بۇل تۋرالى ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, تاريح عىلىمدارىنىڭ دوكتورى, زيابەك قابىلدينوۆ الەۋمەتتىك جەلىدەگى پاراقشاسىندا جازدى.
امانگەلدى قۇسايىن ۇلى 1942 جىلى 29 جەلتوقساندا پاۆلودار وبلىسى ەرتىس اۋدانى ۇلگىلى اۋىلىندا دۇنيەگە كەلگەن.
1960 جىلى ەڭبەك جولىن ورتا مەكتەپ مۇعالىمى بولىپ باستاعان ول, س.م. كيروۆ اتىنداعى قازاق مەملەكەتتىك ۋنيۆەرسيتەتىن ءبىتىرىپ الماتى مەديتسينا ينستيتۋتىندا وقىتۋشى قىزمەتىندە ىستەگەن.
كەيىن پارتيا قىزمەتىنە اۋىسىپ الماتى قالاسى سوۆەت اۋداندىق كوميتەتىنىڭ اپپاراتىندا, ودان سوڭ قازاق مەملەكەتتىك ۋنيۆەرسيتەتىنىڭ اسپيرانتى, اسسيستەنتى, اعا وقىتۋشىسى, دوتسەنت, پرورەكتور, اعا عىلىمي قىزمەتكەر, پروفەسسور بولىپ قىزمەتتەرىن اتقارعان.
1992-1996 جج. س.سەيفۋللين اتىنداعى اقمولا ۋنيۆەرسيتەتىنىڭ, 1996-2000 جىلدارى - ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى قىزمەتىن اتقارىپ, باسشى رەتىندە ۋنيۆەرسيتەتتىڭ عىلىمي-پەداگوگيكالىق, ماتەريالدىق – تەحنيكالىق پوتەنتسيالىن نىعايتۋدا ۇلكەن قايراتكەرلىك كورسەتتى.
2000-2004 جىلدارى قر جوعارعى اتتەستاتسيالىق كوميسسياسىنىڭ توراعاسى.
2004-2007 جىلدارى – ى.التىنسارين اتىنداعى قازاق ءبىلىم اكادەمياسىنىڭ پرەزيدەنتى بولدى.
ال 2007 جىلدان ەۋرازيا گۋمانيتارلىق ينستيتۋتىنىڭ رەكتورى بولعان ەدى.
