ء«سىزدىڭ جىلى جانە جايلى باسپانا تۋرالى ارمانىڭىزدى ءتۇرلى كەدەرگىلەر كۇل-تالقان ەتتى مە؟! راسىمەن, پاتەردەگى بولمەلەردى وزگەرتۋ نەمەسە قوسىمشا قابىرعا سالۋ ءۇشىن ءبىز ءۇش بىردەي بيۋروكراتيالىق كەدەرگىگە تاپ بولامىز (حقكو, تيب, اكىمدىك, ساۋلەت باسقارماسى جانە ت.ب.).
وسىعان بايلانىستى الەۋمەتتىك جەلىدەن دەلدالدىق قىزمەتتەر تۋرالى حابارلاندىرۋ تابۋعا بولاتىنىن ءبارى بىلەدى. سەبەبى ادامدار بيۋروكراتيادان قاجىعان. ناتيجەسىندە اتالعان ۇدەرىس اينالاسىندا ءتۇرلى كوررۋپتسيالىق سحەمالار پايدا بولدى.
تسيفرلىق ترانسفورماتسيا ورتالىعىندا ءبىز وسى پروتسەستى باسىنان اياعىنا دەيىن تالداپ, ءنورماتيۆتى-قۇقىقتىق بازالاردى زەرتتەپ, جان-جاقتى قاراستىرعاندا, مىنا جاعدايعا كوز جەتكىزدىك: ەگەر قايتا قۇرۋ ناتيجەسىندە ءۇي قۇلايتىن بولسا, قۇجاتتاردى قابىلدايتىن حقكو قىزمەتكەرى دە, ولشەم جاسايتىن جۇمىسشى دا, ساۋلەت باسقارماسى مەن اكىمدىك ماماندارى دا جاۋاپ بەرمەيدى! ياعني بۇل كىسىلەر - تەحنيكالىق پاسپورت بەرۋ پروتسەسىندە ارتىق ادامدار. سەبەبى بارلىق جاۋاپكەرشىلىك تەحجوسپاردى جاساعان ليتسەنزيالى جوبالاۋشىعا جۇكتەلگەن.
ءبىزدىڭ ۇسىنىسىمىز: بۇل پروتسەستەن مەملەكەتتىك ورگانداردىڭ قىزمەتكەرلەرىن الىپ تاستاۋ ارقىلى back-end بولىگىن مەملەكەتتىك سەرۆيستەرگە اۋىستىرۋ. ليتسەنزيالى جوبالاۋشىعا (ازاماتتىڭ كەلىسىمىمەن) جىلجىمايتىن م ۇلىكتەر بازاسىنا وزگەرىس ەنگىزىپ, تەحجوسپار نەگىزىندە تەحپاسپورتتى رەسىمدەۋگە مۇمكىندىك بەرۋ», دەپ جازدى مينيستر الەۋمەتتىك جەلىدەگى پاراقشاسىنا.
باعدات مۋسين كۇنى كەشە يندۋستريا جانە ينفراقۇرىلىمدىق دامۋ مينيسترىمەن جاڭا ۇدەرىستى تالقىلاعانىن ايتتى. ونىڭ بۇل يدەياسىن اتالعان مينيسترلىكتىڭ وكىلدەرى دە قولداعان. ەندى شۇعىل تۇردە نورماتيۆتىك جانە تەحنيكالىق ماسەلەلەردى شەشۋ عانا قالعانعا ۇقسايدى.
«ەگەر مەملەكەتتىك ورگانداردىڭ قانداي ءبىر ۇدەرىسىنە رەينجينيرينگ جاساۋ بويىنشا ۇسىنىستارىڭىز بەن قىزىقتى يدەيالارىڭىز بولسا, dtc@mdai.gov.kz ەلەكتروندىق پوشتاسىنا جولداي الاسىزدار», دەپ تۇيىندەدى ءسوزىن جازبا اۆتورى.
