ء«بىز بۇگىن ەلىمىزدىڭ الەۋمەتتىك-ەكونوميكالىق قورىتىندىلارىن تالقىلايمىز. وتكەن جىلى ەل ەكونوميكاسى 4 پايىزعا ءوستى. وڭدەۋ ونەركاسىبى, 5,5, قۇرىلىس يندۋسترياسى 7,6 پايىزعا ارتتى. قىزمەت كورسەتۋ سالاسىندا وڭ ءۇردىس بار. ساۋدا-ساتتىق 9,2, كولىك سالاسى3,6 پايىزعا ارتتى. دەگەنمەن ينفلياتسيا مەجەلى دەڭگەيدەن اسىپ كەتتى. بۇل كورسەتىكش 8,4 پايىز بولدى. وكىنىشكە قاراي, «قاتار وقيعاسى» قالىپتى ءومىرىمىزدى تۇبەگەيلى وزگەرتتى. زاڭسىز ارەكەت سالدارىنان كوپ ازامات زارداپ شەكتى. شوب وكىلدەرى شىعىنعا ۇشىرادى», دەدى ول.
پرەزيدەنت اتاعانداي, قازىرگى مالىمەت بويىنشا بيزنەسكە 100 ملرد تەڭگەدەن استام شىعىن كەلدى.
«جاڭا ۇكىمەتتىڭ الدىندا ەلىمىزدىڭ ەكونوميكالىق الەۋەتىن تولىق قالپىنا كەلتىرۋ مىندەتى تۇر. بۇل - ۇلكەن ماڭىزدى مىندەتى. سوندىقتان ونى باسىمدىقتاردىڭ ءبىرى رەتىندە قاراستىرۋىمىز قاجەت. جوسپارلانعان رەفورمالاردى جۇزەگە اسىرۋ جانە ينفلياتسيانى تومەندەتۋ – باستى مىندەتتەردىڭ ءبىرى. ەڭ باستىسى – ءبىز ازاماتتاردىڭ تابىسىن ارتتىرۋىمىز قاجەت», دەدى توقاەۆ.
