الەم • 11 اقپان، 2022

كانادادا توتەنشە جاعداي رەجىمى جاريالاندى

66 رەت كورسەتىلدى

كاناداداعى الىس­قا قاتىنايتىن جۇك كولىك­تەرىنىڭ جۇرگىزۋ­شىلەرى باستاعان نارازى­لىقتىڭ جالعاسىپ جاتقانىنا ەكى اپتادان استى. ميتينگ ماسشتابىنىڭ ارتقانى سونشا ەلدەگى بىرقاتار كومپانيا جۇمىسىن توقتاتىپ، توتەنشە جاعداي رەجىمى جاريالاندى. اقش-تاعى الىسقا قاتىنايتىن جۇك كولىكتەرىنىڭ جۇرگىزۋشىلەرى دە ارىپتەستەرىنە قولداۋ ءبىلدىرىپ، الاڭعا شىقتى.

ەل استاناسى وتتاۆانىڭ مەرى دجيم ۋوتسون نارازىلىقتىڭ باقىلاۋدان شىققانىن، ال جينالعان حالىق سانى كۇتكەننەن كوپ ەكەنىن حابارلادى. ەل ۇكىمەتى ميتينگىنىڭ تۇرعىندار قاۋىپسىزدىگىنە نۇقسان كەلتىرۋى مۇمكىن دەگەن ويدا. بۇگىندە وتتاۆا ورتالىعى جابىلىپ، كولىك قوزعالىسى توقتاتىلعان. كەيبىر باسىلىمدار ناسىلدىك قاقتىعىستار دا بولعانىن حابارلايدى.

جۇك كولىگى جۇرگىزۋشىلەرىنىڭ اكتسياسى تەز ارادا كوۆيدتىك شەكتەۋلەرگە قارسى نارازىلىققا ۇلاستى. نارازىلىق بىلدىرۋشىلەر وتتاۆانىڭ ورتالىعىندا پارلامەنتتىك توبەنىڭ جانىنا جينالدى، ولار ەلدەگى بارلىق كارانتيندىك شەكتەۋدى الىپ تاستاۋدى تالاپ ەتتى. «كونۆوي» مۇشەلەرى پرەمەر-مينيستر دجاستين تريۋدو ۇكىمەتىنە دە نارازىلىق بىلدىرۋدە.

كانادالىق CFRA راديوستانساسىنا بەرگەن سۇحباتىندا د.ۋوتسون نارازىلىق بىلدىرۋشىلەر ءوز ءىس-ارەكەتتەرى باسقالارعا قالاي اسەر ەتەتىنىنە ءمان بەرمەيتىنىن ايتتى. مەردىڭ ايتۋىنشا، اۆتوموبيل دابىلدارى، سيرەنالار مەن وتشاشۋلار كوشەلەردى قۇددى بي كەشتەرىنە اينالدىرىپ جىبەرگەن. ال بۇل تۇرعىنداردىڭ مازاسىن قاشىرىپ، بەرەكەسىن كەتىردى.

«ولاردىڭ قاسىندا ءبىزدىڭ داۋىسىمىز ەستىلمەيدى جانە بۇل شايقاستان ۇتىلۋىمىز مۇمكىن. الايدا ءوز قالامىزدى قالىپتى ومىرگە قايتارۋعا مىندەتتىمىز»، دەدى شاھار باسشىسى.

وتتاۆا پوليتسياسىنىڭ حابارلاۋىنشا، قالا بويىنشا كۇزەتكە قويىلعان جۇزدەگەن پوليتسيا قىزمەتكەرى سارسەنبىگە دەيىن 23 ادامدى قاماۋعا الدى. قاڭتاردىڭ 28-ىندە باستالعان نارازىلىق اكتسياسى سايابىرسيتىن ەمەس. وعان كورشىلەس ەلدەر دە قولداۋ ءبىلدىرىپ جاتىر. ال نارازىلار تالاپتارى ورىندالماسا، ءالى بىرنەشە اي استانا كوشەلەرىنەن كەتپەيتىنىن حابارلادى.

سوڭعى جاڭالىقتار

وزىق تەحنولوگيالى وپەراتسيالار

مەديتسينا • بۇگىن، 07:09

ماڭىزى زور مادەني جوبا

قوعام • بۇگىن، 07:07

قاراشاداعى قارا ولەڭ

قوعام • بۇگىن، 07:04

«سپارتاك» سان سوقتىرىپ كەتتى

حوككەي • بۇگىن، 07:02

كۋكۋشكين كۇشىنە ەندى

تەننيس • بۇگىن، 07:00

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار