ءفيلمنىڭ سيۋجەتى بوكەي ورداسىن 1823 جىلدان 1845 جىلعا دەيىن باسقارعان جاڭگىر حاننىڭ ءومىر تاريحى جايلى. سەريال وردانى باسقارۋدىڭ ىشكى پروتسەستەرى تۋرالى عانا ەمەس, سونىمەن بىرگە ماڭىزدى الەمدىك تاريحي وقيعالاردى قامتيدى. جوبا جاڭگىر حاننىڭ ءوزىنىڭ دە, باسقا دا تاريحي كەيىپكەرلەردىڭ كۇردەلى دە سان قىرلى تۇلعاسىن اشا تۇسەدى.
«ورىنبور جانە ۋفا قالالارى ءمۇفتيىنىڭ قىزى فاتيما حانشانىڭ حان ورداسىنا كەلىپ تۇسۋىمەن حيكاياداعى شىتىرمان وقيعالار جاڭا ءوpic الادى. حاندىقتىڭ سوڭعى جىلدارىندا يساتاي مەن ماحامبەتتىڭ تۇلعاسىنا قاتىستى شيەلەنىسكە تولى تاريحي وقيعالار دا قامتىلعان. بۇل وقيعالاردىڭ كوپشىلىگى تاريحي شىندىق بولعانىمەن, تەلەحيكايادا كوركەم شىعارماعا ءتان ستيلمەن استاسا بەرىلەدى», دەيدى جوبا جەتەكشىسى ارمان سقابىل ۇلى.
سەريالدىڭ رەجيسسەرى — باقىتتاس سانيتاس.
تەلەحيكايادا جاڭگىر حاننىڭ ءرولىن ءومىرالى مەدعات, فاتيمانىڭ ءرولىن — ءامينا مەكتەپباەۆا, يساتاي باتىردىڭ ءرولىن — نۇرلان ساعىناەۆ, ماحامبەت وتەمىسوۆتىڭ ءرولىن — دارحان سۇلەيمەنوۆ سومدادى.
«ساراي سىرى» حيكاياسىن Qazaqstan ارناسىنىڭ ەفيرىنەن 7 اقپان مەن 22 اقپان ارالىعىندا ساعات 21:30-دا كورۋگە بولادى.
