ۆەنەتسيا بيەننالەسى دەگەن نە؟ سۇلۋلىقتىڭ سىرى مەن قۇنىن بىلەتىندەرگە قاقپاسىن ايقارا اشاتىن ايگىلى كورمە شىعارماشىلىق اتاۋلىنىڭ شىڭى بولىپ ەسەپتەلەدى. كورمە كوپ, بىراق ەكى جىلدا ءبىر مارتە, جۇپ سانىنداعى جىلمەن ورايلاس وتكىزىلەتىن حالىقارالىق ۆەنەتسيا بيەننالەسىن بىلگىرلەر مەن ساراپشىلار «الەمدىك ونەردىڭ وليمپياداسى» دەپ اتايدى.
سۋ ۇستىندە تۇرعان قالانىڭ سۇلۋلىعىن ودان ءارى ارتتىراتىن ونەردىڭ بۇل جارمەڭكەسىن قىزىقتاۋ ءۇشىن دۇنيە ءجۇزىنىڭ تۇكپىر-تۇكپىرىنەن مىڭداعان سۋرەتشىلەر, مۇسىنشىلەر, ارت-ديلەرلەر مەن تىلشىلەر اعىلىپ كەلىپ, وزدەرى ۇناتقان ەڭ مىقتى ونەر تۋىندىسىن الەمگە جارنامالايدى. ونەر تۋىندىسىنىڭ اۆتورى قاس پەن كوزدىڭ اراسىندا الەمدىك تانىمالدىلىققا قول جەتكىزەدى. بيەننالەنىڭ باستى تالابى – ءبىز ءومىر ءسۇرىپ وتىرعان بۇگىنگى كەزەڭنىڭ شىندىعىن بەينەلەۋ, زاماناۋي ونەردىڭ ۇلگىسىن كورسەتۋ.
ونەر الەمىندە وسىلاي اسپەتتەلەتىن مارتەبەسى بيىك ۆەنەتسيا بيەننالەسىنە قازاقستاننىڭ اتىنان وRTا ترانسديستسيپلينار ۇجىمى قاتىسادى. ۇجىم اتاقتى الماتىلىق سۋرەتشى سەرگەي كالمىكوۆتىڭ شىعارماشىلىق يدەياسىن نەگىزگە العان. الەمدىك ونەردىڭ دامۋ باعىتىن انىقتايتىن حالىقارالىق بيەننالەنىڭ ءساۋىر ايىنان قاراشانىڭ سوڭىنا دەيىن وتەتىنى جوسپارلانعان.
ءىس-شارانىڭ باس كۋراتورى – چەچيليا الەماني. كورمەنىڭ ء«تۇس ءسۇتى» دەگەن اتاۋى بريتان سۋرەتشى-سيۋررەاليستى لەانارا كاررينگتوننىڭ وتكەن عاسىردىڭ 50-جىلدارى مەكسيكادا جازعان اتتاس كىتابىنىڭ قۇرمەتىنە قويىلىپ وتىر. بۇل شىعارمادا قيال جەتەگىندە وتىرىپ, كەز كەلگەن دۇنيەنى وزگەرتۋگە بولاتىنى تۋرالى سيقىرلى ەرتەگىلەر باياندالعان بولاتىن. چەچيليا الەماني جەتەكشىلىك ەتكەن باس كورمەدەن بولەك بيەننالەدە الەمنىڭ ءتۇرلى مەملەكەتى ءوز پاۆيلونىن ۇسىنادى. قازاقستان 2005-2013 جىلدار ارالىعىندا شاراعا ورتالىق ازيا ەلدەرى پاۆيلونى اياسىندا, ال ودان كەيىنگى ۋاقىتتا ءتۇرلى مادەني مەكەمەلەردىڭ ءوز بەتىنشە ۇيىمداستىرعان باستامالارى شەڭبەرىندە قاتىسىپ كەلدى. ال بۇل جولى قازاقستان تۇڭعىش رەسمي ۇلتتىق پاۆيلونىن تانىستىرعالى وتىر. پاۆيلوندى قازاقستاننىڭ زاماناۋي ونەر قورى ءا.قاستەەۆ اتىنداعى مەملەكەتتىك ونەر مۋزەيىمەن سەرىكتەستىكتە بىرنەشە ءىرى قازاقستاندىق كومپانيالار مەن قورلاردىڭ دەمەۋشىلىگىمەن جانە قازاقستاننىڭ مادەنيەت جانە سپورت مينيسترلىگىنىڭ قاتىسۋىمەن ۇيىمداستىرىپ وتىر.
مəدەنيەت جəنە سپورت ءمينيسترى دəۋرەن اباەۆ حالىقارالىق كورمە تۋرالى: «ۆەنەتسياداعى بيەننالەدە ءبىزدىڭ پاۆيلوننىڭ پايدا بولۋى يگى ءدəستۇردىڭ باستاۋى بولماق جəنە ول بۇكىل əلەم تانيتىن, وزىنە تəن قولتاڭباسى بار قازاقستاندىق ونەردىڭ وركەندەي تۇسۋىنە ءوز ىقپالىن تيگىزەدى دەپ سەنەمىن. بۇل رەتتە, əرينە, اتالعان جوبانىڭ جۇزەگە اسۋىنا ۇلەس قوسقان ۇيىمداستىرۋشىلاردى, دەمەۋشىلەردى, مەتسەناتتاردى, سۋرەتشىلەردى جəنە قاراپايىم ەنتۋزياستاردى اتاپ ءوتىپ, العىس بىلدىرگىم كەلەدى. مينيسترلىك ءوز كەزەگىندە جوبا قاتىسۋشىلارىنا جان-جاقتى قولداۋ كورسەتەدى», دەپ پىكىر بىلدىرگەن ەكەن. الەكساندرا موروزوۆا, رۇستەم بەگەنوۆ, داريا دجۋمەليا, الەكساندر باكانوۆ جəنە سابينا قۋانعاليەۆانى بىرىكتىرگەن ORTA ترانسديستسيپلينار ۇجىمى – قازاقستان ۇلتتىق پاۆيلونىنىڭ كۋراتورلارى جəنە سۋرەتشىلەرى. ORTA سۋرەتشى, ونەرتاپقىش, جازۋشى سەرگەي كالمىكوۆتىڭ يدەيالارىنا نەگىزدەلگەن جوبانى ۇسىناتىنىن حابارلاعانىمەن, ونى ناقتى قانداي تاقىرىپقا جيناقتاپ, قانداي پىشىندە جەتكىزەتىنىن ازىرگە قۇپيا ساقتاپ وتىر. لەونورا كاررينگتون سەكىلدى سەرگەي كالمىكوۆ تا ءوز شىعارماشىلىعىندا قيالىنداعى شەكسىز الەمگە ەركىن ساياحات جاساپ, ءبىزدىڭ ايماقتاعى زاماناۋي سۋرەتشىلەر تولقىنىنىڭ قالىپتاسۋىنا ىقپال ەتكەن بولاتىن. «بەس جىل بۇرىن بىزگە سەرگەي كالمىكوۆ مəتىندەرىنىڭ تاڭ-تاماشا قالدىراتىن əدەمىلىگىن سەزىنۋدىڭ مۇمكىندىگى تۋدى, ونىڭ كەمەڭگەرلىگىنە ەرىكسىز ءتəنتى بولدىق. سۋرەتشىنىڭ يدەيالارىن الا وتىرىپ, ونەردەگى, عىلىمداعى, مۋزىكاداعى, كينوداعى, فيلوسوفياداعى ءتۇرلى فورما جəنە كونتسەپتسياعا تəجىريبە جاسادىق. وسى شىعارماشىلىق تəجىريبە جولىنداعى ماڭىزدى ناتيجە ءسəۋىر ايىندا قازاقستاندىق پاۆيلوندا تانىستىرىلاتىن بولادى», – دەيدى ORTA ارت-توبىنىڭ ۇيىمداستىرۋشىسى رۇستەم بەگەنوۆ.
ۆەنەتسيا بيەننالەسىنەن قازاقستاننىڭ تۇڭعىش ۇلتتىق پاۆيلونىنىڭ اشىلۋى – ەلىمىزدىڭ مəدەني ومىرىندەگى ماڭىزى جوعارى وقيعا. قازاقستاننىڭ ۆەنەتسياداعى تۇڭعىش پاۆيلونى جوباسىنىڭ اجىراماس بولىگى رەتىندە پاراللەل باعدارلاما قابىلداناتىنى دا بەلگىلى بولدى. بۇل باعدارلاما اياسىندا ۆەنەتسيا بيەننالەسى ءوتىپ جاتقان ۋاقىتتا پاۆيلونعا ارنالعان ارنايى ءىس-شارالار شەرۋىن ۇيىمداستىرۋ جوسپارلانعان. باعدارلاما تۋرالى تولىق اقپارات وسى جىلدىڭ كوكتەمىندە جاريالانادى. «ۆەنەتسيا بيەننالەسىندەگى جەكە ۇلتتىق پاۆيلون – قازاقستاندىق ارت-ساحناداعى كوپتەن كۇتكەن وقيعانىڭ ءبىرى. قازاقستاننىڭ ۆەنەتسياداعى تۇڭعىش پاۆيلونىندا كوميسسار بولۋ – مەن ءۇشىن ۇلكەن مəرتەبە. ونەردى ءبىرىنشى كەزەكتە كوممۋنيكاتسيا رەتىندە قاراستىرۋعا بولادى, ال ۆەنەتسياداعى ۇلتتىق پاۆيلوندار ارقىلى شارتاراپتىڭ داۋىسىن ەستۋدىڭ, ياعني ءبىر كوزقاراسقا بايلانىپ قالماي, ۋاقىت رۋحىن سەزىنۋدىڭ مۇمكىندىگى مول. بۇل پاۆيلون əلەمدىك ولشەمدە دە, ەل ىشىندە دە قازاقستاندىق زاماناۋي ونەردى قولداۋعا جəنە تانىستىرۋعا ارنالعان كوپتەگەن جوبانىڭ بىرىنە اينالادى دەپ ۇمىتتەنەمىن», – دەيدى قازاقستان پاۆيلونىنىڭ كوميسسارى, حالىقارالىق دارەجەدەگى ارت-مەنەدجەر مەرۋەرت قاليەۆا.
