قالا اكىمى ەڭ الدىمەن الاتاۋ اۋدانىنا بارۋدى ءجون كورگەن. سەبەبى, اۋدان اكتيۆىندە ينجەنەرلىك جەلىلەردىڭ, جىلجىمايتىن م ۇلىك وبەكتىلەرىنىڭ اياقتالماعان قۇرىلىسىنا, جول جابىنىنىڭ بولماۋىنا جانە باسقا دا جيناقتالعان ماسەلەلەر بار.
«14-ءشى اۋماق» شاعىن اۋدانىنىڭ تۇرعىندارى سوت جوسىقسىز دەپ تانىعان مەردىگەر «كەرەگەتاس» جشس-نەن 2017 جىلدان باستاپ سۋمەن جابدىقتاۋ جانە كارىز بويىنشا جۇمىستاردىڭ اياقتالۋىن كۇتۋدە. اسىرەسە, جوندەۋ جۇمىستارىنىڭ اياقتالماعانى سالدارىنان جول جابىنىن قالپىنا كەلتىرۋ مۇمكىن ەمەستىگى ەرەكشە ايتىلدى. كوشپەلى كەڭەس بارىسىندا قالا باسشىسى ماسەلەنى شەشۋدىڭ نەگىزگى كەزەڭدەرىن انىقتادى. ينجەنەرلىك جەلىلەردىڭ قۇرىلىسىن اياقتاۋ جانە جول جابىنىن قالپىنا كەلتىرۋ بيىلعى جىلى جوسپارلانىپ وتىر.
مەگاپوليس باسشىسى «شاڭىراق-1» شاعىن اۋدانىنداعى سۋمەن جابدىقتاۋ جانە كارىز جەلىلەرىنىڭ قۇرىلىسىمەن تانىستى. بۇگىندە مۇندا 2460 جەكە مەنشىك ءۇي ورنالاسقان, ولاردا 21 800 ادام تۇرادى. كوشپەلى كەڭەس قورىتىندىسى بويىنشا وسى جىلى وتەمىسوۆ كوشەسىنە ورتاشا جوندەۋ جۇرگىزۋ تۋرالى شەشىم قابىلداندى. شاعىن اۋداندى سۋمەن جابدىقتاۋ جانە كارىز جەلىلەرىمەن تولىق قامتۋ ءۇشىن قالا اكىمى جوبالىق-سمەتالىق قۇجاتتامانى دايىنداۋدى جانە ينجەنەرلىك جەلىلەر قۇرىلىسىن 2022 جىلى اياقتاۋدى تاپسىردى. ينجەنەرلىك جەلىلەردى توسەگەننەن كەيىن بۇكىل شاعىن اۋداندا اسفالت جابىنى قالپىنا كەلتىرىلەدى.
ءىس-شارا بارىسىندا اكىم جانە تۇرعىنداردىڭ باستاماشىل توبى «حالىقتىق قاتىسۋ بيۋدجەتى» باعدارلاماسى اياسىندا قوعامدىق كولىك سانىن ارتتىرۋ مەن بالالار ويىن الاڭدارىن سالۋ ماسەلەلەرىن تالقىلادى.
