قىزىلوردا وبلىسى جاڭاقورعان اۋداندىق پروكۋراتۋراسى اۋداندىق ىشكى ىستەر ءبولىمى قابىلداعان اكىمشىلىك قۇقىق بۇزۋشىلىق تۋرالى قاۋلىلارىنىڭ زاڭدىلىعىن تەكسەرۋ بارىسىندا «اكىمشىلىك قۇقىق بۇزۋشىلىق تۋرالى» كودەكستىڭ تالاپتارى بۇزىلعاندىعىن انىقتادى.
كودەكستىڭ 599-بابى 2-تارماعىندا پروكۋرور كامەلەتكە تولماعان ادام جاساعان اكiمشiلiك قۇقىق بۇزۋشىلىق تۋرالى iستiڭ قارالاتىن ورنى مەن ۋاقىتىن, سونداي-اق اكiمشiلiك قاماۋعا الۋعا اكەپ سوعاتىن قۇقىق بۇزۋشىلىق تۋرالى حاباردار ەتەتىنى ايتىلعان. ول بولماعان كەزدە, مۇنداي iس تەك iستiڭ قارالاتىن ورنى مەن ۋاقىتى تۋرالى پروكۋرورعا دەر كەزiندە حابارلانعاندىعى تۋرالى دەرەكتەر بولعان جانە ودان iستi قاراۋدى كەيiنگە قالدىرۋ تۋرالى ءوتiنiش تۇسپەگەن جاعدايدا عانا قارالۋى مۇمكiن.
كودەكستىڭ 649-بابىندا سۋديا, ورگان (لاۋازىمدى ادام) اكىمشىلىك ءىستى قاراۋ كەزىندە اكىمشىلىك قۇقىق بۇزۋشىلىق جاسالعانىن, وسى ادامنىڭ سونى جاساۋعا كىنالىلىگىن, ونىڭ ول اكىمشىلىك جاۋاپتىلىققا جاتاتىنىن, جاۋاپتىلىقتى جەڭىلدەتەتىن جانە اۋىرلاتاتىن ءمان-جايلاردىڭ بولۋىن, م ۇلىكتىك زالال كەلتىرىلگەنىن انىقتاۋعا, سونداي-اق ءىستى دۇرىس شەشۋ ءۇشىن ماڭىزى بار باسقا دا ءمان-جايلاردى انىقتاۋعا مىندەتتى ەكەندىگى كەلتىرىلگەن.
كودەكستىڭ 589-بابى 1-تارماعىنىڭ 1) تارماقشاسىندا اكىمشىلىك قۇقىق بۇزۋشىلىق تۋرالى ءىس جۇرگىزۋگە اكiمشiلiك جاۋاپقا تارتىلۋشى ادام كامەلەتكە تولماعان بولسا, قورعاۋشىنىڭ قاتىسۋى مiندەتتi دەلىنسە, كودەكستىڭ 586-بابى 6-تارماعىندا ون سەگiز جاسقا تولماعان ادام جاساعان اكiمشiلiك قۇقىق بۇزۋشىلىق تۋرالى iس قارالعان كەزدە ونىڭ زاڭدى وكiلiنiڭ قاتىسۋى مiندەتتi ەكەنى اتاپ كورسەتىلگەن. كامەلەتكە تولماعان ادامنىڭ زاڭدى وكiلi كەلۋدەن جالتارعان جاعدايدا وعان iشكi iستەر ورگانىنىڭ (پوليتسيانىڭ) الىپ كەلۋi قولدانىلۋى مۇمكiن ەكەنى كورسەتىلگەن.
دەسەك تە, تەكسەرۋ بارىسىندا اۋداندىق ىشكى ىستەر ءبولىمى لاۋازىمدى قىزمەتكەرلەرىنىڭ اتالعان كودەكس تالاپتارىن ورىنداماي, اكىمشىلىك ىستەردى قاراۋدا زاڭ بۇزۋشىلىقتارعا جول بەرگەنى انىقتالدى. اتاپ ايتقاندا, جاڭاقورعان اۋداندىق ءىىب-ءنىڭ ينسپەكتورى ب.مىرزاباەۆ 2013 جىلعى 6 تامىزدا جاسى كامەلەتكە تولماعان ە.سادىققا كودەكستىڭ 377-بابى 1-بولىگىمەن اكىمشىلىك قۇقىق بۇزۋشىلىق تۋرالى حاتتاما تولتىرعان. وسىعان وراي اۋداندىق ءبولىم باستىعىنىڭ ورىنباسارى ب.ابۋباكىروۆ وعان ەكى ايلىق ەسەپتىك كورسەتكىش مولشەرىندە, ياعني 3462 تەڭگە ايىپپۇل سالعان. كوپ ۇزاماي ايىپپۇل ءوندىرىلىپ الىنعان.
بۇل جەردە ىشكى ىستەر ورگاندارىنىڭ قىزمەتكەرلەرى اتالمىش ءىستى قاراۋ كەزىندە زاڭ تالاپتارىن وركەسكەل بۇزىپ العان. اتاپ ايتقاندا, ءىستىڭ جايىن پروكۋرورعا حابارلاماعان, ايىپتالۋشىعا قورعاۋشى مەن زاڭدى وكىلدىڭ قاتىسۋىن قامتاماسىز ەتپەگەن, اقىرىندا كامەلەتكە تولماعان جاسوسپىرىمگە نەگىزسىز ايىپپۇل سالعان.
اۋداندىق ىشكى ىستەر ءبولىمى مۇنداي زاڭسىز ارەكەتتى تاعى ءبىر كامەلەتكە جاسى تولماعان ءجاسوسپىرىم ا.ماتكۋياپوۆقا قاتىستى دا جاساعان. ءبولىم باستىعىنىڭ ورىنباسارى د.تۇراباەۆ ونى قورعاۋشىنىڭ قاتىسۋىنسىز جاۋاپقا تارتىپ, كودەكستىڭ 394-بابى 1-بولىگىمەن وعان ون ايلىق ەسەپتىك كورسەتكىش مولشەرىندە, ياعني 17 310 تەڭگە ايىپپۇل سالعان. وسى تەكتەس ورەسكەل زاڭسىزدىقتارعا يۋۆەنالدى پوليتسيا ينسپەكتورلارى س.بۇرگەنباەۆا مەن ءا.نىسانباەۆ تا, ۋچاسكەلىك پوليتسيا ينسپەكتورى ب.قالاباەۆ تا جول بەرىپ قويعان. ولار كودەكستىڭ 333-بابى 1-بولىگىمەن جاسى كامەلەتكە تولماعان گ.جاليبەك, ا.قالداربەك, ا.بەكتۇرعان, ب.بالعاباي, ا.اينازارعا قاتىستى اكىمشىلىك قۇجاتتارىن تولتىرعان. بۇلاردا دا جوعارىداعىداي زاڭ بۇزۋشىلىقتار ورىن العان.
وسىعان سايكەس جاڭاقورعان اۋداندىق پروكۋراتۋراسى جوعارىدا اتتارى اتالعان جاسى كامەلەتكە تولماعاندارعا قاتىستى اكىمشىلىك جازا قولدانۋ قاۋلىلارىنىڭ كۇشىن جويۋ جونىندە نارازىلىق كەلتىرىلدى. ولاردىڭ قاراۋ قورىتىندىسىمەن زاڭسىز قابىلدانعان قاۋلىلاردىڭ كۇشى جويىلدى.
رۋسلان ءپىرنازار,
جاڭاقورعان اۋداندىق پروكۋرورىنىڭ كومەكشىسى.
قىزىلوردا وبلىسى
.
