بيىل قاڭتار ايىندا تەمىر جول كولىگىمەن 10,3 ملن توننادان استام كومىر تاسىمالداندى. وتكەن جىلدىڭ ۇقساس كەزەڭىنە قاراعاندا ءوسىم 5%-دى قۇرادى. «قتج» ۇك» اق جەلىسى بويىنشا قازاقستاندىق تۇتىنۋشىلار ءۇشىن 7,3 ملن تونناسى جەتكىزىلىپ, جوسپار 105%-عا ورىندالدى. قاتتى وتىن ەكسپورتى 23%-عا ءوسىپ, 3 ملن تونناعا جەتتى.
الەۋمەتتىك ماڭىزى بار جۇكتەردى (استىق جانە كومىر) تاسىمالداۋ ءجىتى باقىلاۋدا. «قتج» ۇك» اق باستاماسىمەن كۇن سايىن ءىرى كوممۋنالدىق-تۇرمىستىق كومىر جونەلتۋشىلەر («شۇباركول كومىر» اق, «بوگاتىر كومىر» جشس, Tranco Nura جشس, «ۆوستوكۋگولپروم» جشس) جانە جەرگىلىكتى اتقارۋشى ورگاندار وكىلدەرىنىڭ قاتىسۋىمەن كەڭەستەر وتكىزىلەدى.
كومپانيادا كومىر تاسىمالداۋ بويىنشا جەدەل شتاب, ال جول بولىمشەلەرىندە جەدەل توپتار بار, ولار جۇك جونەلتۋشىلەردىڭ وتىنىمدەرىن قامتاماسىز ەتۋدى باقىلايدى, جەو جانە گرەس قويمالارىندا قاتتى وتىن قورىنىڭ قالدىقتارىن مونيتورينگىلەيدى. جۇك جونەلتۋشىلەر مالىمدەلگەن كولەمدەرگە سايكەس ۆاگوندارمەن قامتاماسىز ەتىلەدى.
تەمىرجولشىلار جىلىتۋ ماۋسىمىنا ءساتتى دايىندىق تاسىمالداۋشىعا عانا ەمەس, تاسىمالداۋ پروتسەسىنە قاتىسۋشىلاردىڭ ۇيلەسىمدى كۇش-جىگەرىنە دە بايلانىستى ەكەنىن ەسكە سالادى, دەپ حابارلادى «قازاقستان تەمىر جولى» ۇك» اق ءباسپاسوز قىزمەتى.
