پرەزيدەنت • 17 اقپان، 2022

پرەزيدەنت ادىلەت ءمينيسترى قانات ءمۋسيندى قابىلدادى

82 رەت كورسەتىلدى

پرەزيدەنتكە مينيسترلىكتىڭ بىلتىرعى اتقارعان جۇمىستارىنىڭ ناتيجەلەرى مەن 2022 جىلى ءمان بەرىلەتىن باسىم باعىتتار جونىندە باياندالدى. بيىل 26 زاڭ جوباسى ازىرلەنىپ، پارلامەنت قاراۋىنا ەنگىزىلەدى دەپ جوسپارلانۋدا، دەپ جازادى Egemen.kz اقورداعا سىلتەمە جاساپ.

قاسىم-جومارت توقاەۆقا مەملەكەت مۇددەسىنىڭ قازاقستاندىق جانە حالىقارالىق سوتتاردا قورعالۋىن قامتاماسىز ەتۋ جونىندە مالىمەت بەرىلدى. قازىرگى ۋاقىتتا مينيسترلىك 25 ءىس بويىنشا مەملەكەت مۇددەسىن قورعاۋ جۇمىستارىن جالعاستىرۋدا. اتاپ ايتقاندا، ولاردىڭ 14-ءى حالىقارالىق اربيتراجداردىڭ، 5-ءۋى شەتەلدىك سوتتاردىڭ قاراۋىندا جاتىر، 6 ءىس سوتقا دەيىنگى وندىرىستە.

سونىمەن قاتار قانات مۋسين سوت اكتىلەرىنىڭ ورىندالۋىنا قاتىستى جاعداي مەن حالىققا زاڭگەر كومەگىنىڭ بەرىلۋى جونىندە ەسەپ بەردى. ادىلەت ءمينيسترىنىڭ ايتۋىنشا، 122 مىڭنان استام ازامات كەپىلدەندىرىلگەن زاڭ كومەگىن العان، وسى ماقساتتا 1،8 ميلليارد تەڭگە بولىنگەن. الەۋمەتتىك جاعدايى تومەن 11 مىڭنان استام ادام زاڭگەر كومەگىن تەگىن العان.

پرەزيدەنت ادىلەت مينيسترلىگىنىڭ 2022 جىلعا ارنالعان جوسپارىمەن تانىسقاننان كەيىن ازىرلەنىپ جاتقان نورماتيۆتىك-قۇقىقتىق اكتىلەردىڭ ساپالى ورىندالۋىن قامتاماسىز ەتۋگە، سونداي-اق ازاماتتاردىڭ قۇقىعى مەن بوستاندىعىن قورعاۋعا باعىتتالعان زاڭگەرلىك قىزمەت كورسەتۋ ىسىنە ەرەكشە نازار اۋدارۋدى تاپسىردى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار