«قازاقستاندا 62 مىڭ ستۋدەنت جاتاقحاناعا مۇقتاج. الماتىنىڭ وزىندە 20 مىڭنان استام ستۋدەنت باسپانا ىزدەپ ءجۇر», دەدى الپامىس ساتىبالدين.
ول سونداي-اق, وتكەن جىلى كاسىپكەرلەر ءوز قاراجاتى ەسەبىنەن الماتىدا 1 272 توسەك-ورىنعا ارنالعان سەگىز جاتاقحانا سالعانىن ايتتى.
«بۇل تىكەلەي جەرگىلىكتى بيۋدجەت ەسەبىنەن ەمەس, جەكە كاسىپكەرلەردىڭ قاراجاتىنا سالىنعان جاتاقحانالار. بيىل الماتىدا تاعى بىرنەشە جوبا ىسكە قوسىلادى. ءىرى قۇرىلىس كومپانيالارىمەن كەلىسسوزدەر جۇرگىزىلۋدە. ەگەر جوو مەن ينۆەستورلار اراسىنداعى بارلىق كەلىسسوزدەر ءساتتى اياقتالسا, وندا تەك ءبىر جوو ءۇشىن 15-كە جۋىق جاڭا نىساندى ەنگىزۋ جوسپارلانۋدا. بۇل جوباعا باسقا جوو-لار دا قاتىسادى», دەدى سپيكەر.
الپامىس ساتىبالدين قازاقستاندا جەر تەلىمدەرى بار, بىراق قۇرىلىسقا قاجەتتى قاراجات تاپپاعان جوعارى وقۋ ورىندارى بار ەكەنىن ايتتى.
«بۇنداي جاعدايدا ينۆەستور مەن جوو كونسورتسيۋم شارتىن جاساسادى. ينۆەستوردىڭ اقشالاي قاراجاتى مەن جوو-نىڭ جەر ۋچاسكەسىن پايدالانا وتىرىپ, بىرلەسكەن ۇلەستىك مەنشىك قۇرىلادى, ول شارتتىق قاتىناستارمەن رەتتەلەدى. بۇل جاعدايدا ءبىز دە قارجىلاندىرامىز», دەدى ساتىبالدين.
