قازىر اراگىدىك «اتامەكەندى» دە رەفورمالاۋ تۋرالى اڭگىمە ايتىلىپ ءجۇر. بىراق پالاتانىڭ باسقارما توراعاسى ابىلاي مىرزاحمەتوۆ «اتامەكەننىڭ» تسيفرلى باعىتتاعى ترانسفورماتسياسى 2018 جىلى باستالعانىن جەتكىزدى. «بيزنەسكە ارنالعان ۇكىمەت» تسيفرلى ەكوجۇيەسى – سول ۋاقىتتان بەرى جۇرگىزىلگەن جۇمىستىڭ ناتيجەسى.
– بۇل پلاتفورما ارقىلى كاسىپكەرلەر ء«بىر تەرەزە» قاعيداتى بويىنشا 600-دەن استام مەملەكەتتىك قىزمەتتى الا الادى. ۇلتتىق پالاتانىڭ قولداۋى مەن قىزمەتتەرى دە وسىندا توپتاستىرىلعان. بيىل جاڭا جۇيەگە قولداۋعا مۇقتاج شاعىن جانە ميكرو بيزنەستىڭ 1 ملن-نان اسا سۋبەكتىسىن ەنگىزۋدى جوسپارلاپ وتىرمىز. مۇنداي الاڭنىڭ ءبىزدىڭ ەلدە بالاماسى جوق. پلاتفورمانى قولدانۋ وڭاي ءارى ىڭعايلى. وسى جىلدىڭ 1 ساۋىرىنەن باستاپ كاسىپكەرلەردىڭ ءبىر توبى پلاتفورمادا تەستىلەۋ رەجىمىندە جۇمىس ىستەپ كورە الادى, – دەدى ا.مىرزاحمەتوۆ.
تسيفرلى ەكوجۇيە شامامەن 1,5 ملن بيزنەس سۋبەكتىسىن (ونىڭ 83 پايىزى شاعىن بيزنەس), جەكە قوسالقى شارۋاشىلىقتاردى, كاسىبىن جاڭا باستاعان كاسىپكەرلەردى قامتيدى. بىرىڭعاي تسيفرلى تەرەزەدە كەلەسىدەي قىزمەتتەر كورسەتىلەدى: مەملەكەتتىك قىزمەتتەر مەن قولداۋ شارالارى (364 مەملەكەتتىك قىزمەت, 248 قارجىلاي, م ۇلىكتىك جانە قارجىلاي ەمەس كومەك, ينفراقۇرىلىمدىق قولداۋ شارالارى); «اتامەكەننىڭ» قىزمەتتەرى (70-تەن استام زاڭنامالىق فۋنكتسيا: نقا ساراپتاماسى, قورعاۋ, سەرتيفيكاتتاۋ); كوممەرتسيالىق سەرۆيستەر (ERP-پلاتفورما, CRM جۇيەسى, ەسكروۋ كەلىسىمشارتتار, ونلاين-كاسسا, B2B ترانزاكتسيالارى, B2C, ماركەتپلەيستەر).
پورتالدى قولدانۋ ءۇشىن «بيزنەسكە ارنالعان ۇكىمەت» سايتىندا ەلەكتروندى تسيفرلى قولتاڭبا (ەتسق) ارقىلى ءبىر رەت تىركەۋدەن ءوتۋ كەرەك, egov, elicense, online.damu.kz سەكىلدى مەملەكەتتىك قولداۋ شارالارىن ۇسىناتىن سەرۆيستەردى پورتالدان شىقپاي-اق پايدالانۋعا بولادى. سونداي-اق مۇندا 4 ساتىپ الۋ الاڭىن پايدالانۋ مۇمكىندىگى قاراستىرىلعان. كاسىپكەرلەرگە مەملەكەتتىك قىزمەتتەر, «اتامەكەننىڭ» قولداۋ شارالارى مەن سەرۆيستەرىن قوسا العاندا 632 سەرۆيس قولجەتىمدى بولادى. بۇعان قوسا پورتالدى 215 اقپاراتتىق جۇيەمەن جانە دەرەكتەر بازاسىمەن ينتەگراتسيالاۋ جوسپارلانعان.
– ەكوجۇيە كاسىپكەرلەردىڭ ءومىرىن جەڭىلدەتەدى. ويتكەنى كاسىپتى ەندى قولعا العان ادام نەدەن باستاۋ, كىمگە جۇگىنۋ كەرەگىن بىلمەي جاتادى. ءبىز كاسىبىمىزدى جەكە قوسالقى شارۋاشىلىعىمىزدان باستادىق. قازىر اسىل تۇقىمدى مال باسىن ساتىپ الۋدى جوسپارلاپ وتىرمىز. ءبىز ءۇشىن پورتالدا قولداۋ شارالارى, سۋبسيديا بويىنشا كوپ پايدالى اقپارات بولادى دەپ ويلايمىز. مۇنداي پلاتفورمانىڭ ازىرلەنگەنى وتە دۇرىس, – دەيدى «الماجاي» جشس-ءنىڭ ديرەكتورى گۇلميرا ماۋسىمباەۆا.
ا.مىرزاحمەتوۆ تۇسىندىرگەندەي, كاسىپكەرلەر قانداي دا ءبىر اقپارات الۋ ءۇشىن ينتەرنەتتى شارلاپ, ۋاقىت جوعالتپايدى. جۇمىستىڭ ءبارى كاسىپكەردىڭ جەكە كابينەتىندە جۇرگىزىلەدى. ءاربىر پايدالانۋشىعا ونىڭ سۇراۋىنا قاراي سالا, قىزمەت ءتۇرى, بيزنەس نىسانى جانە قاجەتتىلىك نەگىزىندە جەكە اتاۋلى قىزمەتتەر ىرىكتەلەتىن بولادى. بۇدان باسقا بيزنەسمەننىڭ نورماتيۆتىك-قۇقىقتىق اكتىلەردى ساراپتاۋعا تىكەلەي قاتىسۋعا, بيزنەس-پەتيتسيالاردى ىسكە قوسۋعا, مەملەكەتتىك ورگاندار مەن ۇلتتىق پالاتادان الىنعان شەشىمدەرگە شاعىم جاساۋعا مۇمكىندىگى بار.
– شاعىن بيزنەس وكىلدەرىندە ۇرەي باسىم. ويتكەنى شاعىن بيزنەس كومەك الۋعا ادەتتەنبەگەن. ءبىز جۇمىس ىستەۋگە ەشكىم كەدەرگى كەلتىرمەسە ەكەن دەيمىز. تالاپ-تىلەگىمىزدى ۇكىمەتكە جەتكىزۋگە تىرىسىپ جاتىرمىز. بۇل رەتتە جاڭا پلاتفورما كاسىپكەردى مازالايتىن ناقتى ماسەلەنى جوعارى جاققا جەتكىزۋگە كومەكتەسەدى دەپ سەنەمىن. پلاتفورمادا سوت شەشىمدەرىنىڭ بازاسى بولسا دەگەن تىلەك بار. ويتكەنى ءار اۋداندا ۇقساس ماسەلەلەر بويىنشا ءتۇرلى شەشىم قابىلدانۋى مۇمكىن ەكەنىن جاقسى بىلەمىز. سونداي-اق نورماتيۆتىك-قۇقىقتىق اكتىلەر ءۇشىن داۋىس بەرۋگە قاتىسۋ مۇمكىندىگى قاراستىرىلعانىنا قۋانىشتىمىز. سەبەبى قازىر جۇيە وتە كۇردەلى. ەگەر پلاتفورما ىڭعايلى بولسا, العا ىلگەرىلەۋ بولادى. ەلەكتروندى قۇجاتتاما دا ىڭعايلى بولسا دەگەن تىلەك بار. كاسىپكەرلەر گرانتتار, سۋبسيديالار جانە نەسيەلەر تۋرالى اقپاراتتى قينالماي السا نۇر ۇستىنە نۇر بولار ەدى, – دەيدى كاسىپكەر مارينا بوشەل.
پورتالدا جەكە كابينەتتى زاڭدى تۇلعالار مەن ولاردىڭ فيليالدارى, جەكە كاسىپكەرلەر, شارۋا جانە فەرمەرلىك قوجالىقتار, ءوزىن ءوزى جۇمىسپەن قامتىعان جەكە تۇلعالار, قاۋىمداستىقتار مەن وداقتار قۇرا الادى. ىڭعايلى بولۋى ءۇشىن جەكە كابينەتتە جەكە مەنەدجەر ارقىلى ماسەلەنى نەمەسە سۇراقتى جەدەل شەشۋگە ارنالعان تەرەزە بار. سونىمەن قاتار جول نۇسقاۋشى قىزمەتى دە ۇسىنىلعان. بارلىق قىزمەتتى كومپيۋتەردەن دە, ءموبيلدى نۇسقاسىنان دا الۋعا بولادى.
– بۇل جەردەگى ەڭ باستى ماسەلە – اشىقتىق. كاسىپكەردىڭ بارلىق جەكە دەرەگى ساقتالىپ تۇرادى. سونىمەن قاتار تسيفرلى وپەراتسيالاردىڭ ساقتالعان دەرەكتەرى بويىنشا بيزنەس يەسى قانداي دا ءبىر شەشىمگە ارىزدانىپ, وعان قىزمەت كورسەتكەن بىلىكسىز قىزمەتكەرگە شاعىمدانا الادى. شاعىم كونسترۋكتورىنىڭ كومەگىمەن نەمەسە 1432 كولل-ورتالىعىنا جۇگىنۋ ارقىلى وتىنىشكە جاۋاپتىڭ قايتارىلماعانى تۋرالى حابارلاۋعا مۇمكىندىك بار, دەيدى ا.مىرزاحمەتوۆ.
