پرەزيدەنتتەر ەكى ەل اراسىندا ديپلوماتيالىق قاتىناستار ورناعان ساتتەن بەرى 30 جىل ىشىندە ىنتىماقتاستىقتىڭ ءارتۇرلى سالاسى بويىنشا ايتارلىقتاي جەتىستىكتەرگە قول جەتكىزىلگەنىن اتاپ ءوتتى. سونىمەن قاتار قازاقستان مەن يراننىڭ كوشباسشىلارى ساۋدا-ەكونوميكالىق جانە ىقپالداستىقتىڭ باسقا دا باعىتتارىنداعى بايلانىستاردى ودان ءارى نىعايتۋعا كۇش سالۋ قاجەت دەپ سانايدى.
قاسىم-جومارت توقاەۆ «قاسىرەتتى قاڭتار» وقيعالارىنا قاتىستى الاڭداۋشىلىق تانىتىپ, نيەتتەستىك تانىتقانى ءۇشىن يبراحيم رايسي مەن يران حالقىنا ريزاشىلىعىن ءبىلدىردى.
مەملەكەت باسشىسى ەلىمىزدەگى جاعدايدىڭ تۇراقتالعانىن اتاپ ءوتىپ, الەۋمەتتىك-ەكونوميكالىق قايتا قۇرۋدىڭ جاڭا ستراتەگياسىن جۇزەگە اسىرۋ شارالارى قابىلدانعانىنا توقتالدى.
پرەزيدەنتتىڭ ايتۋىنشا, قازاقستان حالقى بولاشاققا نىق سەنىممەن قارايدى.
