قوسىمشانىڭ نەگىزگى ماقساتى – بوسانۋ كەزىندە جۇكتى ايەلدىڭ ءوز جاعدايىن باسقارۋ دەڭگەيىن جوعارىلاتۋ. ياعني جۇكتى ايەلدەر بالانىڭ تۋىنا مورالدىق, ەموتسيونالدى جانە فيزيكالىق تۇرعىدان دايىندالا الۋى كەرەك. ولاردىڭ بولاشاق بالا تۋىنىڭ بارلىق دەڭگەيىندە جان-جاقتى بولۋى شارت.
ءموبيلدى قوسىمشا اۆتورىنىڭ ايتۋىنشا, بولاشاق انالارعا ارنالعان جوبانى ىسكە اسىرۋ يدەياسى جەزقازعان قالاسىنان كەلگەن جۇكتى ايەلدىڭ On Moms ونلاين كۋرسىنا قاتىسقاننان كەيىن تۋدى.
«بۇل ايەلدىڭ تۇڭعىشى جۇكتىلىك كەزىندە دۇرىس كۇتىم جاسالماعان سوڭ, تولعاق ۋاقىتىندا تۇنشىعىپ, قايتىس بولعان. وسىلايشا, ول ەكىنشى بالانى دۇنيەگە اكەلۋدەن قورىقتى. ارينە, دەنى ساۋ بالاسىن تۋعىسى كەلدى. الايدا قازاق تىلىندە جۇكتى ايەلدەرگە ارنالعان بىردە-ءبىر كۋرس بولماعاندىقتان بوسانۋعا دۇرىس دايىندالا المادى. مۇنداي جاعدايلار ەلىمىزدە كوپ كەزدەسەدى. حالىقتىڭ 62%-ى, قازاق تىلىندە سويلەيتىن جۇكتى ايەلدەر كوبىنە اۋىلدىق جەرلەردە بوسانادى. بىراق وندا مەديتسينالىق كومەك قولجەتىمسىز, قالاعا بارۋ الىس, قاراجات بولا بەرمەيدى نەمەسە كليماتتىق جاعدايلار, كوكتايعاق جانە 40 س0 ىستىق اسەرىنەن ۇزاقمەرزىمدە ءجۇرۋ بولاشاق انانىڭ دەنساۋلىعى ءۇشىن قاۋىپتى. ءبىز بۇل ماسەلەنى قازاقستاننىڭ وڭتۇستىك وڭىرلەرىندە تەرەڭىرەك زەرتتەي باستادىق. سەبەبى مۇندا ەل بويىنشا ەڭ جوعارى بالا تۋ كورسەتكىشى تىركەلەدى. الايدا بۇل جەردە دە ءتىل ماسەلەسى وزەكتى. ياعني كوپتەگەن قالا تۇرعىنى مەن باسقا دا شەتتەن كەلۋشىلەر ورىس ءتىلىن تۇسىنبەيدى جانە بىلمەيدى», دەدى س.كۋلچيمباەۆا.
جۇكتىلىك جانە بالانىڭ تۋى – ءجيى قوزعالاتىن وتە وزەكتى ماسەلەنىڭ ءبىرى. سوندىقتان جۇكتى ايەلدەرگە ارنالعان ءموبيلدى قوسىمشالار شەتەلدەردە بەلسەندى تۇردە قولدانىسقا ەنىپ, دامۋدا. مىسالى, مۇنداي ءموبيلدى قوسىمشالاردىڭ ۇزدىك بەستىگىنە Flo, Hello, Baby جانە جۇكتىلىك كۇنتىزبەسى كىرەدى.
ال قازاقستاندىق On Moms قوسىمشاسى جۇكتىلىك تۋرالى بارلىق نۇسقاۋدى بەينەفورماتتا جۇرگىزەدى. سونداي-اق قوسىمشاعا قازىرگى پاندەميا جاعدايىنا بايلانىستى پوستكوۆيدتىق وڭالتۋ بويىنشا ينتەربەلسەندى ديالوگ پەن جۇكتىلىك كەزىندەگى بولاشاق انانىڭ جاعدايى بويىنشا تۇراقتى ساۋالدامالار ەنگىزىلەدى. ساۋالدامادان كەيىن پايدالانۋشىعا الدىن الا باعدارلامالانعان الگوريتمدەردىڭ كومەگىمەن ۇسىنىستار جۇيەسى بەرىلەدى.
«بوسانۋعا دايىندىق كەزىندە شەتەلدەردە رەپرودۋكتيۆتى دەنساۋلىق پەن مىنەز-ق ۇلىق مادەنيەتىن دامىتۋ مىندەتتەلگەن. ساقتاندىرۋ مەديتسيناسى وعان كوپ كوڭىل ءبولىپ, بولاشاق ۇرپاق دەنساۋلىعى ءۇشىن زور جاۋاپكەرشىلىك تانىتادى. الايدا ءبىزدىڭ مەملەكەتتە بۇل ماسەلە جەتكىلىكتى تۇردە دامىماعان. سوندىقتان ءبىز وسى مىنەز-ق ۇلىق مادەنيەتىنىڭ ماڭىزدىلىعىن, وزەكتىلىگىن قوعامدىق ساناعا جەتكىزگەندى ءجون سانايمىز. ياعني ءار ادام ءوز دەنساۋلىعىنا جاۋاپتى بولۋى كەرەك. سونداي-اق كوپتەگەن ادام عالامتور جەلىلەرىن دۇرىس پايدالانۋدى نەمەسە ۋاتساپ-بوتتان ءوتۋدى بىلە بەرمەيدى. دەمەك ەلىمىزدە ازاماتتاردىڭ IT-تەحنولوگيالاردى مەڭگەرۋگە بايلانىستى ساۋاتتىلىق دەڭگەيى اقساپ تۇر. وسىنى ەسكەرىپ, بەينەكۋرستار مەن پايدالى مودۋلدەردى ەلىمىزدىڭ كەز كەلگەن نۇكتەسىنەن ىڭعايلى, قولجەتىمدى ەتكىمىز كەلەدى. وندا جۇكتى ايەلدەر ساۋ بالانىڭ تۋى تۋرالى مەديتسينالىق كومەك الا الادى. وسىلايشا, ءبىزدىڭ ازاماتشالار ات-ساۋاتتىلىق بويىنشا جۇيەلەنگەن, ساۋاتتى, ماماندار ۇسىنعان اقپارات پەن تاجىريبە بويىنشا ءبىلىمىن ارتتىرا الادى. جوبانى ىسكە اسىرۋداعى تاعى ءبىر ماسەلە – مەديتسينالىق قىزمەتكەرلەر تاراپىنان ونلاين كۋرستاردىڭ ۇسىنىلمايتىنى. سوندىقتان جاڭا ۇسىنىستاردىڭ بۇكىل قازاقستان بويىنشا مەديتسينا ارقىلى قولدانىسقا ەنۋىنە قول جەتكىزگىمىز كەلەدى», دەدى جوبا اۆتورى.
ءموبيلدى قوسىمشا قۇرىلىمى ەكى باعىتتا جۇزەگە اسىپ, ەكى ءتۇرلى مىندەتتى اتقارادى. بىرىنشىسىندە, جۇكتىلىككە قالاي دايىندالۋ كەرەك, بوسانۋ كەزىندە نەنى ءبىلۋ كەرەك جانە تاعى باسقا سۇراقتارعا جاۋاپ بەرىلەدى. سونداي-اق حالقىمىزدىڭ داستۇرىندەگى بوسانعاننان كەيىنگى باعالاناتىن «قىرىق كۇن» كەزەڭنىڭ ماڭىزدى ماسەلەلەرى قامتىلادى. ياعني قىرىق كۇن ىشىندە جۇكتى ايەلدە بايقالاتىن كەيبىر جاعدايلار ونىڭ قانداي بوسانۋ تسيكلىندە ەكەندىگىن كورسەتەدى. ءموبيلدى قوسىمشا اۆتورىنىڭ ايتۋىنشا, بۇل باعىتتاعى قوسىمشانى قولدانىسقا ەنگىزۋ ءۇشىن كەمىندە 150 مىڭ دوللار جۇمسالادى.
ەكىنشى باعىت اقىل-وي, ەموتسيونالدى قاتىناس جانە اعزا دامۋى دەڭگەيىندەگى دايىندىقتى قامتىپ, ۇشتىلدىلىك ادىسىمەن جۇرگىزىلەدى. جۇكتىلىك بويىنشا بىرقاتار سۇراققا جاۋاپ بەرىپ, وعان جاڭا كونتەنت پەن بەينەساباقتار تۇسىرىلەدى. بۇل باعىت بويىنشا 50 مىڭ دوللار كولەمىندەگى قاراجات جۇمسالادى.
قازىر جوبا MVP ساتىسىندا, ياعني مينيمالدى ومىرشەڭ ءونىم جاسالىپ, ساتىلىمعا شىقپاق. جوبا اۆتورى ايتقانداي, قوسىمشانى جۇيەلەۋ جانە بارلىق تۇجىرىمدامانى قۇرۋ ءۇشىن قارجى رەسۋرستارى قاجەت. وسى ورايدا ءموبيلدى قوسىمشانىڭ دامۋىنا جاسالعان مۇمكىندىكتىڭ ءبىرى – Astana Hub IT-ستارتاپتار حالىقارالىق تەحنوپاركىنىڭ ۇسىنعان گرانتى. سونىڭ نەگىزىندە الداعى ۋاقىتتا جوبانى قازاق تىلىنە اۋدارۋدا قارجى ماسەلەلەرى شەشىلمەك.
جوبا اۆتورلارى مەملەكەتتىك سەگمەنتپەن جۇمىس ىستەيتىندىكتەن, ونلاين-كۋرسقا حالىقتىڭ 80%-ىن قۇرايتىن, دارىگەرلەردىڭ قاراۋىنداعى بارلىق جۇكتى ايەل جۇگىنەدى.
«پاندەمياعا بايلانىستى كۋرسقا جازىلۋ بەس ەسەگە ارتتى. بۇعان مەملەكەتتىك سەگمەنت وتە ۇلكەن ءرول اتقاردى. ياعني eGov ەلەكتروندى ۇكىمەتى ارقىلى وتىنىمدەردى جاساي وتىرىپ, بىزگە اۋديتوريانىڭ كوپ بولىگى تارتىلدى», دەيدى جوبا جەتەكشىسى.
قوسىمشانىڭ ارتىقشىلىعى رەتىندە جۇكتى ايەلدىڭ جاعدايىنا بايلانىستى مەرزىمدى ساۋالدامالاردى ەسكەرە وتىرىپ, جەكە ۇسىنىستار بەرەتىن باعدارلاما بولادى. On moms ءموبيلدى قوسىمشاسىنىڭ فۋنكتسيونالى قاراپايىم ءارى بولاشاق انالار ءۇشىن ەڭ قاجەتتى بولماق. جۇكتىلىك كۇنتىزبەسىنىڭ مودۋلدەرى ەنگىزىلىپ, وندا ءسابيدىڭ اپتا سايىنعى دامۋى, سونداي-اق بولاشاق انانىڭ سالاماتتى ءومىر سالتى قاعيدالارى جانە دارىگەرگە جوسپاردان تىس قارالۋ قاجەتتىلىگىن ەسكەرتىپ وتىراتىن كارتا كورسەتىلەدى. سوندىقتان On Moms جوباسى قازاقستان جانە تمد كومپانيالارىمەن جۇمىس ىستەۋدى جوسپارلاپ وتىر.
ينديرا بەرجانوۆا,
ل.ن.گۋميلەۆ اتىنداعى
ەۇۋ ستۋدەنتى
