وزەكتى ماسەلەلەر تالقىلاندى

قازاقستان پرەزيدەنتى نۇرسۇلتان نازارباەۆ امەريكا قۇراما شتاتتارىنىڭ پرەزيدەنتى باراك وبامامەن كەزدەستى. كەزدەسۋ بارىسىندا­ مەملە­­­­­­كەت­­ باسشىلارى ەكى­­­جاق­تى­­­­ ساۋ­­­دا-ەكونوميكالىق قا­­رىم-قاتى­ناستار­­­­دى ودان ءارى نى­­عايتۋ جانە دامىتۋ ماسەلەلەرىن تال­­قى­لادى. نۇرسۇلتان نازارباەۆ قازاق­ستاندا امەريكالىق بيزنەس­پەن بىرلەسكەن 300-دەي كاسىپورىن ءوز قىزمەتىن جۇزەگە اسىرىپ وتىرعانىن, بۇل ساۋدا-ەكو­نو­مي­كالىق سالاداعى قارقىندى ىنتىماقتاستىقتى كورسەتەتىنىن اتاپ ءوتتى. قازاقستان پرەزيدەنتى ءما­لىمدەگەندەي, اقش – ەلى­مىز ەكو­نوميكاسىنىڭ ءىرى ينۆەس­تور­لارىنىڭ ءبىرى. قازاقستان باسشىسى ءبىزدىڭ رەسپۋبليكامىز امەري­كا كوم­پا­نيالارىنىڭ يندۋستريا­لىق-يننو­ۆاتسيالىق دامۋ باعدار­لاما­سىنا بەلسەنە اتسالىسۋىنا مۇددەلى ەكەنىن ايتتى. بۇعان قوسا, كەلىسسوزدەر كەزىندە قازاقستاننىڭ دۇنيەجۇزىلىك ساۋ­دا ۇيىمىنا كىرۋ تاقىرىبى دا قاراستىرىلدى جانە حالىقارالىق كۇن ءتارتىبىنىڭ وزەكتى ماسەلەلەرى تالقىلاندى. اقش پرەزيدەنتى قازاقستاننىڭ يادرولىق قارۋسىزدانۋ ىسىنە زور ۇلەس قوسقانىن, ءبىزدىڭ ەلىمىز بۇل سالادا بارلىق مەملەكەتتەرگە ۇلگى بولىپ تابىلاتىنىن اتاپ كورسەتتى. سونىمەن قاتار, باراك وباما اۋعانستانداعى جاعدايدى تۇ­راق­­تاندىرۋ ءۇشىن قازاقستاننىڭ كور­سەت­كەن كومەگىنە العىسىن ءبىلدىردى.