بجزق سالىمشىلارى بەلگىسىز دەلدالداردىڭ الاياقتىعىنا تاپ بولعانىن حابارلادى. ولار وزدەرىن قور قىزمەتكەرلەرى رەتىندە تانىستىرىپ, تۇرعىن ۇيگە نەمەسە ەمدەلۋگە زەينەتاقى جيناقتارىن الۋعا كومەك بەرەتىندەرىن ايتقان. 30-عا جۋىق سالىمشى وسى زاڭسىز ارەكەتتەردىڭ قۇربانى بولدى.
بۇدان باسقا, الەۋمەتتىك جەلىلەر مەن مەسسەندجەرلەردە جىلجىمايتىن م ۇلىكتى زەينەتاقى جيناقتارى ەسەبىنەن تۇتىنۋ كووپەراتيۆتەرى نەمەسە وزگە دە كومپانيالار ارقىلى ساتىپ الۋ تۋرالى جالعان اقپارات تاراتىلادى.
زەينەتاقى جيناقتارىنىڭ ەڭ تومەنگى جەتكىلىكتىلىك شەگىنەن اساتىن بولىگىن تۇرعىن ءۇي مەن ەمدەلۋگە پايدالانۋ مۇمكىندىگى قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن ۋاكىلەتتى وپەراتورلار ارقىلى تەك ەلەكتروندىق فورماتتا ىسكە اسىرىلادى.
بۇگىنگى تاڭدا زەينەتاقى جيناقتارىنىڭ ءبىر بولىگىن تۇرعىن ءۇي جاعدايلارىن جاقسارتۋعا پايدالانۋعا وتىنىشتەر قابىلدايتىن ۋاكىلەتتى وپەراتورلار «وتباسى بانك» تۇرعىن ءۇي قۇرىلىس جيناق بانكى» اق, «قازاقستان حالىق بانكى» اق, «Altyn Bank» اق, «بانك تسەنتركرەديت» اق جانە «بانك فريدوم فينانس قازاقستان» اق بولىپ تابىلادى, ال زەينەتاقى جيناقتارىن ەمدەۋ ءۇشىن پايدالانۋعا «وتباسى بانك» تۇرعىن ءۇي قۇرىلىس جيناق بانكى» اق بىرىڭعاي وپەراتورى بولىپ تابىلادى.
بجزق زەينەتاقى جيناقتارىن پايدالانۋ ءۇشىن ءۇشىنشى تۇلعالارعا جۇگىنبەۋدى, بەيتانىس سايتتارعا كۇدىكتى سىلتەمەلەر بويىنشا وتپەۋدى, قاجەتتى اقپاراتتى تەك enpf.kz رەسمي سايتىنان عانا تەكسەرۋدى سۇرايدى.
