىنا ءدۇبىرلى دۇنيەدەگى باسەكەگە قابىلەتتىلىگىمەن ايقىندالادى دەگەن ۇستانىمدى باسشىلىققا الا وتىرىپ, ءوز ماقالالارى ارقىلى وقىرماندى جاڭا مىڭجىلدىقتىڭ, جاڭا عاسىردىڭ تىڭ تالاپتارىنا ساي بولاتىنداي ەتىپ شيراتۋدى ماقسات تۇتادى. «ەگەمەن قازاقستاننىڭ» ءوزىنىڭ باسەكەگە قابىلەتتىلىگىن دامىتۋ باعىتىندا مىنانداي ماسەلەلەرگە باسىمدىق بەرىلەدى: باسىلىم مازمۇنىن (كونتەنت) جاقسارتۋ, يكەمدىلىك, جەدەلدىك, ۇتقىرلىق, اقپاراتتىق ءونىمنىڭ دارالىعى, ساپاسى, ءوندىرۋ مەن تاراتۋ جەدەلدىگى, تاقىرىپتىق قامتۋ اۋقىمدىلىعى, كاسىبي ماماندانۋ, گازەتتى وسى زامانعى تاسىلدەرمەن (ينتەرنەت-قولداۋ) سۇيەمەلدەۋ, ەكونوميكالىق تابىستىلىق, ءتيىمدى مەنەدجمەنت», دەدى باس باسىلىم باسشىسى. كەزدەسۋدە گازەت جۇمىسىن بۇگىنگى كۇن تالابىنا ساي شيراتۋ, سونىڭ ىشىندە ينتەرنەتتىك نۇسقانى جەتىلدىرە ءتۇسۋ ماسەلەلەرى سىن تۇرعىسىنان ءسوز ەتىلدى.
پىكىر الىسۋدى قورىتىندىلاي كەلىپ اسقار جۇماعاليەۆ: «ۇجىمنىڭ باسشىسىنىڭ سوزىندە دە, سويلەۋشىلەردىڭ سوزدەرىندە دە تابىستاردى سانامالاپ ايتۋ بولعان جوق. جالپى, جاعدايدان اقپارات بەرىلىپ, الدا تۇرعان مىندەتتەر اڭگىمەلەندى. بۇل جاقسى. مۇنىڭ ءوزى «ەگەمەن قازاقستاننىڭ» ۇجىمى العا قويىلعان مىندەتتەردىڭ جاۋاپتىلىعىن تولىق تۇسىنەتىنىن, سەرگەك سەزىنەتىنىن بىلدىرەدى. مەن گازەت باسشىسىنىڭ باسىلىم تۇجىرىمداماسى جونىندەگى ويلارىمەن كەلىسەمىن. «ەگەمەن قازاقستان» ەڭ الدىمەن الەۋمەتتىك وپتيميزم گازەتى بولۋى كەرەك. ونىڭ بەتىندەگى ماتەريالدار حالىقتىڭ مەملەكەت باسشىسىنىڭ ساياساتىن جان-جۇرەگىمەن سەزىنۋىنە, تۇسىنۋىنە, قولداۋىنا كومەكتەسۋگە ءتيىس. گازەت ماقالالارى, سۇحباتتارى, رەپورتاجدارى ءبىزدىڭ ەلىمىزدەگى جاسامپازدىق جۇمىستى كورسەتە وتىرىپ, ادامداردىڭ ەرتەڭگى كۇنگە سەنىمىن نىعايتۋعا ءتيىس. «ەگەمەن قازاقستاننىڭ» ماتەريالدارى ەل حالقىنىڭ ءبىرلىگىنە ىقپال ەتۋگە, قوعامدىق تۇراقتىلىقتى ورنىقتىرا تۇسۋگە ءتيىس. بۇل تۇرعىدان گازەتتىڭ باعىتى ايقىن» دەي كەلىپ, گازەت سايتىنا قاتىستى سىن پىكىرلەرىن دە ورتاعا سالدى. «گازەت سايتىن جاقسارتۋ ءۇشىن سىزدەردە بارلىق مۇمكىندىكتەر بار. رەداكتسيانىڭ ءاربىر ءجۋرناليسى گازەتكە دە, سايتقا دا قاتار جۇمىس ىستەۋگە ءتيىس. ەڭ ماڭىزدىسى – كونتەنت. ءبىز «ەگەمەن قازاقستاننىڭ» جاڭا جاعدايداعى جۇمىسىن گازەتتىڭ تارالىمىمەن عانا ەمەس, سايتتىڭ تانىمالدىلىعىمەن دە ولشەيتىن بولامىز. مۇنى ايقىن ۇعىنىڭىزدار. كوپ دۇنيەگە جاڭاشا قاراۋعا, تىڭ تۇرعىدان جۇمىس ىستەۋگە تۋرا كەلەدى. زامان وزگەرىپ كەتتى. ءبىزدىڭ جۇمىس تاسىلدەرىمىز دە وزگەرۋى كەرەك. مەملەكەتتىك باق-تاردىڭ ءۇنى ينتەرنەت كەڭىستىگىندە قازىرگىدەن قاتتىراق شىعۋعا ءتيىس. بىرتە-بىرتە قاعاز تۇرىندەگى گازەتتەردىڭ ىقپالى ازايا بەرەتىندىگى, ينتەرنەت-رەسۋرستاردىڭ ءرولى ارتا تۇسەتىندىگى انىق. بۇل ۇدەرىس بۇكىل الەمدە ءجۇرىپ جاتىر. ول قازاقستاندا دا باستالدى. كەيبىر گازەتتەردىڭ جابىلعانىن, سايتقا اينالدىرىلعانىن وزدەرىڭىز كورىپ وتىرسىزدار. رەداكتسيانىڭ ءاربىر قىزمەتكەرىنىڭ ينتەرنەت-جۋرناليستيكا تاسىلدەرىن مەڭگەرۋى مىندەتتى. جالپى, بۇقارالىق اقپارات قۇرالدارىنا, سونىڭ ىشىندە گازەتتەرگە قويىلىپ وتىرعان جاڭاشا تالاپتارعا ساي جۇمىس ىستەۋ كەرەك. بۇگىنگى اڭگىمە «ەگەمەن قازاقستاننىڭ» ۇجىمىندا وسىنداي ۇمتىلىس بار ەكەنىن كورسەتەدى», دەدى اسقار قۋانىش ۇلى كەزدەسۋدى قورىتا كەلىپ.
اگەنتتىك توراعاسى اكتسيونەرلىك قوعام عيماراتىن ارالاپ كورىپ, گازەت شىعارۋ پروتسەسىمەن تانىستى, رەداكتسيا ۇجىمىنا بىرلەسە اتقاراتىن ورتاق ىستە تابىس تىلەدى.
جىلقىباي جاعىپار ۇلى,
«ەگەمەن قازاقستان».
– پرەزيدەنت «وتانىمىزدىڭ باس گازەتى» دەپ باعالاعان «ەگەمەن قازاقستاننىڭ» ءبىزدىڭ بارشامىز ءۇشىن, جالپى حالقىمىز ءۇشىن ورنى بولەك. گازەتتىڭ 90 جىلدىق تورقالى تويىنا ەلباسىمىزدىڭ ءوزى كەلىپ قاتىسقانى, ءوزىنىڭ تىكەلەي قامقورلىعىمەن تۇرعىزىلعان وسى تاماشا عيماراتتى اشىپ بەرگەنى كوپ جايدى اڭعارتادى, – دەدى اگەنتتىك توراعاسى كەزدەسۋدىڭ باسىندا.
«ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ سالا باسشىسىنا ۇجىمنىڭ تىنىس-تىرشىلىگى, گازەتتىڭ قازىرگى دەڭگەي-دارەجەسى, الداعى مىندەتتەر, شەشۋىن كۇتكەن ماسەلەلەر تۋرالى بايانداپ بەردى. «قازىر قاي سالاعا دا قويىلار باستى تالاپ – باسەكەگە قابىلەتتىلىك. اقپارات سالاسىنداعى باسەكەگە قابىلەتتىلىك – ۇلتتىڭ باسەكەگە قابىلەتتىلىگىنىڭ ماڭىزدى شارتتارىنىڭ ءبىرى. گازەت ەلدىڭ باسەكەگە قابىلەتتىلىگى ءاربىر ادامنىڭ مىنا ءدۇبىرلى دۇنيەدەگى باسەكەگە قابىلەتتىلىگىمەن ايقىندالادى دەگەن ۇستانىمدى باسشىلىققا الا وتىرىپ, ءوز ماقالالارى ارقىلى وقىرماندى جاڭا مىڭجىلدىقتىڭ, جاڭا عاسىردىڭ تىڭ تالاپتارىنا ساي بولاتىنداي ەتىپ شيراتۋدى ماقسات تۇتادى. «ەگەمەن قازاقستاننىڭ» ءوزىنىڭ باسەكەگە قابىلەتتىلىگىن دامىتۋ باعىتىندا مىنانداي ماسەلەلەرگە باسىمدىق بەرىلەدى: باسىلىم مازمۇنىن (كونتەنت) جاقسارتۋ, يكەمدىلىك, جەدەلدىك, ۇتقىرلىق, اقپاراتتىق ءونىمنىڭ دارالىعى, ساپاسى, ءوندىرۋ مەن تاراتۋ جەدەلدىگى, تاقىرىپتىق قامتۋ اۋقىمدىلىعى, كاسىبي ماماندانۋ, گازەتتى وسى زامانعى تاسىلدەرمەن (ينتەرنەت-قولداۋ) سۇيەمەلدەۋ, ەكونوميكالىق تابىستىلىق, ءتيىمدى مەنەدجمەنت», دەدى باس باسىلىم باسشىسى. كەزدەسۋدە گازەت جۇمىسىن بۇگىنگى كۇن تالابىنا ساي شيراتۋ, سونىڭ ىشىندە ينتەرنەتتىك نۇسقانى جەتىلدىرە ءتۇسۋ ماسەلەلەرى سىن تۇرعىسىنان ءسوز ەتىلدى.
پىكىر الىسۋدى قورىتىندىلاي كەلىپ اسقار جۇماعاليەۆ: «ۇجىمنىڭ باسشىسىنىڭ سوزىندە دە, سويلەۋشىلەردىڭ سوزدەرىندە دە تابىستاردى سانامالاپ ايتۋ بولعان جوق. جالپى, جاعدايدان اقپارات بەرىلىپ, الدا تۇرعان مىندەتتەر اڭگىمەلەندى. بۇل جاقسى. مۇنىڭ ءوزى «ەگەمەن قازاقستاننىڭ» ۇجىمى العا قويىلعان مىندەتتەردىڭ جاۋاپتىلىعىن تولىق تۇسىنەتىنىن, سەرگەك سەزىنەتىنىن بىلدىرەدى. مەن گازەت باسشىسىنىڭ باسىلىم تۇجىرىمداماسى جونىندەگى ويلارىمەن كەلىسەمىن. «ەگەمەن قازاقستان» ەڭ الدىمەن الەۋمەتتىك وپتيميزم گازەتى بولۋى كەرەك. ونىڭ بەتىندەگى ماتەريالدار حالىقتىڭ مەملەكەت باسشىسىنىڭ ساياساتىن جان-جۇرەگىمەن سەزىنۋىنە, تۇسىنۋىنە, قولداۋىنا كومەكتەسۋگە ءتيىس. گازەت ماقالالارى, سۇحباتتارى, رەپورتاجدارى ءبىزدىڭ ەلىمىزدەگى جاسامپازدىق جۇمىستى كورسەتە وتىرىپ, ادامداردىڭ ەرتەڭگى كۇنگە سەنىمىن نىعايتۋعا ءتيىس. «ەگەمەن قازاقستاننىڭ» ماتەريالدارى ەل حالقىنىڭ ءبىرلىگىنە ىقپال ەتۋگە, قوعامدىق تۇراقتىلىقتى ورنىقتىرا تۇسۋگە ءتيىس. بۇل تۇرعىدان گازەتتىڭ باعىتى ايقىن» دەي كەلىپ, گازەت سايتىنا قاتىستى سىن پىكىرلەرىن دە ورتاعا سالدى. «گازەت سايتىن جاقسارتۋ ءۇشىن سىزدەردە بارلىق مۇمكىندىكتەر بار. رەداكتسيانىڭ ءاربىر ءجۋرناليسى گازەتكە دە, سايتقا دا قاتار جۇمىس ىستەۋگە ءتيىس. ەڭ ماڭىزدىسى – كونتەنت. ءبىز «ەگەمەن قازاقستاننىڭ» جاڭا جاعدايداعى جۇمىسىن گازەتتىڭ تارالىمىمەن عانا ەمەس, سايتتىڭ تانىمالدىلىعىمەن دە ولشەيتىن بولامىز. مۇنى ايقىن ۇعىنىڭىزدار. كوپ دۇنيەگە جاڭاشا قاراۋعا, تىڭ تۇرعىدان جۇمىس ىستەۋگە تۋرا كەلەدى. زامان وزگەرىپ كەتتى. ءبىزدىڭ جۇمىس تاسىلدەرىمىز دە وزگەرۋى كەرەك. مەملەكەتتىك باق-تاردىڭ ءۇنى ينتەرنەت كەڭىستىگىندە قازىرگىدەن قاتتىراق شىعۋعا ءتيىس. بىرتە-بىرتە قاعاز تۇرىندەگى گازەتتەردىڭ ىقپالى ازايا بەرەتىندىگى, ينتەرنەت-رەسۋرستاردىڭ ءرولى ارتا تۇسەتىندىگى انىق. بۇل ۇدەرىس بۇكىل الەمدە ءجۇرىپ جاتىر. ول قازاقستاندا دا باستالدى. كەيبىر گازەتتەردىڭ جابىلعانىن, سايتقا اينالدىرىلعانىن وزدەرىڭىز كورىپ وتىرسىزدار. رەداكتسيانىڭ ءاربىر قىزمەتكەرىنىڭ ينتەرنەت-جۋرناليستيكا تاسىلدەرىن مەڭگەرۋى مىندەتتى. جالپى, بۇقارالىق اقپارات قۇرالدارىنا, سونىڭ ىشىندە گازەتتەرگە قويىلىپ وتىرعان جاڭاشا تالاپتارعا ساي جۇمىس ىستەۋ كەرەك. بۇگىنگى اڭگىمە «ەگەمەن قازاقستاننىڭ» ۇجىمىندا وسىنداي ۇمتىلىس بار ەكەنىن كورسەتەدى», دەدى اسقار قۋانىش ۇلى كەزدەسۋدى قورىتا كەلىپ.
اگەنتتىك توراعاسى اكتسيونەرلىك قوعام عيماراتىن ارالاپ كورىپ, گازەت شىعارۋ پروتسەسىمەن تانىستى, رەداكتسيا ۇجىمىنا بىرلەسە اتقاراتىن ورتاق ىستە تابىس تىلەدى.
جىلقىباي جاعىپار ۇلى,
«ەگەمەن قازاقستان».
