بالانىڭ قاڭعىباس, كەزبە بولۋىنىڭ ءوزى كوبىنەسە اتا-انالاردىڭ قىراعىلىعىنىڭ تومەندىگىنەن بولادى. ارينە, جۇمىسباستىلىق, بالالارعا قارايتىن ۋاقىتتىڭ تاپشىلىعى – بالانىڭ ەركىنسۋىنە, قىدىرىمپازدىققا ۇشىراۋىنا سوقتىرارى ءسوزسىز. قازىرگى بالالاردى بۇرىنعىداي ۇيگە قاماپ قويۋ دا قيىن. سونىمەن بىرگە جاس بالاعا سەلكەۋسىز سەنىم ارتىپ, ونى ءوز بەتىمەن قىدىرۋعا نەمەسە ءبىر جەرگە جولاۋشىلاتىپ جىبەرۋ دە ارتىنان قايعىلى جاعدايلارعا سوقتىرىپ جاتادى. مىسالى, پەتروپاۆلدىق ءبىر ايەل 10 جاسار بالاسىن قالانىڭ باسقا شەتىندە تۇراتىن اجەسىنە جالعىز جىبەرگەن. ءبىراز ۋاقىتتان كەيىن بالانىڭ كوزدەگەن جەرىنە جەتپەگەنىن ءبىلىپ, ايەلدىڭ ق ۇلىنداعان جانى قۇراققا ۇشادى. سويتسە, بالا اجەسىنىڭ ءۇيىنىڭ ماڭىنا جەتكىزەتىن اۆتوبۋستىڭ ءنومىرىن شاتاستىرىپ, باسقا باعىتقا وتىرىپ كەتىپ قالعان ەكەن. اياعىنان تىك تۇرعان پوليتسيا كەزەكشىلىكتە جۇرگەن وزدەرىنىڭ بارلىق ەكيپاجىن كوتەرىپ, بالانى ەكى ساعاتتان كەيىن تاۋىپ بەرگەن.
مىناداي وقيعا دا ءجيى قايتالانادى. اقپاننىڭ 7-ءسى كۇنى ءبىر بالاقاي جاتتىعۋدان كەيىن ۇيىنە ۋاقىتىندا كەلمەي قالعان, تەلەفون قوڭىراۋلارىنا جاۋاپ بەرمەگەن. ونىڭ اناسى سىنىپتاسىنىڭ اتا-اناسىنا حابارلاسادى. ولار «گدە موي دەتي؟» ءموبيلدى قوسىمشاسىن پايدالانادى ەكەن, سول باعدارلاما بويىنشا بالاسىنىڭ قازاقستان كونستيتۋتسياسى كوشەسى بويىنداعى سىرعاناقتا بولعانىن, كەيىن بايلانىس ۇزىلگەنىن بىلەدى. يۋۆەنالدىق پوليتسيا قىزمەتكەرلەرى وسى مالىمەتكە سۇيەنىپ, سول توڭىرەكتى شولۋعا كىرىسكەن. بالالاردىڭ جاقىن ماڭداعى ساۋدا نۇكتەلەرىنە جىلىنۋعا كىرۋلەرى مۇمكىن دەگەن ويلارى دۇرىس بولىپ شىعادى. بالالار وسى جەردەگى سۋپەر-ماركەتتىڭ ىشىندە سايراڭداپ جۇرگەن جەرلەرىنەن تابىلدى. ويىنعا الدانىپ جۇرگەندە, تەلەفوندارىنىڭ قۋاتى دا تاۋسىلىپ قالعان ەكەن. بالاقايلار اتا-انالارىنا امان-ەسەن تابىستالدى.
باسقا بالالار دا وسى جولدارمەن تابىلدى. قالاداعى جالپى ءتارتىپتىڭ ساقتالۋىنىڭ ناتيجەسىندە ولارعا ەشكىم تيمەگەن, وزدەرى دە ەش بۇزاقىلىق جاساماعان.
ء«ار اتا-انا بالالارىنىڭ كوشەدە, دالادا قاۋىپتى ۇنەمى ويلاپ, ساق بولۋى كەرەكتىگى تۋرالى بالالارىمەن ءجيى اڭگىمەلەسۋى قاجەت. تەلەفوندارىنىڭ قۋاتى تولىق بولۋىن جانە دىبىسى قوسۋلى بولۋىن دا قاداعالاۋ قاجەت», دەيدى پەتروپاۆل قالالىق پب جپق ءبولىمى يۋۆەنالدىق پوليتسيا بولىمشەسىنىڭ باستىعى ەلميرا ابۋشەۆا.
پەتروپاۆل
