بىرنەشە پىشاق جاراقاتى سالىنعان 30 جاستاعى ەر ادامنىڭ ءمايىتى 5 اقپان كۇنى برۋسيلوۆسكي كوشەسىندەگى جىلۋ تراسساسىنىڭ قۇدىعىنان تابىلدى.
وقيعا ورنىنا پەتروپاۆل قالالىق پوليتسيا باسقارماسى جەدەل-تەرگەۋ توبىنىڭ قىزمەتكەرلەرى باردى. جۇرگىزىلگەن تەرگەۋ امالدارى ارقىلى قىلمىسقا تۇرعىلىقتى جەرى جوق 40 جاستاعى ايەلدىڭ قاتىسى بارى انىقتالدى. جەدەل-تەرگەۋ ءىس-شارالارى شەڭبەرىندە بىرەر كۇن بۇرىن ولار قۇدىقتىڭ ىشىندە سپيرتتىك ىشىمدىكتى ءىشىپ وتىرعانى بەلگىلى بولدى.
اتالعان فاكتى قر قىلمىستىق كودەكسىنىڭ 99-بابى 1-بولىگى (ادام ءولتىرۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. كۇدىكتى پەتروپاۆل قالالىق پوليتسيا باسقارماسىنىڭ ۋاقىتشا قاماۋدا ۇستاۋ يزولياتورىنا قامالدى.
