تاەكۆوندو: سپورتشىلارىمىز وليمپيادا جولداماسى ءۇشىن كۇش سىناسۋدا

ەلىمىزدىڭ تاەكۆوندودان جاسوسپىرىمدەر ۇلتتىق قۇراما كومانداسى قىتايدىڭ تايپەي قالاسىندا وليمپيادا ويىندارىنا جولداما بەرەتىن جارىسقا قاتىسۋدا. ال وليمپيادا وسى جىلى قىتايدىڭ نانكين قالاسىندا وتەدى. بۇل تۋرالى سپورت جانە دەنە شىنىقتىرۋ ىستەرى اگەنتتىگىنىڭ شتاتتاعى ۇلتتىق جانە سپورت رەزەرۆى ديرەكتسياسى حابارلادى. بۇل سىنعا ەرلەر اراسىندا  عالىمجان سەرىكباي (48 كگ), ابزال قارشال (63 كگ),  ەركەبۇلان ابىلقاس (73 كگ ) پەن قىزدار اراسىندا نۋريلا ۋبايدۋللا (44 كگ.), جازيرا ساپاربەك (49 كگ ) جانە عانيا الزاق (63 كگ) قاتىسۋدا. وسىدان كەيىن 23-26 ناۋرىز كۇندەرى تايپەيدە تاەكۆوندودان جاستار اراسىندا الەم چەمپيوناتى وتەدى. بۇل باسەكەگە قازاقستاننان 20 سپورتشى قاتىسادى. سپورتتىڭ وسى تۇرىنەن ەلىمىزدىڭ ۇلتتىق قۇراما كومانداسىن باقىتجان رايبەكوۆ پەن مىرزاعالي سۋرانوۆ جاتتىقتىرادى. قازىرگى كەزدە وسى مامانداردىڭ جەتەكشىلىگىمەن كوماندامىز قىس بويى وقۋ-جاتتىعۋ جيىندارىن وتكىزىپ, الەم چەمپيوناتىنا جاقسى دايىندىقپەن اتتاندى دەسە بولادى.  قازاقستان تاەكۆوندو فەدەراتسياسىنىڭ پرەزيدەنتى ۆياچەسلاۆ كيمنىڭ ايتۋىنشا, جاستار قۇراماسى جىل باسىنان بەرى ءۇش كەزەڭ بويىنشا جاتتىقتى. ءبىرىنشى كەزەڭ «مەدەۋ» سپورت كەشەنىندە 9-28 قاڭتار كۇندەرى ءوتتى. وسىدان كەيىن جاستارىمىز 4-18 اقپان كۇندەرى وڭتۇستىك كورەيانىڭ سەۋل قالاسىندا جەرگىلىكتى تاەكۆوندوشىلارمەن بىرگە جاتتىعۋ جيىندارىن وتكىزدى. ال 20-22 اقپان كۇندەرى جاستار قۇراماسى «فۋدجەيرا وۋپەن» حالىقارالىق تۋرنيرىنە قاتىسىپ, وندا 8 مەدالدى جەڭىپ الدى. داستان كەنجالين. دەرەككوز: www.kazsports.kz فوتو: www.kazsports.kz