ال 2021 جىلعى قىركۇيەك ايىندا پرەمەر-ءمينيستردىڭ ورىنباسارى ەرالى توعجانوۆ وسى ماسەلەگە بايلانىستى ارنايى كەڭەس وتكىزدى. وسىنداي ۇلكەن كابينەتتەردەگى كوڭىل اۋدارۋدىڭ ناتيجەسىندە ەسىرتكىگە قارسى كۇرەس بۇرىنعىدان دا جاندانا ءتۇستى. بىراق ونى تولىق جەڭۋدىڭ كۇنى ءالى الىس ەكەنى بەلگىلى بولىپ وتىر. كۇرەس كۇشەيگەن سايىن سينتەتيكالىق ەسىرتكىلەردى قولدانۋدىڭ قارقىنى دا بارىنشا جوعارىلاپ بارادى. ەڭ قيىنى سول, بۇل كەسەل جاستار اراسىندا قاتتى تاراۋدا.
ىشكى ىستەر ورگاندارى باسقا دا مەملەكەتتىك ورگاندارمەن ءوزارا ءىس-قيمىل جاساي وتىرىپ, ەسىرتكى قىلمىسىن جويۋ, ناشاقورلىقتىڭ الدىن الۋ جونىندە ماقساتتى جۇمىستار جۇرگىزۋدە. سونىڭ ىشىندە ەسىرتكى قولدانۋدىڭ الدىن الۋ بويىنشا جۇرگىزىلىپ جاتقان جۇمىستاردىڭ كولەمى زور.
سولتۇستىك قازاقستان وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى, پولكوۆنيك جاندوس باسىباەۆتىڭ ايتۋىنا قاراعاندا, وسى كەسەلمەن كۇرەس كۇشەيە تۇسكەنىمەن, وسىعان قاتىستى قىلمىس سانى 2020 جىلمەن سالىستىرعاندا 2021 جىلى ارتا تۇسكەن. ەسىرتكىمەن بايلانىستى قىلمىس سانى دا 7,7 پايىزعا ارتقان. ەسىرتكى ساتۋمەن اينالىسۋشىلار سانى ءتىپتى 20 پايىزعا دەيىن كوتەرىلىپ, 49-دان بيىل 59-عا جەتكەن. سونىمەن قاتار بىلتىر ءبىر ۇيىمداسقان توپ تا اشكەرەلەنگەن. ەسىرتكى شەگىپ رۋلگە وتىرۋ فاكتىلەرى دە 3 ەسە ارتقان.
«وبلىس اۋماعىندا ەسىرتكىنى قولدان جاساۋمەن اينالىسقان 8 ناركولوگيالىق لابوراتوريا اشكەرەلەندى. ولار سينتەتيكالىق ەسىرتكى جاساۋمەن اينالىسقان», دەيدى پولكوۆنيك. ونىڭ بىرەۋى ءتىپتى جامبىل اۋدانىنداعى شاعىن عانا ميروليۋبوۆو اۋىلىنان تابىلىپتى. قارانيەتتىلەر اۋىلدى جەرلەردە تەكسەرىس از بولاتىنىن ەسكەرىپ, ءبىر ءۇيدى ارنايى جالداپ الىپ, ەسىرتكى دايىنداعان. كەپتىرەتىن, قۇرعاتاتىن ارناۋلى قۇرالدارى, تارازىلارى مەن كولبالارى, ءتىپتى قىشقىلدان ساقتاندىراتىن ارناۋلى كوستيۋمدەرىنە دەيىن بولعان. اۋىل ادامدارى ولاردىڭ نەمەن اينالىسىپ جاتقانىن قايدان ءبىلسىن, تەك ءبىر ەرەكشە وتكىر يىستەردىڭ شىعاتىنىنا عانا كۇدىكتەنىپ, پوليتسياعا حابارلاعان. ارناۋلى وپەراتسيا بارىسىندا قىلمىستى «ىسمەرلەر» تەگىس ۇستالىپ, ولاردان 3 كيلوگرامنان ارتىق سينتەتيكالىق ەسىرتكى الىنعان. ونىڭ ءبارىن 50 مىڭ قالتاشاعا ءبولىپ سالىپ تا قويعان ەكەن.
بىلتىرعى قاراشا ايىندا بولعان سوت وسى قىلمىستىق ۇيانى ۇيىمداستىرۋشىنى 16 جىلعا باس بوستاندىعىنان ايىردى. قالعاندارى دا 11-15 جىلدار اراسىندا جازاسىن الدى.
مىنە, وسىنداي فاكتىلەر ەسىرتكىگە قارسى كۇرەستى بەلسەندى جۇرگىزۋدى تالاپ ەتىپ وتىر. قازىر ەسىرتكىمەن بايلانىستى قىلمىستاردىڭ جازاسى قاتاڭداتىلدى. ەسىرتكى ساتۋمەن اينالىسقان ادام ەڭ كەمى 10 جىلدان 20 جىلعا دەيىن قامالۋى مۇمكىن. بىلتىر وبلىستا 120 ادام وسى قىلمىس تۇرىمەن سوتتالدى. ەسىرتكىنى جارنامالاۋ مەن ناسيحاتتاۋ دا بۇرىنعىداي اكىمشىلىك جازا ەمەس, باس بوستاندىعىن ايىرۋ جازاسىنا كەسىلەتىن بولدى. قالاداعى بارلىق پيك توراعالارى ۇيلەردىڭ كىرەبەرىستەرىنە ەسىرتكىنى قايدان الۋعا بولاتىنىن استارلاپ جازعان گراففيتتەردى ايىراتىن بولدى. ول ءۇشىن ەسىرتكىگە قارسى كۇرەس باسقارماسى پيك توراعالارىنىڭ ءبارىن جيناپ بىرنەشە رەت وقۋ-سەمينارلارىن وتكىزدى. سونىڭ ارقاسىندا گراففيتتەردىڭ سانى قازىر ءبىرشاما ازايدى. كىرەبەرىستەردەن گراففيتتى كورگەن توراعا ۆاتساپ ارقىلى ارناۋلى چاتقا بىردەن حابارلايدى. سونىمەن قاتار ەسىرتكىگە قارسى «رەفلەكس», «پاۋتينا», «دارمەك», «ترانزيت», «كانال-گرانيت باستيونى», «قاراسورا» اتتى بىرنەشە جەدەل-پروفيلاكتيكالىق وپەراتسيالار جۇرگىزىلگەن. وسىنداي بارلىق جۇرگىزىلگەن شارالاردىڭ سانى 267, وعان 15 مىڭنان ارتىق ادام قاتىستىرىلعان. بىراق سونىڭ وزىندە ناشاقورلار سانى ارتىپ وتىرعانىن جوعارىدا ايتتىق. دەمەك, ءىس-شارالاردىڭ تيىمدىلىگىن ءالى دە ارتتىرا ءتۇسۋ كەرەكتىگى سۇرانىپ تۇر.
سولتۇستىك قازاقستان وبلىسى
