ناقتىراق ايتساق, مانەرلەپ سىرعاناۋدان لاتۆيالىق مانەرلەپ سىرعاناۋشى دەنيس ۆاسيلەۆ قىسقا باعدارلامادا قازاقتىڭ ۇلى اقىنى ابايدىڭ «ايتتىم سالەم, قالامقاس» انىمەن ونەر كورسەتتى.
قازاق اقىنىنىڭ انىمەن مۇز ايدىنىندا قالىقتاعان ۆاسيلەۆ قىسقا باعدارلاما سايىسىندا 85,30 ۇپاي ەنشىلەپ, ازىرگە 7-ءشى ورىندا كەلەدى. ەندى ول 10 اقپاندا ەركىن باعدارلامادا سىنعا تۇسەدى.
دەنيس ۆاسيلەۆ وسىدان 4 جىل بۇرىن, ياعني 2018 جىلى ءبىرىنشى رەت پحەنچحان وليمپياداسىنا قاتىسقان بولاتىن. وندا ول جارىستى 19-ورىنمەن اياقتاعان. بەيجىڭ – ونىڭ ەكىنشى وليمپياداسى.
ازىرگە سپورتشىنىڭ نە ءۇشىن ابايدىڭ «ايتتىم سالەم, قالامقاس» ءانىن تاڭداعانى بەلگىسىز.
