«اتامەكەن» الاڭىندا پىكىرتالاستىڭ 4-5 راۋندىن وتكىزدىك. ولاردى ەكولوگيا, گەولوگيا جانە تابيعي رەسۋرستار, يندۋستريا جانە ينفراقۇرىلىمدىق دامۋ مينيسترلىكتەرى, ساراپشىلىق قاۋىمداستىقتار ۇيىمداستىردى. ناعىز ساراپشىلار, وتىرىك ساراپشىلار, اۆتووندىرۋشىلەر, ءبارى-ءبارى قاتىستى. ارينە, پىكىر وتە كوپ. ەلىمىزگە شەتەلدىك ەسكى-قۇسقى كولىكتەردى كىرگىزۋ ءۇشىن ۋتيلالىمدى مۇلدەم الىپ تاستاۋ ماسەلەسى دە كوتەرىلدى. وتاندىق ماشينا جاساۋ سالاسىنا نۇقسان كەلتىرۋگە تىرىسقاندار دا بولدى», دەدى رومان سكليار «حابار-24» تەلەارناسىنداعى «سۇحبات» باعدارلاماسى بارىسىندا.
سونداي-اق, ول ۋتيلالىمعا قاتىستى تەڭگەرىمدى شەشىم قابىلدانعانىن اتاپ ءوتتى.
«اۆتوونەركاسىپتى ىنتالاندىرۋ دەڭگەيى جالپى بىزگە كولىكتىڭ بارلىق تۇرىنە جانە قۇراستىرىلاتىن اۋىل شارۋاشىلىعى تەحنيكاسىنا كادەگە جاراتۋ الىمىن 50 پايىزعا دەيىن تومەندەتۋگە مۇمكىندىك بەرەدى», دەدى ءبىرىنشى ۆيتسە-پرەمەر.
ەستەرىڭىزگە سالا كەتسەك, مەملەكەت باسشىسى تاياۋدا ۇكىمەتتىڭ كەڭەيتىلگەن وتىرىسىندا ۋتيلالىم توڭىرەگىندەگى داۋعا قاتىستى پىكىر بىلدىرگەن بولاتىن.
«قازاقستاندا حالىقارالىق جۇك تاسىمالىنا 7,5 مىڭ تىركەمەلى كولىكتەر جۇمىس ىستەيدى. رەسەيدىڭ حالىقارالىق تاسىمالىندا 34 مىڭ, بەلارۋس ەلىندە 15 مىڭ, وزبەكستاندا 8 مىڭ كولىك قاتىسۋدا. وتاندىق كاسىپورىندار نارىقتا ورنىن جوعالتۋدا.
كورشىلەرىمىزدەن ۇتىلىپ جاتىرمىز دەگەن ءسوز. 2017 جىلدان بەرى وتاندىق تاسىمالداۋشىلاردىڭ حالىقارالىق تاسىمال نارىعىنداعى ۇلەسى 1,5 ەسەدەن استام قىسقارعان. سوندىقتان, ۇكىمەتكە بۇل سالاداعى ساياساتتى جەتىلدىرۋ, ونىڭ ىشىندە ۋتيلالىم بويىنشا ۇسىنىس دايىنداۋ كەرەك», دەگەن ەدى مەملەكەت باسشىسى.
