نىساننىڭ ۇزىندىعى 13 مەتردى, بيىكتىگى 1,9 مەتردى قۇرايدى. بەكىرەنىڭ جاقتاۋى مەتالدان, سىرتقى بولىگى ءوز تەحنولوگياسىنا سايكەس ارماتۋرالانعان شىنى ماتانى قولدانا وتىرىپ جاسالعان. ديزاين پوليەفير شايىرىمەن قورعالعان, كوركەم كەسكىندەمە مايلى بوياۋمەن جاسالعان جانە ارنايى لاكپەن قورعالعان.
تەڭىز جاعالاۋىنا بەكىرە ينستاللياتسياسىنىڭ يدەيا اۆتورلارى ورنالاستىرىلۋ سەبەبىن بۇل بالىق ءتۇرىنىڭ دۇنيە جۇزىندەگى جالپى كولەمىنىڭ 80%-دان استامى حح عاسىردىڭ ءبىرىنشى جارتىسىندا كاسپي اۋماعىن مەكەندەگەندىگىمەن تۇسىندىرەدى. قازىر بۇل ءتۇر شەكتەن تىس ونەركاسىپتىك اۋلاۋ سالدارىنان جويىلۋ الدىندا تۇر. 2001 جىلى كاسپي الابىنداعى ءتورت ەل – قازاقستان, رەسەي, ازەربايجان جانە تۇرىكمەنستان بەكىرە تۇقىمداس بالىقتاردى اۋلاۋعا ۋاقىتشا موراتوري قابىلدادى. موراتوري بىرىككەن ۇلتتار ۇيىمىنىڭ ۇسىنىمىمەن جويىلۋ قاۋپى تونگەن تۇرلەردىڭ حالىقارالىق ساۋداسى تۋرالى كونۆەنتسيا نەگىزىندە ەنگىزىلگەن.
كوپتۇستى ءمۇسىن ناقىشىندا جاسالعان جانە كوركەم كەسكىندەمەمەن بەزەندىرىلگەن بۇل ينستاللياتسيا بىرەگەي جانۋارلار الەمىنە قامقورلىقپەن قاراۋدىڭ ماڭىزدىلىعىنىڭ نىشانى رەتىندە ورناتىلدى.
ماڭعىستاۋ وبلىسى
